آلـثلاثـينـيةوآلمـراهـق

الــبـــارت الــعـاشــر

بعد شهر ........

بدينه نرمم البيت ونصبغه وطلعنه الغراض كلهن وهومي فدوه الكلبه ماقصر ويانه حمودي بشغل وهو لي ماخله شي ماسوها يرجع من دوامه يوكف ويه العمال ولي يصبغ وشايل هاي حاط هاي ومخبوص ويانه

تعلقت بي بشكل كارثي صارت عيوني مايفاركنه اخذت صوره اله وحافظتها بليل ماانام له ابقئ اباوع عليها لحد مااغفئ سالفتي وضحكتي كولشي يخصني احجيله مااضم عليه شي
مرات اضوج مايخلي شي مايسوي بس علمود تروح الضوجه

ابقئ انتظره ساعه ساعه لحد مايرجع صرت اكره البيت بدونه ليش كال هذا ماعرف شسداسوي هم ماعرف بس الي اعرفه مرتاحه وياه و اول مره احس هلاحساس الحلووو

بس شغله ضوجني كولش وهو حاس عليه من يكوم يحجي علئ صاحباته كدامي اتخبل خبال مدري شبيه اسودن ولا يحجي ويجيب طاري بنيه كدامي هو يعرف شلون يخليني انسئ وبسرعه يكوم يشاقه وياي لو يروح يسولي اكل يطلعني يبقئ يتغزل بيه بطريقه كولش حلووووه اول مره اسمعها واحس بيها

كملنه شغل البيت وجان يوم جمعه طبيت عليه بعده نايم علئ كيفي بقيت اتلمس وجهه واشوفه شلون نايم يلله طفل ولا جن هذا طوله وشوارب ولحيه ااااااه شسويت بيه ليييش هلكد ارتاحلك عفته وطلعت شويه وكعد محمد وراد يكعده ماخليته خطيةة حيل تعب بالشغل

كمنه نظف بالغرفه هوسه وغراض مال بناء والكاع كلها صبغ لزمه صونده بيدي ودا اجلف بلكاع وسمعت صوته

ايهم : اي ليش ما كعدتني اساعدكم

ريهام : صباااح الخير راد محمد يكعدك وماخليته

ايهم : ههه صبااااح العسل والنور والحلاوه خلي اتريك واجي اساعدج

ريهام : ههههههه يله منتظرتك

ايهم : محمد وين

ريهام : دك عليه ابو الاخشاب وراح يمكن يجيب الغرفه

ايهم : اهااا يله خلي انزل اتريك

شويه واجه اخذ الصونده واني اجلف واغسل بالغرفه وهو يرش ويسولف ويشاقه سوالفه تجنن اجه محمد جاب الغرفه دخللوها وشغل اغاني واهلهل وهو يركص ومحمد بس يضحك

كملنه تنظيف ورجعنه الغراض طلع رش الشارع ومحمد راح جاب اكل من بره واني طبيت سبحت كملنه وكعدنه نتغده كام يغسل رحت اخلي موبايلي علئ شحن دورت علئ الشاحنه ماكو

ايهم : ادورين علئ شاحنه

ريهام : ي شو ماهيه

ايهم : ي بغرفتي شاحتني مدري وين راحت واخذت شحنت موبايلي

طبيت جبتها لكيت موبايله تتصل عليه وحده اسمها بشرئ رفضتها

ايهم : هاا لكيتيها