قصة فصلية (هوى بغداد) مكتملة

جزء 6

😊

لنبدي ...

إنصدمت كلش من كال لي هل كلام فكالت بعدم استيعاب ....

.....أشلون ...

وكتها كال ابويه وهو يبجي ...رادوج فصلية اذا مرحتي يكتلوني وياخذون بيت ...

صدمنا كلنا من سمعنا كلام ابويه وكتها أيجت والدتي و وكفت كدام ابويه وكالت بعصبية....

...انته وتاليه وياك جنت دائما تسوي مشاكل واني اسكت تحملت كلشي بيك سكرك عدم أهتمامك بينا  حتى نهوك علي وتحريمي من دراستي و احلامي تحملته بس مستحيل اخلي بنتي تروح فصلية انته لازم تتحمل نتائج أغلاطك بنفسك ....

صار ابويه عصبي وكال بعياط...ولج انتي مخبلة ولج راح يكتلوني وياخذون بيت انتو وين تروحون اذا اخذو بيت...

كال ابويه كلامه وبعدها طلع من بيت واما اني
أنصدمت كلش من كلي ابويه انهم يردوني فصلية فجاتا تذكر حياتي وجامعتي وكتها حضنتي امي وبجت ولمن شفت دون امي ما تحملت بجيت ....

امير....... 

كعدت من نوم وبعدها كمت من جرباية و توجهت للحمام وبعدها طلعت وغيرت ملابسي وبعدها نزلت
صبحت على كل وطلعت بدون ريوك لاني مجنت مشتهي ....المهم ركبت سيارتي ورجعت لتكريت وبعد مرور ساعات وصلت لتكريت ورحت لمستشفى الي بيها اخوي  ولمن وصلت شفت جناح الي بيها عامر بيها اربعة زلم معكلين فخفت على الشيخ ورحت بسرعة يمهم وشفت ابويه شيخ يحجي ويه واحد منهم اني أستغربت وبعدها أستاذنو وراحو وكتها أقتربت من حجي وكالت بأستغراب...

...ها يابة ذولة منو...

كال شيخ....ذولة أرسلهم ذاك مجرم حتى يساعدو وطلبو نسوي كعدة ونحل سالفة...

ضجت كلش من كلام الي شيخ وكلت لشيخ بعصبية ...

....وانته شنو جان جوابك...

كال شيخ بعدما ذب حسرة...وافقت لانو هذا وهو حل حتى نحل المشكلة ....

وكتها انزعجت كلش بس سكتت لانه شيخ أدرى فأومت بعصبية مكتومة فكال شيخ ....

...اتصل بوالد عمك وكول ألهم باجر يجبون ذاك خسيس....

فكلت ..صار ...

تركت شيخ واتصلت بإبن عمي وائل وطلبت منه يجيب مجرم لتكريت باجر و بعدها رجعت لشيخ ...

مر يوم وأيجه الليل  جنت كاعد يم باب غرفة اخوي واني صافن بالي صار فجاتا تذكرت أبنية الي وكفت بوجهي حتى تنقذ ابوها فأبتسمت بدون ارادتي حينه قاطع تفكير صوت شيخ وهو يكول..

....اشبيك اشو تضحك..

تفاجئت من نفسي وأنحرجت كلش فكلت بتوتر ...

...ها لا هيج بس أيجه ببالي نكته ...

استغرب شيخ وبعدها كال .. باجر معزومين ببيت شيخ داود حتى نحل سالفة اخوك...

فكلت بتوعد.... أنشاء الله

........
بيوم الثاني رحنا للبيت شيخ داود بوكت ظهر فأستقبلونه استقبال شيوخ وبعد غدة وزعو جاي ألنه

وكتها اخذ شيخ داود رشفة من جاي وكال...

.....امر شيخ راشد...

كال شيخ راشد ....ما يأمر عليك ظالم اسمع شيخ احنة ما نظلم احد بقرارتنه ذاك رجل الي تتدافع عنه
اذى ابني خلاه كدام موت مو بس هيج اخذ منه فلوس ورضا يراجعة ولذلك احنة نريد نحك ابني...اريد فلوسه يراجع اله واريد رجل يموت...

كال شيخ داود...بس رجل حالته مادية كلش ضعيفة اشلون ينطيك فلوسك...وهو معين عائلته وعنده ولد مريض...

وكتها صفن شيخ راشد وصار يفكر وهو يلعب بسبحة الي بيدة وبعدها كال ...

.......شنو حل بنضرك اني اريد اخذ حك ابني  .....

كال شيخ داود....تسمحلي انطي رائي ...

شيخ راشد...تفضل....

شيخ داود ....فصلية .....

تفاجئ كل لمن سمعو كلام شيخ داود فكال شيخ راشد بصدمة...

....لا لا شيخ داود موضوع فصلية انساها احنة مناخذ فصلية....

تنهد شيخ داود وكال...مع اسف ما أكو غير هاي حل وفصلية هي روح ومال ....

اقتنع شيخ راشد وكال...لعد موافقين ...

شيخ داود برضا...الحمدالله وشكر .....

امير....بصراحة انصدمت كلش لمن شيخ اقتنع بموضوع فصلية لانو احنة مو من عاداتنة ناخذ فصليات المهم طلب مني شيخ أخلي رجال يروح حتى يجيب فصلية فنفذ الي كاله شيخ وكلت لرجال يجيب فصلية بسرعة .....

ويتبع