الحلقة 4 (أحببت طباخة)
وقفنا عند
في اللحظة دي تليفون رانيا رن
رانيا :الو يا ماما
مامتها :.....
رانيا ب خوف:ايه خالد ماله طب انا جاية جاية حالا يا ماما..... سلام
رانيا و هي بتعيط بصت ل مازن :انا اسفة جدا يا مستر مازن لازم امشي دلوقتي
مازن :اخوكي مالو اهدي طيب في ايه حصل
رانيا بعياط:ماما بتقول انه كان راجع من المدرسة و هو جاي عربية خبطته و انا خايفة عليه اوي استر يارب
مازن : طب يلا بينا نروحلهم هو في مستشفي ايه
رانيا : في مستشفي ......
مازن : يلا بسرعة طيب نروحله
رانيا :طب و شغل حضرتك ده لسة ....
قاطعها مازن :شغل ايه يا رانيا المهم نطمن علي خالد الأول يلا
و خرج مازن و رانيا و ركبت العربية معاه و في الطريق للمستشفي
_________
اما شهد اتغدت و دخلت اوضتها و فتحت اللاب توب و كانت بتدور علي الوظائف الخالية و لقت مطلوب كاشير و ويتر (جرسون ) في مطعم Hello
قالت لنفسها :لا طبعا دي مش آخرتها اشتغل ويتر ولا كاشير لا بس المرتب كويس .... سكتت شهد لحظات .....اه بس بابا و ماما ممكن ميرضوش لكن انا مستحيل احول من الجامعة دي مستحيل
خلاص مش مهم الشغل مش عيب و مش حرام انا هكلمهم و اتفق معاهم اعمل انترفيو و اللي فيه الخير يقدمه ربنا
في اللحظة دي تليفونها رن و كانت شيماء و طلعت شهد في البلكونة المهم متعودين يتكلمو في الفون و هما شايفين بعض
شهد:الو يا اوزعة
شيماء :علي اساس ان طولك معدي باب ده هما يا بت 5 سنتيمتر اللي بيني و بينك اتنيلي
شهد بتضحك :ههههههه لا ولله ماشي يا اوزعة عايزة ايه
شيماء :هو مش المفروض ان حضرتك عازماني علي الغدا برضو ولا ايه ولا شكلك رجعتي في كلامك صح قولي كدا بقا
شهد :اهدي شوية اديني فرصة اتكلم يخربيتك أيوة عازماكي طبعا بس انشغلت شوية في كام حاجة كدا
شيماء: اممممم طب بصي ايه رايك تيجي البيت عندي و تعملي الاكل عندي عشان الصراحة مش قادرة اجي مكسلة
شهد :طيب تمام 10 دقائق و اجيلك
قفلت شهد مع شيماء و غيرت هدومها عشان تروحلها
________
عند مازن و رانيا كانو وصلو المستشفي و سألت رانيا علي اوضة خالد اخوها و طلعو
اول ما طلعو جريت علي مامتها و كانت ماسكة مصحف في ايدها و بتعيط
خالد (اخو رانيا الصغير في 1 اعدادي )
رانيا و الدموع في عينيها:ماما خالد فين يا ماما هو كويس
مازن:ازيك يا طنط حضرتك عاملة ايه
مروة (مامت رانيا ):اهلا يا مازن يا ابني عامل ايه و تعبت نفسك ليه
مازن :متقوليش كدا يا امي خالد ده اخويا
مروة :ربنا يخليك يا حببيي
رانيا كانت بتعيط و منهارة لانها خايفة علي اخوها جدا و خصوصا انه شقي
مروة بصت ل رانيا :اهدي يا رانيا الدكتور هيخرج دلوقتي و يطمنا عليه جيب العواقب سليمة يارب
رانيا و مازن:ياااارب
مازن:صحيح فين صاحب العربية اللي خبطه
مروة :محدش لحقها بيقولو العربية جريت بسرعة
رانيا:ربنا ينتقم منه
________
اما ميار روحت البيت
و هي داخلة شافت مامتها
نوال:ميار كنتي فين كل ده
