الحب الضائع

الفصل الاول

تشرق الشمس في ڤيلا ضخمةفي القاهره  تتميز بالطراز الكلاسيكي في غرفه تدل من مظهرها انها غرفه شاب يستقيظ هذا الوسيم يدخل الي الحمام ليأخذ حماما ساخنا ليستعد لبدء يومه ويرتدي بدلته الرسميه للذهاب للعمل ويعدل شعره ثم ينزل الي الاسفل ......يجد والده يجلس علي السفره يقرأ في الجريده  وامه بجانبه ... 
اسر ببتسامه : صباح الخير يا ماما صباح الخير يا بابا
محمد (والد اسر ) صباح الخير يا اسر
صفاء (والده اسر )صباح الخير يا حبيبي
بعد خمس دقائق تنزل فريده وتلقي عليهم التحيه وتجلس بجانب اخيها
ويتناولوا الفطار
اسر :الحمد لله يلا يا فري عشان اوديكي الجامعه
فريده :حاضر يا ابيه
صفاء: ما تكمل فطارك ياابني
اسر :لا الحمد لله يا ماما شبعت
محمد :اسر عايز الصفقه ترسي علينا ومش عايزين نضيعها
اسر بنظره ماكره :ايه يا بابا انت مش عارف ابنك ولا ايه عيب عليك 
محمد بتنهيده  :نفسي تبطل غرور شويه وبعدين الحذر واجب
اسربلامبالاه  :ان شاء الله  هاخد بالي وفي هذه اللحظه يرن تليفون اسر فينظر للهاتف فيراه ياسين
اسرببرود  : عايز اي 
ياسين :انت جايب البرود ده منين ورانا اجتماع كمان نصف ساعه وحضرتك لسه قاعد  يلا تعالي بسرعه وفصل الخط
اسر بغيظ من حركه ياسين :وربي لما اروحلك لربيك علي العمله ديه يلا يا فري سلام يا بابا سلام يا ماما
صفاء ومحمد :سلام ياابني &سلام ياحبيبي
*********************
في مكان اخر في بيت متوسط الحال تستيقظ بطلتنا من نومها وتدخل الحمام لتأخذ حمام ساخن  لتستعد ليوم جديد 
الاء بنبره مرحه :صباح الخير يا بشر
الام :صباح النور يا لولو
الاء :ايه ده اومال عمورتي فين
فيخرج لها عمر
عمر :انا هنا اهوه يا لولو صباح الجمال ويقبل اخته من جبينها ويحتضنها
الاء :صباح الخير يا حبيبي
الام :يلا يا ولاد تعالوا افطروا
عمر والاء: حاضر يا ماما &حاضر يا مامتي
بعد انتهاء الفطور تنهض الاء وتستعد للذهاب للجامعه
الاء :الحمد لله يلا يا عمر عشان توديني الجامعه بعربيتك
الام : ما تسيبي اخوكي ياكل براحته يا قرده
عمر :لا الحمد لله يا ماما انا خلصت فطار الحمد لله
الاء : يلا بقي يا عمورتي
عمر :اديني جاي اهوه يا قرده
الاءبتذمر :انتوا مش هتبطلوا تقولوا ليا  قرده ده انا عسل وسكر و........ قاطعها عمر :ايوه هنبدا وصله المدح النفسي علي الصبح يلا يا الاء قدامي بدل ما اخرشمك
الاء :طيب ماتزوقش
الاء في نفسها :والله انا عسل بس هما مش بيفهموا
*********************
في الشركة يدلف اسر بطلته الجذابه وغروره المعتاد الذي يزداد عند سماعه لهمسات الموظفات عن اناقته وجماله  فهو اسر الذي لاتستطيع اي انثي مقاومه جماله ويذهب الي مكتبه ويبدا العمل وبعد قليل  يدلف اليه صديقه المقرب ياسين
ياسين بنبره مرحه :صباح القمر والعسل ايه الجمال ده يا بيضه
اسر وهو مازالت عينه في الورق: امتي تبطل سخافتك ديه
ياسين بمرح وتفكير  :مااعتقدش انها تتغير من شب علي شئ شاب عليه
اسر ببرود : المهم جاي ليه خير
ياسين بغيظ من بروده : من الذوق تطلبلي قهوه او اي حاجة مش جاي عايز ايه
اسر بنظره تحذيريه :ياسييين متعصبنيش
ياسين بخوف مصتنطع :ايه ده هولاكو هيطلع لا خلاص هلم نفسي
المهم يا سيدي انا اجلت الاجتماع كمان ساعه عشان حضرتك اتأخرت
اسر وهو يضرب يده برأسه  :اوبس نسيت الاجتماع ده خالص شكرا يا ياسين
ياسين :العفو يا صاحبي يلا اروح اكمل شغلي سلام
اسر :سلام
*****************
في الجامعه
وصلت الاء لجامعتها والتقت بصديقتها المقربه سهير
الاء بمرح : سوسو وحشتيني قالتها وهي تحضنها
