شيطان العشق(هوس مالك)

البارت الثاني

بسم الله الرحمن الرحيم
*- احياناً ليس الشـخص من يتغير ، بل انـﮪ القنا؏ الذي سـقطـﮪ ،.*🖤

*- Sometimes it s not the person who changes Its the mask that falls out ، 🐼🖤وفجأه نسرين وهيا ماشيه سرحانه مش

يله نبداء
وفجأه نسرين وهيا ماشيه سرحانه مش عارفه تروح فين خبطت في حد
نسرين / ااااه مش تفتح يااعمي ولا فالح تمشي توقع في بنات الناس
الشاب/ وحياه امك انا برضو الي افتح ولا انتي انتي عارفه انتي بتكليمي مين
نسرين / هكون بكلم مين يا حيلتها الخديو اسماعيل ولا معالي الوزير
الشاب مسكها من قفها / وحيات امك لاعرفك انا مين قدامي علي القسم قدامي
نسرين بعد ما انتزعت نفسها منه. وادتله بلقلم / ده عشان تحرم تلمسني تاني وعشان تعرف انت بتكلم مين دنا نسرين عارف يعني اي نسرين ولا اعرفك بطريقتي
الشاب / ليله اهلك سوده انتي متعرفيش انا مين انا ظابط يا روح خلتك فاهمه يعني اي ظابط
نسرين ادتله بلقلم تاني / طظظظ مبتهددش انت فاكر نفسك مين عشان تجيب سيرت اهلي
الشاب لسه هيمد ايده عليها نسرين كسحته علي الارض بعد ما شنكلته برجليها بكام حركه كراتيه (نسيت اقولكم نسرين معاها الحزام الاسود في الكارتيه)
الشاب / انتي مجنونه وربنا لاحبسك
نسرين / يمه يمه خاف ياعيد استنا اجيب طاسه الخضه قسما عظما كلمه تانيه لاوريك انا ممكن اعمل اي فااااهم انا مبتهددش
الناس اتجمعت ونفس الشاب الي دفعلها الفلوس في الموقف جه وشفها
شاب الموقف / هو انا كل ما اشوفك القيكي مكسرالك راجل اي يابنتي المفرود انك بنت
نسرين / نعم بتقول حاجه تحب اوريك البنت انت كمان ممكن تعمل فيك اي
شاب الموقف بخوف / لالا خلاص استاذ يلي علي الارض حصل خير لو سمحت امسحها فيا
الشاب / مش ممكن انا هوريها مقمها هوريها مين هو اسر الكيلاني
نسرين / ما قلتلك ما بخفش عديني كده خليني امشي بدل ما اكمل جناني عليك ولحظك ياقمور ان الغزاله رايقه معيا وممكن اتسلا عليك
اسر شدها من شعرها / وحيات امي لاوريكي انا مين بس هسيبك دلوقت عارفه لي مش عشان خايف منك لااا عشان مش فضيلك عندي شغل
نسرين وهيا مسكت ايده وبتلويها / انا نسرين فاهم يعني اي نسرين نسرين الي عمر ما شاب فكر يلمسها حتا تقوم انت توقعني لا وكمان تمد ايدك عليا وحياه امي انا لاوريك انا مين اه فاكر انك هتهددني نووو ابسلوتلي ميقدرش علي القدره علي ربنا فاهم
اسر / الايام بيننا وهجيبك يا يا قطه
سابته نسرين ومشت وقعدت تصفر وافتكرت ان عندها صديقه عرفتها من الفيس من القاهره وقررت تروحلها ورحتلها نسرين
دعاء / ايوه يلي بتطبل علي الباب حاضر جايه اي ده نسرين مش معقوله
نسرين وهيا بتحضنها / ازيك يا وليه عمله اي احشاني اكلب البحر
دعاء / فل ياقلبي بتعملي اي في القاهره
نسرين / بعمل محشي اغرفلك ولا احشي
دعاء /يابت يخربيتك بطلي لماضه
نسرين / انا هربت وسرقت 200 جني من بك ماما اصل كانو هيجوزوني واحد اقرع وبكرش يرضيكي
دعاء بضحك / لا يختي ميرضنيش وبعدين يافلحوسه
نسرين./ ولا قبلين فا لو ينفع اقعد معاكي يومين لحد ما اظبط اموري
دعاء / اممم بصي يانسرين انتي صحبتي واخني بس مش هينفع انتي عارفه جوزي عنيه زايغه وانتي بصراحه حلوه اوي اخاف عليكي منه
نسرين / خلاص ياقلبي طيب استأذن انا قبل ما يجي الاخ جوزك.
دعاء / متزعليش مني بس هتروحي فين
نسرين / متقلقيش هروح عند واحده صحبتي تانيه اعرفها من زمان
نسرين في بالها صحبتي مين بلا نيله معرفش حد هنا غير دعأء والحل هعمل اي
دعاء / طيب ياقلبي خلي بالك علي نفسك
ومشت نسرين من عند دعاء اشترت ورقه بسكوت وقعدت تدور علي فندق تبات فيه بس لقتهم كلهم غالين والفلوس الي معها متكفيش وفكرت ترجع لاهلها بس مينفعش لو رجعت لاهلي هيجوزوني متولي ابو كرش يععععع انا اتشرد احسن من ابو كرش ده اخيييه علي تقل دم امه ولا شكله وهو بياكل يخربيته بحس انو ناقص ياكل دراعي وقعدت تفتكر وهو بياكل بايده وبيوقع علي هدومه والتربيزه
وقعدت تضحك وتقول يالهووووي انا كنت هتجوز الخرتيت ده ازاي يمه عاااااا ولقت كرسي تحت عمود نور وراحت تقعد عليه لحد ما الدنيا ليله عليها وفجأه شافت عربيات كأنهم في سباق ورا حد وضرب نار
نسرين / يالهووووي ياصغيره علي الموت يا نيرو كان ماله متولي ابو كرش اه بس ارحم من الطحن الي هنا ده يختييي يختيي يختييي هنموت متفجرين هنموت متفجرين يخربيتك يا فواز عسل عسل حتا وانت بتموت عسل لا انا خساره في ابو كرش والله اي ده احيه مركز في،ضرب النار احسن واستخبت ورا صندوق زباله ولقت واحد متصاوب بيجري نحيتها بس مش وخده بالها من ملامحه وحط ايده علي بؤقها
الشخص / ششششش اهدي مسمعش صوت يااما هنموت انا وانتي مفهوم
نسرين بعياط / هموت انا لسه صغيره طب ارجع 200 جني لماما عشان انا سرقتهم واتف علي متولي واحضن بابا وبعد كده اموت
الشخص / يخربيتك اهدي قولت
وفجأه استووووب ده البارت التاني احم اي راءيكم مطولتوش عشان بكتب في روايه احببت قلبا فا مش عوزه اتلغبط ما بينهم لاني كنت هكتب اسامي ابطال احببت قلبا كزا مره بلغلط هنا 😂😂😈اني اسفه
# دنيا محمد