الحلقة 2 (أحببت طباخة )
وقفنا عند مازن جهز العربية و زياد و ريماس ركبو معاه و هما في الطريق
زياد :حاااااااااااسب يا مازن حاسب
مازن اتصدم و داس فرامل بسرعة و نزل هو و زياد و ريماس يشوفو البنت حصلها حاجة ولا لا
مازن بخوف و توتر:ميار انتي ايه اللي خلاكي تمشي كدا هنا انتي كويسة
ميار :اه انا كويسة بس اتخضيت و وقعت
ريماس :يا بنتي خدي بالك الحمد لله ربنا ستر قومي طيب معانا نروح للدكتور لو في حاجة وجعتك
ميار:لا مفيش حاجة الحمد لله انا وقعت بس من الخوف و الخضة
زياد بعصبية و نرفزة: يعني انتي ايه اللي مخليكي تمشي هنا انا مش فاهم بجد
ميار بعياط :حرام عليك ده بدل ما تقولي سلامتك
مازن:خلاص بقا يا زياد احنا في ايه ولا في ايه صحيح يا ميار انتي ماشية هنا ليه
ميار :كنت رايحة النادي
زياد:ولله كنت متاكد أنها حاجة تافهة يلا يا بني هنتاخر
ريماس :استني بس يا أبيه نطمن عليها يا ميرو انتي كويسة بجد
زياد بص ريماس بصة معاناها تركب و تسكت
و قال ل ميار:شوفي كنتي هتعملي ايه ولا رايحة فين و هنبقي نطمن عليكي بعدين يلا يا مازن عشان متاخرش
ميار اتصلت علي رودينا صاحبتها تشوفها فين عشان كانت مستنياها بعيد عن الفيلا بتاعتها و يروحو النادي سوا
اما زياد ركب العربية مع مازن و ريماس و في طريقهم للجامعة
__________
في مكان تاني بقا شيماء و شهد ركبو تاكسي و في طريقهم للجامعة
_________
مازن وصل ريماس و زياد و طلع بالعربية عشان كان عنده تصوير حلقة برنامج بدري
زياد وصل عند شؤؤن الطلبة قبل شيماء و شهد
و دخل عند مبني شئون الطلبة و و خلص المصاريف و الورق و كان فاضل حاجات بسيطة ريماس بتعملها في الوقت ده موبايله رن خرج برة يرد كان باباه
زياد:شاهر باشا ازيك
شاهر :ايه يا زياد خلصت و دفعت المصاريف لاختك
زياد:اه يا بابا فاضل كام حاجة كدا ريمو بتملاهم
شاهر:ماشي يا حبيبي انا كلمت عصام الميكانيكي هيجيبلك العربية قدام الجامعة حاسبه و روح اختك و تعالي ع الشركة عشان في حاجات عايزة تخلص انهاردة
زياد:حاضر يا بابا هتصل علي عصام اشوفه فين
زياد قفل مع باباه
_________
في نفس الوقت كانت شهد و شيماء دخلو الجامعة تعالو نشوفهم بيعملو ايه
شهد:واااو ايه المكان الروعة ده يا بت يا شيمو ما تيجي ناخد صورة سيلفي هنا
شيماء :هتفضحينا احنا مش في المدرسة على فكرة ..بس اشطا مفيش مانع يلا
اخدو صورة سيلفي و بعد كدا بيدورو علي مبني شئون الطلبة
شهد :بقولك هندفع فين المصاريف و نقدم فين ولا هنيل ايه هنا
شيماء:وانا اعرف منين زيي زيك
ايه ده بصي يا دودي
شهد:في ايه
شيماء:شايفة الواد المز ده يخربيت جمال عيونه
شهد:عيب يا بت تعاكسيه انا اصلا مش ربيتك
هو فين بسرعة انجزي
شيماء بتضحك:اللي يشوفك بتكلمي كدا يقول انك هتضربيني
شهد:طب بطلي هزار بقا و شوفي هننيل ايه
شيماء:بصي اسألي الواد ده اللي بيكلم في الفون
شهد:وانا مالي .... ما تسألي انتي
شيماء :طيب تعالي انا هساله انا
شهد و شيماء راحو ناحية زياد وهو كان لسة قافل مع عصام راحت شيماء زقت شهد عنده عشان تسأله و شيماء وقفت بعيد شوية
شهد في سرها :يا بنت الجزمة يا شوشو واطية ولله ..... ايه ده ده الواد اللي عينيه ملونة
شهد بصت ل زياد :احم احم ...صباح الخير لو سمحت أقدم ورقي فين و ادفع المصاريف ازاي
زياد:ها
شهد:ها ايه بقولك ادفع المصاريف ازاي و فين
زياد:معلش مش واخد بالي مصاريف ايه
شهد في سرها :ايه الواد الاهبل ده
زياد:ااااه قصدك مصاريف الجامعة
شهد :أيوة مصاريف الجامعة اومال يعني مصاريف الرحلة
زياد ضحك اوي:ايه اللماضة دي ..... طيب بصي شايفة المبني اللي هناك ده اخر الدور هتلاقي شئون الطلبة
شهد في سرها: يخربيت جمال ضحكتك
شهد :احم بجد تسلم
