آلـثلاثـينـيةوآلمـراهـق

آلــــــبـــــارت آلاول

..... هـلــي كـــل الــجــره مــنـكـم 💔
هـــلـــي لــو بــيـــدي أكـــاومـــكــم 😔
واجـــز يـــوم الـــولاده الـصـرت بـي بـتـكـم😭

" مــرحبا اسمي ريهام اليوم راح احجيلكم قصتي من جيـت لدنيا لحد هذا عمري وانشاء الله تعجبكم ............

" انه من البصره عمري حاليا 37 عندي اخوان 3 اكبر مني اول ما نولدت وعرف ابوي انه بنيه راد يموتني وبقئ يضرب باامي وصار كولش يكرها لان جابت بنيه بديت اكبر وافتهم ..........

" وانه اشوف امي تضربني وتكلي كله من وراج خليتي ابوج يكرهني لو ميته احسن لو شامرتج بشارع احسن وابوي كلما يرجع من الشغل اريد اروح احضنه ابوسه يدفعني ومايخليني وبس يصيح عليه مايخليني اطلع العب ويه الجهال ولا اروح لبيت جدي مخليني بسجن لا اطلع ولا اطب .............

" وكل ما اكبر يزيد الضرب والشغل والصياح عليه امي ساحبه ايدها من الشغل كله كولشي عليه انه انظف انه اطبخ بس هيه تخبز لان رادت تعلمني وحتركت ايدي وكمت افرفح اخواني يعاملوني مثل ابوي وامي هم صياح ويتامرون عليه مدرسه ماخلوني ادخل توسلت باابوي شكثر بس ماقبل وضربني ...........

" عايشه يم اهلي مثل الخدامه لهم بديت اكبــر وانه ماافتهم شي غير ضرب وشغل وصياح عليه شارع ماشايفته اتوسل باامي اروح وياها لببت خالي خالاتي لسوك ماتقبل حتئ من يجون بيت جدي يمنه ماتخليني اطلع له همه يكلوها صيحيها اروح اسلم عليهم ...........

" وهيه تخزر بيه بسرعه اكوم ماابقئ يمهم هدومي جانن مشككات وهيه اشكال تلبس وذهب وتطلع حيل حلوه اكلها خلي اصير مثلج تبقئ تصيح عليه وتكلي ولي اشتغلي .........

" ابوي حالته زينه وعنده محلات واخواني يشتغلون وياه بس اني مامحصله شي بطني ماشابعتها بس اركض والخوف ماكلني صايره مثل العوده والوجه اصفر والوسخ كاتلني بس بوكت النوم شويه ارتاح وابقئ ابجي لحد ما اغفئ تعلمت علئ هلعيشه من اني وصغيره وجسمي اخذ علئ ضرب ...............

.
.
.
.

" جنت اشتغل بالحوش ونفتحت الباب وطب ابن عمي انه بسرعه كمت دفوت لجوه هو صاحني مارديت عليه عفته وطبيت ثاني يوم سمعت ابوي يحجي ويه امي واخواني

" ويكلهم سعد حاجاني عليها وانه قبلت وامي واخواني كلوله ي خلي نخلص منها تولي تبقئ علئ كلوبنه فاكرتنه بقيت صافنه بمكاني وبس ادموعي تجري علئ خدي ............

" وره ما طلعوا ابوي واخواني جتي امي تفهمني وكالت تقبلين غصبا علئ راسج ضليت اتوسل بيها مااريد هو شكله موحلو ومكروه مدري شلون يباوعلي اخاف منه ضربتي علئ راسي وكالت مو بكيفج ..........

" ضليت ابجي وحايره شسوي حددو يوم العقد وامي حطتني حفافه ومكياج وجابلتي فستان وانه بس ابجي جوي بيت جدي شافني ابجي كالن شبيها خاف ماتريده غاصبيها كتلهن امي لا بس تبجي لان راح تعوفنه ...........