بسم الله الرحمن الرحيم اولا انا فرحانه لما بشوف حد من المتابعين عندي بيرشحو للناس الروايه وفرحانه كمان ان في بنات ضحكت منها وقدرت ارسم حتا لو بسمه علي وش حد 😍😍❤️ربنا يديمكم ليا ************************************ - لما عيالكم يقفلوا علي نفسهم الاوضه بالساعات ومايحبوش القعده معاكم بسبب الانتقاد والكلام اللي زي السم اللي بتوجهوه ليهم ..
- لما يكبروا و يكرهوا كلمة " إن شاء الله " .. لأن كُل وعد توعدوه تقولوا إن شاء الله و مايحصلش !
- لما شخصياتهم تبقي ضعيفه وما يبقاش عندهم ثقه في نفسهم لانكم ما بتديهومش فرصه يعبروا عن اللي جواهم ودايمًا تستغبوهم .
- لما يكرهوا الصلاه و المذاكره ! لأن من أقل غلطه يغلطوها تسألوهم صليت إيه النهارده ؟! ذاكرت ولا لاء ؟ كأن الصلاه والمذاكره عقاب .
- لما اولادكم يدوروا علي الحنان بره البيت لانهم مالقهوش في حضنكم
- لما يكرهوا النقاش معاكم لانكم بتقللوا من اراءهم سواء في السياسه او الحياه عامةً
- لما كل يوم قبل نومهم يعاتبوكم وهما في اوضهم في سرهم و قد إيه في فجوه بينكم بسبب قلة التفاهُم والاحتواء
- لما يفشلوا في الكليه اللي اخترتوهالهم بسبب تدخلكم في مستقبلهم و منعهم عن حلمهم المؤمنين بيهم !!
- لما يكرهوا السفر معاكم في مصيف مثلاً .. لأنكم بتتعصبو عليهم وممكن تقلبوا الفُسحه غَم !
- لما يحبوا اكل المطاعم لأنكم بترفضوا تعملوا طرق جديده في نفس الاصناف الموجوده من اكل البيت !
- لما عيالكم يكرهوا بعض لأنكم بتفرقوا في المعامله بينهم و تميزوا حد عن التاني .. وتتحاسبوا يوم القيامه بجريمة الظُلم . !!
- لما يطلعوا مكلكعين من جوا وتفكيريهم محدود بسبب كلمة " انا وانا قدك كنت بجيب لبس كذا .. بصرف كذا .. " ! رغم ان سيدنا علي قال : لا تربوا أولادكم علي أخلاق زمنكم فانهم خلقوا لزمان غير زمنكم !!
- ماتزعلوش قوي لما بنتك تبقي تعيسه ف حياتها الزوجيه بسبب عريس فرضتوه عليها مع ان حقها الشرعي تتجوز اللي يعجبها حتي ولو بعد ١٠٠ سنه
- ماترجعوش تزعلوا بعد عمر طويل لما تموتوا وعيالكم مايحنوش للقائكم لأنكم زي الطوق علي رقابيهم و بفراقكم اتنفسوا .. بقوا أحرار !
قال رسول الله صلي الله عليه وسلم : " رحِم الله والدًا اعان ولده علي بِره " !