سابته و راحت ل شيماء
______
زياد : تسلم ايه تسلم دي
ريماس راحت ناحيته
ريماس:مالك يا أبيه بتكلم نفسك كدا ليه
زياد:ها لا ولا حاجة
خلصتي
ريماس:اه يا أبيه خلصت يلا روحني عشان متتاخرش علي شغلك
زياد تليفونه رن و كان عصام :ايه يا عم عصام وصلت ولا لسة
عصام :أيوة يا باشمهندس انا وصلت برة الجامعة
زياد :طيب انا طالعلك اهو ...سلام
زياد بص ل ريماس :يلا يا ريمو عشان عصام وصل
بعدين افتكر (شهد ) وقال ف سره و ابتسم : ايه البت دي جميلة و في نفس الوقت لمضة
و بعدها خرج برة الجامعة عشان يشوف عصام
______
عند شيماء و شهد
وصلو شئون الطلبة دفعو المصاريف و خلصو الورق
و هما خارجين من باب الجامعة بيتكلمو
شيماء :بت هنخرج فين انهاردة
شهد :مش عارفة بقولك ما تيجي منخرجش انهاردة و اعزمك عندي ع الغدا
شيماء :واااو الشيف شهد عازماني لا ده احنا نلغي الخروجة بقا
شهد بتضحك :الشيف شهد مرة واحدة
شيماء:أيوة يا بت شيف دي قليلة عليكي اصلا
شهد :تعالي هنا بقا انتي ايه اللي عملتيه جوا الجامعة ده انتي اتجننتي رايحة تخليني انا اللي اسأل الواد م انتي واطية اصلا
شيماء بتضحك :اومال يعني اسأل انا
لازم احط التاتش بتاعي برضو
شهد:طيب ياختي يلا نركب تاكسي و نروح البيت
شيماء :يلا بينا
_________
عند ميار في النادي راحت قابلت رودينا
رودينا: Good Morning Mayar
ميار :Good Morning Rody
رودينا:مالك
ميار:زياد (وحكتلها اللي حصل الصبح )
رودينا :نفسي افهم عاجبك ايه في اللي اسمه زياد ده و ازاي اصلا راضية بطريقته السخيفة دي لما هو كدا من دلوقتي اومال بعد الجواز هتعملي ايه
ميار ب حزن:بحبه يا رودي بحبه غصب عني
رودينا :طب اهدي انتي مش شايفة بيعاملك ازاي يعني ده حتي بدل ما يطمن عليكي ايه ده ميار انتي لازم تخليه يتغير معاكي و يعاملك حلو
ميار:طيب قوليلي اعمل ايه انا تعبت ده غير ماما دي كمان عايزاني أقرب منه وخلاص هي اللي خلتني احبه و اتعلق بيه هي و مامته
زياد مش بيحبني ولا هيحبني شكله و احتمال نتجوز بس مش هنحب بعض
رودينا :طيب بصي حاولي تتكلمي معاه شوفيه بيحب ايه اعمليله surprise (مفاجأة ) كدا يعني اهتمي بيه لكن مش تكون مدلوقة
ميار :انا تعبت ولله بهتم بيه و كل حاجة و هو أسلوبه سخيف زي ما هو
بقولك تعالي نتمشي شوية في النادي
رودينا :يلا
__________
اما مازن وصل الأستوديو التصوير عشان عنده تصوير برنامج جديد
رانيا(معدة البرنامج ) راحت ناحية مازن
رانيا :مستر مازن ازيك
مازن:تمام يا روكا انتي اخبارك ايه
رانيا:تمام الحمدلله
حضرتك الأستاذة مي (المذيعة ) وصلت و بتظبط الميكب و ربع ساعة و هتكون لايف ع الهوا
مازن:تمام يا روكا اللوكيشن (المكان التصوير ) جاهز
رانيا:اه كل حاجة تمام يا مستر مازن
مازن:مش عارف من غيرك كنت هعمل ايه يا رانيا بجد
رانيا: حضرتك متقولش كدا المهم ان كلو تمام زي ما حضرتك قولت كل حاجة جاهزة و البنات كمان وصلو و بيظبطو الميكب
مازن :تمام
رانيا :اه نسيت اقول لحضرتك ان صاحب القناة اخد إجازة عشان مسافر لندن و ابنه هيجي مكانه
مازن:امممممم ماشي هو ابنه هيجي امتي متعرفيش
رانيا:تقريبا من بكرة
في الوقت ده المذيعة مي ايجت و كانت ظبطت الميكب و جاهزة
مي (المذيعة ): هاي مازن ازيك
مازن:تمام يلا عشان 5 دقايق و نكون ع الهوا
مي:ايه رايك في الميكب و الطقم ده
مازن:أي واحدة بتحط ميكب بتكون حلوة
مي:ولله ..... اه فعلا
مازن(مش بيطيقها اصلا )
مازن :يلا يا اساتذة كلو في المكان بتاعه فاضل دقيقتين و نطلع ع الهوا
يلا 54321
اكشن
يبدأ البرنامج و المذيعة تتكلم
__________
اما شهد و شيماء رجعو البيت
عند شهد في البيت و هي داخلة اتصدمت لما شافت وسمعت.............
استوووب
