رِواية : أنتَ لِي .
< الفصل الثالث والعشرون >
والأخير .
تجلس في غرفة الصالون وأمامها "حازم وفريدة نور "
هتفت فريدة بهدوء : ازيك ي داليا !؟
داليا بارتباك : ازيك ي داليدا .. انا .. انا جاية عشان مصلحتك والله .. انا عرفت مكانك من الشغل ، الشركة اللي انتي فيها احنا بنتعامل معاها الحاجة اللي هقولهالك دي انتي لازم تعرفيها
استمعوا لها في اهتمام ف أكملت : انا داليا المنشاوي .. اخت سارة المنشاوي
وقفت فريدة بصدمة وهتفت بجمود : جاية لي ؟
وقفت داليا هي الاخرة وهتفت بهدوء : ممكن تقعدي وانا هحكيلك على كل حاجة
أمسكت نور بيد فريدة فجلسوا جميعهم ، هتفت داليا : انا وماما وبابا كنا عايشين لوحدنا .. سارة بقالها اكتر من ١٥ سنة بعيدة عننا بسبب خلاف عائلي ، مبتسألش على بابا ولا على ماما ولا عليا حتى ، بس انا كنت بسأل دايماً .. كنت دايماً باعتة حد يقولي كل حاجة بتحصلها وف الفترة اللي عرفت فيها انها اشتغلت ف شركة علي ، بابا وماما كانوا ماتوا ف حادثة
حازم بثبات : البقاء لله
أكملت قائلة: والدوام لله ، طبعا انا كنت منهارة ومحتجالها ف الوقت دا بس هي بعتتلي قرشين وخلاص .. انا شوفت حالي واشتغلت ف شركة كويسة وعايشة هنا ف القاهرة .. واتخطبت .. وفضلت برضو متبعاها واعرف عنها كل حاجة ، انا عرفت ان انتي وعلي اتخطبتوا ولما اتكتب في السوشيال ميديا عن اختفائك وانفصالكوا انا كنت محتاجة اعرف السبب ف دا اختي ولا لا ؟ خليت الخدامة اللي عندها ف البيت تراقبلي الوضع وعرفتني ان علي اتجوزها بالاكراه وبأمر من والده عشان هي حامل بس الغريبة ان الخدامة امبارح اتصلت وقالتي ان لما علي بيمشي .. مبتلاحظش بطن ل سارة مع انها ف الشهر الخامس وهي عرفت انهاردة ان سارة بتحط مخدة اودام علي .. يعني علي مخانكيش ي فريدة سارة بتكدب ع الكل
الجميع في صدمة وفريدة لا تعلم هل تبكي أم تسعد أم تقول انها ليس لها شأن .. ولكن القلب انتصر وهتفت : .. انا.. انا لازم اعرفه .. لازم اسافر واقوله
ثم ذهبت الى غرفتها ونور ذهبت خلفها
نظر اليها حازم وهتف بهدوء : شكرا ع اللي عملتيه
ابتسمت له داليا وهتف بعدها : مبروك ع الخطوبة
لاحظت الخاتم الذي باصبعه فهتفت برقة : ومبروك على جوازك
حازم بثبات : الله يبارك فيكي
داليا بتساءل : جميلة اخت علي صح ؟ انا شوفت الصورع الاكونت بتاعك
هتف حازم بابتسامة : اه .. جميلة
صمتت قليلا ثم هتفت : ..انا اسفة ع اللي عملته زمان ي حازم بس انت تستاهل جميلة ع الاقل مش هتسيبك وتمشي زيي ..