قال الشيخ الغزالي معلقًا على هذا الحديث: لا يجعل ولده عاقًا كارهًا له بسبب سوء معاملته لابنه
#ماتبقوش_تزعلوا .. ************************************ يله نبداء ************************************ في مصر ********* اتجه الجميع للمستشفي ااي فيها اعتماد مالك: طمني يا دكتور حالتها اي دلوقت الدكتور: الي كنا خايفين منه حصل وللاسف فقضت بصرها مالك: والحل يا دكتور الدكتور: لازم عمليه بس سنها ميسمحش للاسف بكده وهتكون خطر عليها نسرين بدموع: يعني خلاص اعتماد معدتش هتشوفني ولا تقرف فيا ولا تقولي يا خدامه الدكتور: انا قولت انها فقدت بصرها مش فقدت عقلها مالك: شكرا يا دكتور دخل عليهم راجل كبير في السن الرجل: مودي عمله اي باسل: انت مين الرجل: انا هاني حبيب مودي مالك بصدمه: اي سمعني كده تاني هاني: انا حبيب مودي قلت لازم انت عمو مالك ولي امرها والله كنت عاوز اتقدملها بس هيا الي كانت بتاجل الموضوع بس اوعدك يا عمي هجيلك اول ما تخرج من المستشفي نسرين ومسكت قلبها :اه قلبي طلعتي ماشيه علي حل شعرك يا اعتماد وبتحبي في سنك ده وانا يا حسره عليا لسه سنجل ضربتها ملاك علي قفها: سنجل اي يابايره اومال هلاكو اقصد مالك يبقا اي مهو جوزك مالك لي هاني: انت تعرف جدتي منين هاني: ياااه من واحنا لسه صغيرين وانا اعرفها بس مكنش معيا فلوس لما كبرت عشان اتجوزها وجوزوها جدك وفضلت عمري كله اشتغل عشنها مالك: وانت عارف ان عندها زهايمر يعني سعات بتفتكرنا بلعافيه اصلا هاني: عارف وراضي مالك: ودلوقت فقدت نظرها هاني: اسمع يا ابني اعتماد دي امنيت حياتي وحب عمري كله تفتكر عشان مش هتشوفني ولا تفتكرني اني ممكن اسيبها المهم لما تخرج هاجي اتقدملها ومش هسمحلك ترفضني فاهم نسرين: يرفضك اي يا جدو ياااه علي الحب يولاد ملاك بنظره شر لي باسل باسل :اي بتبصيلي كده لي ملاك: شايف الحب مش انت يا بصباص باسل: احم لينا بيت تتخانقي معيا فيه مش قدام الناس ودخلو خدو اعتماد علي القصر نسرين وهيا حضنه اعتماد: الف سلامه عليكي يا ميدو اعتماد: اوعي كده يا عقربه قومي يابت ولعي النور نسرين: انا عقربه تصدقي انا غلطانه اني كنت خايفه عليكي اعتماد وهيا بتحدفها بي المخده :امشي من هنا يا سوسه يا خبيثه يا لك من شنقيطه تفههه ملاك: طب اتخانقو انتو براحتكم انا وباسل ماشين بقا عشان عوزه اروح ارتاح نسرين وهيا بتحضن ملاك:عااا تصدقي يابت رغم اني لسه عرفاكي من كام يوم بس بس حبيتك والله ملاك: وانا والله بقولك اي هاتي رقمك نسرين: ************* ملاك: اشطا سجلته هبقا اكلمك نسرين: حبيب هارتي في الجنب التاني باسل: راجع نفسك يا مالك حرام عليك البنت مالك: هو انا بقولك هقتلها ياباسل متجننيش حظها هو الي وقعها في طريق باسل :والله ياباسل هتندم مالك :باسل اخرج من دماغي باسل: اخرج من دماغك اي البنت ملهاش زنب في حاجه متنساش اننا عندنا اخوات بنات مالك: متقلقش انا مرتب كل حاجه في دماغي باسل: انت حر المهم دلوقتي هتعمل اي مع ياسمين مالك: هجيبها تعيش معنا هنا منها تراعي اعتماد ومنها تمسك شركات ابونا باسل: وعمو هاني ده هههههه مش مصدق نفسي جدتك بيجيلها عرسان لحد دلوقت مالك: والله ما اعرف هعمل معاه اي المشكله انو بيقولي يا عمي باسل: لا كله كوم ونظره نسرين وملاك الي شوفتها دي كوم اتصدمو مالك: وحياتك انا زات نفسي انصدمت باسل: الواد معتز فين مالك: انا عارفله خلع من المستشفي وخد عيالك معاه ومشا باسل: وهتبقو نسايب ايوه ياعم يله انا ماشي نروح نشوف معتز فين وناخد منه العيال عشان منتاخرش مالك: ماشي ياصحبي سكت السلامه باسل: بس ورحمت امك يا مالك راجع نفسك مالك: هشوف وخد ملاك ومشا مالك: نسرين عوزك في المكتب اعتماد: انت السباك نسرين: حاضر جايه وراحت وراه المكتب مالك: تعالي معيا نسرين: علي فين مالك: مشوار صغير وخدها علي الترب نسرين: مش دي الترب مالك: اها هنزور امي تعالي وقفو قدام