آلـثلاثـينـيةوآلمـراهـق

آلـبـارت آلعـشـرون والاخـير

رجعنه للعراق وبسرعه اخذنه سياره ورحنه لبيتهم جان حيل فرحان وشايل علاوي ويسحب بالجنطه دك الباب طلعله اخوه حضنه واخذ علاوي منه سلمت عليه رد عليه من وره خشمه فتنه لجوا تكلته سجئ سلمت عليه وجتي بوستني واخذت علاوي طلعت امه من غرفتها حضنته وكامت تبجي رحت سلمت عليها ماردت عليه اخذت علاوي وكامت تبوس بي وتبجي صاحتي سجئ كمت وياها للمطبخ

سجئ : شعجب قبلتي ترجعوا

ريهام : مو بيدي ايهم ضل يلح عليه هناك حيل تعب

سجئ: اف ياعيني يله الحمد الله علئ سلامتك لا تستحين ابد اعبتري البيت بيتج واني اختج وعمتي مره فقيره بس تعرفين بعد الصار شويه ضايجه سايريها وانشالله مايبقئ زعل بينكم سولفيلي انت وايهم شلونكم 😉

ريهام : هههههه الحمد الله

سجئ : الي اعرفه ساقط ومستهتر الله يعينج عليه

ريهام : هههههه لا حباب خوش وليد

سجئ: اهااا هيج الحجي الله يسعدكم يعمري

ريهام : حبيبتي تسلمين

حضرنه الغدا وكعدنه تغدينه وكملت رحت اغسل وياها الماعين ماقبلت صعد ايهم الجنط فوك بغرفته وعلاوي بقئ يم بيبيته العصر اجني خواته والتمن ماحجن وياي بس علاوي اخذنه ويكعدن يسولفن ويشاقن ويه ايهم بليل ايهمم طلع مامصدك رجع ضليت اني وسجئ نسولف وعلاوي يم بيبيته

مارجع ايهم له ساعه 12 بس فرحانه احس من يمشي طاير من الفرحه سوده بوجهي حرمته من اهله شلون فرحان ثاني يوم الصبح نزلت تريكت لكيته كاعد يم عمتي بالغرفه صاحني ضل يحجي وياها كمت بستها من راسها ردت احجي واكلها شنو صار ايهم اشرلي سكتت بس هيج ماحجت بعد كالت اهم شي عندي سعادة ابني

احمد : هوومي

ايهم : لك شنوو هومي ولك ابو علاوي

احمد : اسفين ابو علاوي

سجئ : ههههه اي ي نوب عيني ابو علاوي

ايهم : غصبا ماعليج

سجئ : عشتوووو

احمد : هسه كافي خلي احجي اكلك هاي محل ابو ياسر دايبعه ليش ماتشتري

ايهم : ليش يبيعه

احمد : مادري سمعت من ولده

ايهم : لعد اني كلت اخذلي تاكسي حتلو بالقساط اشتغل بيها نروح نشوف هسه بيش يريده

احمد : بكيفك بعد كوم خلي نشوفه جوز يعجبك

اخذ علاوي وياه وراح ضلينه احنه كاعدين نسولف بقت امه تسال بيه هناك شلون عايشين وشنو جان يشتغل للمغرب رجعوا كال اتفقنه وياه راح اشتري

كام يشتغل بالمحل والحمد الله اني وامه زينيين هيه كولش حبابه وفقيره وسجاوي ورده مال الله حتئ خواته حبابات عايشين مرتاحين بس تبقئ خوفه بكلبي