سهير وهي تحتضنها  : وحشتيني ايه انا سايباكي امبارح
الاء :بردوا وحشتيني عجبك ولا لا
سهير : لا عاجبني
استوووووووووب تعريف بسهير
هي فتاه جميله ذات شعر اسود وعيون بنيه وهي محجبه وحيده ابويها ووالدها متوفي
نرجع للجامعه تاني
سهير وهي تنظر لساعتهابفزع : يالهووووي اتأخرنا علي المحاضره ده احنا هنتنفخ من الدكتور احمد 
الاء بفزع : يالهههههووووي طب اجري يافتحي
سهير تضحك وهي تلحق بها : يا مجنونه استني ربنا يصبر اللي هيجوزك
الاء وهي تجري خبطت في بنت
الاء :اوبس سوري يا قمر
البنت : ولا يهمك
الاء :ماشي ممكن نتعرف بالقمر
البنت وهي تضحك :اوووك انا اسمي فري
الاء  بمرح : ايه ده هو انت اسمك علي اسم البسكويت اللي بحبه 
فريده وهي تكاد تموت من الضحك :هههههههههههههههههههالله يخربيتك لا انا دلعي فري بس اسمي فريده
الاء  :اوك يا فري يا قمر انا اسمي الاء
فريده ببتسامه  : تشرفنا يا لولو
الاء بمرح : الشرف لينا يا اوختشي
فريده :ههههههههه
الاء بفزع : يالهوووووووووي
فريده بخضه : مالك فيه ايه
الاء بحزن لضياع المحاضره : نسيت المحاضره والبت سوسو كمان مش لقياها
فريده بتذكر : يالهههههوي تصدقي انا كمان ورايا محاضره واتأخرت عليها والدكتور بتاعها رخم
الاء : ايه ده هو زي الدكتور احمد رخامه
فريده وهي تكاد ان تموت من كثره الضحك : هههههههه رخامه هههههه اااه هو نفس الدكتور اللي بيديني اوعي تقولي انك قدي في  الفرقه الثالثه
الاء :ااااه انا في الفرقه الثالثه
فريده والاء صوتوا وحضنوا بعض
الاء :  طالما المحاضره راحت علينا تعالي نعقد نتكلم في الكافيتريا
فريده :اوك
قعدت فريده والاء يتعرفوا علي بعض
بعد ساعتين اتت سهير وهي غاضبه من الاء
سهير بغضب : انتي يا زفته قعده تتكلمي هنا وانا دخلت المحاضره وقعدت استناكي وفي الاخر اكتب ليا وليكي وانتي قاعده تتكلمي هنا 
الاء بخوف من شكل سهير  : والله ياسوسو خبطت في واحده و ........... وقعدت الاء تحكي لسهير كل اللي حصل
سهير : ماشي خلاص عفونا عنك وسعي بقي نسلم علي القمر....  هاي يافريده
فريده :هاي يا سهير ممكن تناديني فري وانا هناديكي سوسو ايه رايك
سهير :اشطااا موافقه
وجلس الثلاثه  يتعرفون علي بعضهم 
**************
في الشركه بعد انتهاء الاجتماع
ياسين:اسر
اسر وهو منشغل بفحص الملفات : امممم
ياسين بتفكير : مش ملاحظ ان السعر عالي بتاع الشرط الجزائي 
اسر ببرود : مش عالي ولا حاجة بس لازم  نعلي السعر عشان مايفكرش يلعب بديله
والشرط الجزائي يجي علي دماغوا
ياسين بتصفير  : واااااااااااااااو تفكير جهنمي الله علي دماغك
اسر بغرور : طبعا ياابني انا مش اي حد انا اسر المنياوي
ياسين بتذمر وغيظ : يخربيت الغرور نفسي تبطله
اسر وهو ينهض : لأ ... سلام بقي عشان اجيب فري من الجامعه
ياسين : سلام يا اخويا
*******************
في الجامعه
الاءوهي تنهض : يلا سوسو عشان نمشي
فريده : اقعدي شويه يا لولو عقبال مااخويا يجي ياخدني ويوصلكوا معايا
الاء : لا ماينفعش يا فري عشان متأخرش علي ماما
سهير : الاء عندها حق يا فري احنا مقولناش لأهلنا وكمان تأخرنا
فريده : طب استنوا انا عايزه ارقامكوا
سهير والاء : اوك
وتبادلوا الارقام
سهير والاء خارجين من الجامعه وبيتكلموا سهير وقفت تعدل الجزمه والاء  كملت مشي وكان في عربيه جايا بسرعه عاليه  ومره واحده ...... توقفت السياره علي اخر لحظه قبل ان تدهسها كانت ملامح الاء فزعه وخائفه كما انها كانت تحت تأثير الصدمه  
نزل من السياره شاب شديد الوسامه ولكن يظهر علي ملامحه الغضب