قبر والدته مالك: وحشتيني اوي يا امي اه نسيت اعرفك دي نسرين تبقا مراتي وحبيبتي نسرين بصدمه: اي مالك: اي متستغربيش انا حبيتك وحبيت اقلهالك هنا قدام قبر امي تتجوزيني يا نسرين نسرين: بس بس مالك وهو يضع يده علي فمها يسكتها: شششش من غير بس انا عوزك ترجعي لاهلك وتحدديلي معاد معاهم عشان اتقدملك انا بحبك يا نسرين تقبلي. تتجوزيني نسرين:ايوه موافقه بس اهلي ونسيت اننا متجوزين مالك: بكره هاجي معاكي علي اسكندريه واتقدملك رسمي واوديكي لاهلك وافهمهم كل حاجه متقلقيش انا معاكي ومسك ايديها مالك: نسرين انا حياتي مكنتش زي اي طفل امي ماتت وانا خمس سنين وابويا اتجوز بعديها علي طول وخلف اسر وياسمين مرات ابويا مكنتش كويسه معيا ولا كانت بتحبني ولما كبرت ودخلت كليه شرطه حبيت بنت وكنت ناوي اخطبها بس في يوم رجعت البيت بدري ومكنش في حد في البيت وسمعت صوت جاي من اوضه اسر ولقيت لقيت لقيت اسر والبنت الي حبيتها في حضن بعض رغم انو كان عارف اني بحبها نسرين بشفقه وي وضعت ايديها علي وشه نسرين: ششش اهدا ده كان ماضي بص يا مالك فكر في النحيه الاجابيه لو كنت اتجوزت البنت دي وخانتك كان هيحصل اي فكر انك عرفت حقيقيتها بدري وربنا نجدك مالك وحضنها مالك: مش هتسبيني زيهم صح نسرين: تؤ،مش هسيبك وبعدين اوعا كده يا اخي يخربيتك هتخنقني كل ده طول وعضلات مالك بإبتسامه: انتي بتحسيديني نسرين: لا طبعا دنا حتا عنيا زرقه ضد الحسد وبعدين يخربيت رومنسيتك حد يعرض علي واحده الجواز في المقابر طب اعرضه عليا في مطعم وبعد كده جبني هنا برحتك بس هنقول اي هولاكو بومه بومه مالك ومسكها من قفها: مين الي بومه نسرين: نزلني يخربيتك انا الي بومه وسمعو صوت قطه من وراهم نسرين: سمعت الي سمعته مالك: سمعت اي نسرين: صوت قطه عفرييييت يالهوي منك لله انت الي جبتني الترب بليل هتلبس هتلبس وطلعت تجري مالك: هه مجنونه صدقتني اني حبيتها وراح ورها وروحو علي القصر تاني يوم في الصباح لبست نسرين وخدت شنطتها وخدها مالك واتجهو علي اسكندريه خبطت نسرين باب بيتهم ام نسرين: ميييين الي بيخبط نسرين: انا ام نسرين فتحت الباب بصدمه :ن ن نسرين بنتي وي وقعت من طولها نسرين: يالهوي ماما ماما انتي يا وليه مالك: اجري بسرعه هاتي برفان نفوقها بيه عقبال ما اوديها علي الكنبه وشلها مالك وي ودها علي الكنبه خرجت نسرين من المطبخ في ايدها بصله مالك: فين البرفان نسرين: خد شممها دي وهيا هتفوق لسه هدور علي برفان شمم مالك ام نسرين البصله ام نسرين: اوووف اي الريحه دي نسرين: بصل يا ماما ام نسرين وحضنتها :نسرين انا مش مصدقه اني شوفتك انتي كويسه نسرين:يااااه يا عبصمد وحشني حضنك يا ابا الحج جوي جوي ام نسرين وبعدتها عنها ومسكتها من شعرها ام نسرين: كنتي فين يابنت الجزمه ردي عليا دنا هطلع البلا الازرق علي جتتك دلوقت ونزلت عض في دراع نسرين نسرين: اعاااا هقولك خلاص والله هقولك في اي نزله عض فيا لي هو مدحت مكنش بيأكلك لحمه ام نسرين وهيا مسكها من شعرها: مدحت مدحت ماشي يابنت مدحت وحياه ابوكي مدحت منا سيباكي علي الفضايح الي عملتهالنا دي مالك: بسسسسسسسسس ام نسرين: انت مين يا جدع انت عشان تعلي صوتك عليا لااااا دنا اصرخ والم عليك رجاله الحاره واقول انك جاي تتهجم عليا مالك: اولا انا ميهمنيش حد من رجاله الحاره دول ثانيا جوز بنتك هيتهجم عليكي ثالثا اتصلي علي حميا خليه يجي رابعا انا جاي اتقدم لبنتك استووووووب اي راءيكم وتوقعاتكم ويترا مالك بيعمل كده لي 🤣🤣ابقو معنا نلتقي بعد الفاصل صوره اعتماد وهاني 🤭🤣👇
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
مالك وهو ماسك نسرين من قفها 🤣👇
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
ام نسرين لما شافت نسرين 🤣🤣👇
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اعتماد لي نسرين 🤣🤣👇
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