ميار :كنت في النادي يا مامي مع رودي
نوال:عاملة ايه مع زياد
ميار ب حزن :زياد ..... زياد يا ماما مش بيطيقني انتي ايه مصممة انتي و طنط رباب (مامت زياد ) تجوزونا لبعض ليه علقتيني بيه انتي اللي خليتيني احبه
نوال:في ايه يا ميار... زياد يعتبر خطيبك و مع الوقت هيحبك وانتي عارفة طبعه كدا عشان شغله
ميار :لا يا مامي زياد مش بيحبني ولا هيحبني
انتي متعرفيش بيعمل ايه
نوال :عمل ايه معاكي تاني
ميار :هقولك (و حكتلها اللي حصل لما اتصلت عليه و كلمات بطريقة وحشة و اللي حصل الصبح لما كانت العربية هتخبطها )
نوال :بقا كدا ماشي يا زياد انا هكلم رباب و هي هتتصرف معاه
ميار :مبقتش فارقة اصلا.... بعد ازنك يا مامي هطلع اخد شاور و انام
_________
اما إبراهيم كان خلص اكل و قاعد بيتفرج علي التليفزيون مع مامته
حنان :اللي قولي يا هيما مش ناوي تخطب يا واد انت ولا ايه هتفضل قاعد جمبي كدا
إبراهيم :ها ... لا يا ماما لسة بدري
انتي عايزة تخلصي مني ولا ايه نونا
حنان :نفسي أفرح بيك يا هيما و
إبراهيم :باااااس استني ..... عنك انتي الطلعة دي يا ماما انا هقول
نفسي أفرح بيك يا هيما و اشوف عيالك و اشيلهم و اشوفك سعيد مع عروستك قبل ما اموت و الجو ده خلاص يا ماما بقالك 5 سنين بتقولي نفس الجملة غيريها بقا
حنان :كدا يا إبراهيم بتتريق عليا
إبراهيم :يا ماما م انتي كل ما تشوفي وشي تقولي كدا بذمتك هتقدري تعيشي من غيري هه ... ردي عليا
حنان :يا حبيبي نفسي أفرح بيك بقا
إبراهيم :قريب يا امي ان شاء الله قريب ....
الفيلم ده بحبه جدااا علي التليفزيون شوية
________
اما شهد كانت عند شيماء في البيت و واقفة في المطبخ بتعمل الغدا
شيماء :بت انجزي بقا متموتيش عشان همووت من الجوع عصافير بطني بتصوصو
شهد :هههههههه حاضر اهو بعمل
شيماء :طيب يا اختي انجزي
صحيح انتي شكلك مش عاجبني مالك في ايه
شهد حاولت تغير الموضوع:ها ... لا ابدا مفيش
بس الصراحة الواد هيما ده طيب و عسل اوي و جدع ياريت يكون من نصيبك
شيماء و هي سرحانة فيه :إبراهيم هو في زي إبراهيم و حلاوة إبراهيم ادعيلي يا شهد يكون من نصيبي و النبي ولا يكون بيحبني زي ما انا بحبه
شهد :بدعيلك ولله يكون من نصيبك
شيماء :من يوم ما وعيت ع الدنيا دي و محبتش غيره هو بقا كل حاجة في حياتي بس تفتكري هو بيحبني زي ما انا بحبه
شهد :انتي مش بتشوفي لمعة عينيه لما يبصلك ولا فرحته لما يشوفك و اهتمامه بيكي و خوفه عليكي و بصراحة باين اوي عليه
شيماء :يارب يكون بيحبني زي ما انا بحبه
شهد في سرها :و انتي بقا يا شهد مش ناوية يكون ليكي نصك التاني نفسي اوي يارب و يكون في الحلال
____________
في نفس الوقت كانت رانيا و مازن و مامتها مروة قلقانين علي خالد جدا و في اللحظة دي الدكتور خرج
رانيا و مازن جريو عليه و قالوله :خير يا دكتور خالد عامل ايه دلوقتي
الدكتور :خالد للاسف ...........
استووووب
تتوقعه خالد حصله ايه
