الحب الضائع

الفصل الثالث

في ڤيلا محمد المنياوي
دخل اسر وياسين الي الفيلا
اسر : السلام عليكم
صفاء ومحمد : وعليكم السلام
ياسين بمرح : عاملين ايه يا بشر
صفاء ببتسامه : كويسين يا حبيبي
وجلسوا يتحدثون سويا 
اسر بهمس لوالده : هي ماما مش بترد عليا ليه
محمد بنفس الهمس : عشان حضرتك كنت بايت بره وانت مقولتش ليها  وهي زعلت
اسر بزهق : والله انا كبرت يا جماعه
محمد بجديه : برضه ديه امك ومهما تكبر مش هتكبر في نظرها
اسر : اممممم ماشي هاروح اصالحها
محمد : ربنا معاك 
اسر : يااارب
ذهب اسر ليجلس جانب والدته واحتضنها
اسر : ايه يا صافي مش عاوزه تردي عليا ليه
صفاء بغضب : ابعد عني يااسر انا مخصماك
اسر : ابدا والله ما يحصل بس كل الحكايه اني كبرت ياامي ومش بقيت صغير
صفاء بدموع : بس انا ام وبقلق عليك
اسر وهو يمسح دموعها : ماعاش اللي ينزل دموعك ياامي وحاضر هبقي ابلغك انا فين عشان تطمني
صفاء : ماشي بس اوعي تكررها تاني
اسر : حاضر مش هكررها بااذن الله
ياسين كان بيتكلم مع محمد بس كان واخد باله من اسر وصفاء وزعل انه كان نفسه امه تشوفه وهو عريس وكان نفسه يروح زي اسر ويطبطب عليها وهي تحضنه وتطمنه بس للاسف امه مشيت في الوقت اللي كان محتاج لها فيه 
صفاء لاحظت شرود ياسين ودموعه المتحجره والحزن اللي في عينيه ولقيته باصص علي حضنها اللي اسر نايم فيه عرفت هو حزين ليه وزعلان ليه راحت قايمه وقعدت جنبه
صفاء : يويا مالك سرحان في ايه
ياسين وهو يستيقظ من شروده : هااه ولا حاجة
صفاء : عليا برضه
ياسين : مافيش حاجة والله يا امي
(ملحوظه ياسين بينادي صفاء بماما )
صفاء حضنته وطبطبت عليه : ماتزعلش هي في مكان احسن وبعدين انا موجوده وقت ماتحتاجلي هتلاقيني
ياسين بمرح : لولا بس يا صافي انك متجوزه كنت اتجوزتك من زمان وبقي عندنا صبيان وبنات
صفاء : هههههههههههههههههههههه 
محمد بغيره : اسر خد صاحبك واتكلوا علي الله قاعدين بتحضنوا في مراتي وعايزين تجوزوها قدامي
ياسين : طب يرضيك امشي جعان
محمد : يبقي تعقد محترم قال ايه عايز يتجوز مراتي
الكل قعد يضحك علي غيره محمد اللي مهما يكبر حبه مش بيقل لا ده بيزيد
***************************
في منزل الاء
الاء قاعده فاتحه الواتس وبتكلم فريده وسهير
الاء : بقولكوا ايه
فريده وسهير : اشجينا يااختي
الاء بتفكير : بفكر بكره بعد الكليه نتغدا في مطعم  وبالمره تغيير جو 
فريده وسهير : فكره حلوه اوك خلاص اتفقنا
الاء : ماشي سلاموووز بقي عشان انام
فريده وسهير : سلامنجا 
********************
في غرفه عمر كان قاعد سرحان في فريده وفي جمالها وكان قاعد بيكلم نفسه
عمر : انا شكلي حبيتك يا فريده
نفسه : لا انت اعجبت بيها
عمر : لا حبيتها عشان علطووول بفكر فيها
نفسه : صدقني ده اعجاب انت هتحبها من نظره واحده ومقابله واحده
عمر بزهق : لما انا مش بحبها مش عايزه تطلع من نفوخي ليه
نفسه : عشان انت مستمتع بالتفكير فيها فعشان كده مش راضيه تخرج من دماغك
عمر: احسن حاجة اعملها اني انام وابطل  تفكير
********************
في النادي الليلي
كان يجلس اسر وياسين يحتسون الخمر
اسر : بقولك اي  عندنا بكره احتماع في مطعم ***** ماشي عايزك تكون جاهز عشان هنقابل مندوب الشركة الايطاليه اللي هتعمل معانا الصفقه
ياسين : طب قابلهم لوحدك
اسر : لا لازم تكون معايا
ياسين : ماشي
اسر : طب انا هاروح عايز حاجة
ياسين : هتمشي ليه ده السهره في اولها
اسر : لا اسهر انت براحتك
ياسين : لا خلاص هروح معاك