لأجلها اصبحت عاشقا

البارت الخامس💖

البارت الخامس...... 💖

لأجلها أصبحت عاشقاً💙🤍

وقفت مصدومه مما سمعته توا
ماذا؟! لابد أنه حلم ...
طلبها للزواج ...  مش شخص لا تعرفه ... لم تراه سوى بضع مرات ... لم تتحدث معه .... لا تعلم من هو ...

لكن يبدو أنه من الطبقه الراقيه .   ف ذلك يبدو عليه ..  من وسامته وملابسه وسيارته أيضا وذلك الحرس الذى لا يتحرك الا وهو بجانبه...

خرجت من شرودها على صوته ....
يكرر طلبه مجددااا...  وهو يهتف

"مراد" بهدوء :.. انا ما سمعته ردك لحد دلوقتى ...

اردفت هى الأخرى بذهول .. طلب ايه!؟ انا مش فاهمه حاجه
واشمعنا انا !؟وليه !؟ وانت اصلا متعرفنيش ولا انا اعرفك  ..

"مراد" بهدوء وهو يضع يديه فى جيب بنطاله.. 
مقدرش اجاوبك على اى سؤال دلوقتى ...

"ماهى" بسخريه: طب ونا ايه يجبرنى على طلب زى ده!

أجابها بثقه... 

معتقدش انك ترفضى طلب زى  ده.. يعنى أظن حالتك الماديه حاليا متسمحش انك تدفعى ايجار الشقه إلى قاعدين فيها

ولا تسمح بمصاريف كليه اختك هى مش ف هندسه بردو؟
وكمان هتخلصى من مدير المطعم ومشاكله معاكى إلى مش بتخلص

عقدت يديها أما صدرها تهتف بإنزعاج ..
ده انت مخطط ل كل ده وعارف  حكايتى كلها من زمان بقا ومراقبنى كمان
ووجودك هنا ف المطعم اول مره مكنش صدفه
كان تخطيط منك ...

اقترب منها ببطئ وهو يهتف...

حاجه زى كده ...  وكل ده ميضركيش ف حاجه بالعكس ... هاا؟ قولتى ايه!

"ماهى" ببرود...  ولو قولت مش موافقه ..

مش بمزاجك ي حلوه ..
كمان يومين هتصل ليكى اسمع ردك وانتى بتقولى موافقه ...

"ماهى" بغضب .. هو بالعافيه .. وبعدين قولتلك معرفكش اصلا مش هتجوز واحد ل مجرد أنه بيراقبنى وعارف تفاصيل حياتى  ...

وبعدين انا سألتك سؤال وانت مش عايز تجاوب وده إلى هيتوقف على موافقتى أو رفضى للطلب ده ...

هتف بتساؤل وهو يعقد حاجبيه . ايه السؤال؟!

ماهى : ليه انا؟!

ظل صامتا فتره وهو يحدث نفسه ..  هل يخبرها أنه سيتزوجها ل مجرد أنها تشبه حبيبته الخائنه؟! التى تركته يعانى الم فراقها ووحدته .. 

هل يخبرها أنها مجرد صفقه .. ؟! هل يخبرها أنه سيتزوجها حتى يرضى والدته .. ؟!

زفر بقوه ثم أردف قائلا ..
هتعرفى كل حاجه ف وقتها ..

تركها وغادر المطعم
أما هى وقفت كالبلهاء ... لا تعى ما  حدث ما سيحدث بعد الآن

جاءت صديقتها نيره ب نفس الوقت
تخبرها أنها سمعت ما دار بيهم ...