في الساعة العاشرة استيقظت على صوت أزيز هاتفها ، لتزفر بضيق وترفع الهاتف على أذنيها بدون معرفة هوية المتصل ، ليأتيها صوت جميلة قائلة : بقولك اي انا هقول كلمة واحدة بس وهقفل تاني ...انهاردة بابا عامل حفلة ف البيت هتيجي.. قولي ل ليندا وانا هكلم الباقي
تأفأفت جانا : يستي طب م انتي كان ممكن تقوليلي وقت تاني لازم يعني تصحيني
ضحكت جميلة : اسفة ي ستي ، سلام
ثم اغلقت معها الهاتف وذهبت جانا في النوم مرة أخرى
***************
جلست فريدة على مكتبها تستند على المكتب شاردة امامها ووجهها يعلوه التوتر الممزوج بالغضب وبدأ الفيضان في أفكارها ، كيف لها ان تمنع علي من تلك الصفقة ، هي تشعر بشئ وتعمل بأن تلك الصفقة ولا تطمأن الى ذلك المدعو حاتم ، صوت رنين هاتفها جعلها تستيقظ من تلك الافكار
ردت فريدة : الو
جميلة : الو ي فري ، انهاردة بابا عامل حفلة ف بيتنا بمناسبة شركته الجديدة اللي ف لبنان ، وهيحضر ناس كتير وانتي هتيجي طبعا وانا قولت ل جانا تقول ل ليندا ، قولي انتي ل نور
زفرت فريدة : طيب ماشي ي جميلة هقولها
جميلة : تمام باي
ثم اغلقت فريدة الهاتف ولاحظت توتر الشركة وسمعت صوت همس ، أن حاتم الخولي قد وصل
****************
بعد انتهاء مكالمتها مع فريدة تذكرت أنها لم تخبرها بأن يأتي حازم شقيقها ، ولا تعرف لماذا تريده في الحفلة الليلة ، قاطع تفكيرها مناداة والدها لها
جميلة : ها ...اي ي بابا ؟.
والدها : تعالي ي حبيبتي عشان نجهز للحفلة وتختاري انتي الأكل اللي هنطلبه وكدا
ابتسمت جميلة : تمام هعمل اخر مكالمة وجاية لحضرتك
ثم يذهب والدها وتحادث آدم
******************
يجلس على مكتبه وبجانبه حازم ، الذي منذ جلوسه كان يلعب بالأدوات والأقلام على مكتب ادم ، حتى نفذ صبره فيقول : ي بني انت مش لاقي حاجة تعلمها وجاي تدوشني وخلاص
حازم بصدمة مصطنعة : اي ؟ انت بتكلمني كدا ازاي ؟ انا منسق الاعلان يا غبي
امسكه ادم من معصمه بشدة : وحياة امك ؟
ضحك حازم : اي ي ادوم انا بهزر معاك متبقاس حِمق اوي كدا
ادار ادم وجهه الى هاتفه : اي دا ؟ جميلة بتتصل بيا
انتفض حازم فور سماع اسمها ، ليرد ادم قائلاً : ايوا ي جميلة
=.............
ادم : تمام على الساعة كام كدا ؟
=..............
نظر ادم الى حازم بخبث واكمل : تمام هو جمبي اهو ، هقوله، سلام
