لنبدي ....💞...
شمس......
جنت نايمة وفجاة سمعت صوت والدتي فكمت من نوم بسرعة وشفت نفسي نايمة على قنفة بغرفة كعدة فقاطع تفكيري اخويه وليد وهو يكول بخوف وقلق.....
...ولج شمس لحكي على امي ......
استغربت وكتها بعدها كمت بسرعة فكلت بخوف...شكو اشصاير....
وليد....امي تريد تاخذنا وتروح ولج لحكي عليها هي بغرفة نوم تعارك وابوية....
تفاجئت كلش من كلام وليد وتوجهت لغرفة نوم والدتي وشفت تتعارك ويه ابويه وتكول بصوت عالي وهي تخلي غراضها بجنطة....
.....مستحيل ابقى وياك دقيقة بعد ولك انته تدمرتنة بالبداية دمرتني بنهوة وهسه تريدين تدمر بنتك مستحيل راح اطلع من بيت واخذ اولادي وانته إبقة وحدك......
وكتها ضاج ابويه من كلام امي وراد يضربها فتفاجئت كلش فدخلت للغرفة وكلت بصوت عالي واني ابجي....
...كافي ...
تفاجئو ابوية وامي من وجودي فأقتربت منهم وباوعت ﻷبويه وكلت واني ابجي...
...يابة اني موافقة اروح فصلية ....
تفاجئت والدتي ولزمت ايدي وكالت بعصبية....
....شنو هل حجي شمس انتي تخبلتي....
كلت واني اباوع لماما....يمه لازم اروح ماكو غير اذا طلعتنا من بيت وين نروح ما ألنه احد غير بابا فأترجاج اخليني اروح ... .
وكتها ضاجت والدتي و حضنتني وبددت تبجي واما ابوية عافنة وطلع وبيوم الثاني كعدت من نوم ورحت استحميت وبعدها تريكت وبعدها رجعت لغرفتي وصرت اخلي ملابسي وغراضي بجنطته و
فجاتا لحظت كتب دراسة فأنقهرت كلش فتركت ملابسي واقتربت من كتب و أخذتها وخضنتها وصرت ابجي من كل كلبي وبعدها رجعتها لمكانها وكملت حزم غراضي وبعدها وبعدها غيرت ملابسي وماخليت مكياج ولبست عباتي واخذت جنطتي وطلعت من غرفة ورحت لغرفة كعدة وشفت امي كاعدة تبجي فأنقهرت كلش لمن شفتها تبجي فتركت جنطتي وراحت حضنتها وصرت اكول الها....
...يمه فدوة اروحلج كافي بجي ....
باوعتلي امي وكالت ...يمه اشلون تريدني ما ابجي لج يمه بعد ماأشوفج ....
بعدها ابعدتني عنها وصارت تتلمس بوجهي وتكول...
....اخ اشكد جنت اتمنى اشوفج عروس بنتي...
وكتها اخذت ايدها وبستها وكلت واني ابتسم بحزن...
...يمه لخاطري لاتبجين انشاءالله وكلشي يصير زين تفائلي ....
وكتها دخل علينا ابوية وكال ببرود....تحضري نفسج وصلو ....
وكتها كمت ودعت امي وبعدها ودعت اخويه واخذت جنطتي وطلعت للحوش والتفت لوالدي و ودعته وبعدها كلت أله.....
....يابة اريد اوصيك بأمي واخويه....
وبعدما كلت كلامي اخذت جنطتي وطلعت من بيت بدون ما باوع ليورة ولمن طلعت شفت نفس شاب تعاركت وياه بالمرة ماضية واكف يم سيارته ويباوع ألية
ويتبع
صديقاتي ادري بارت كلش قصير واني اعتذر بس صدكوني اني كلش تعبانة وكدرت بس اشوية اكتب
بس اوعدكم مرة جاية راح اكتب بارت كلش طويل
واتمنى تعطوني رايكم بلبارت
واحبكم
.....
أنت تقرأ
قصة فصلية (هوى بغداد) مكتملة
Romanceشمس من انا و زغيرة احلم اشوف بغداد اتنفس هوى بغداد يا ترى راح يتحقق هل حلم تابعوا رواية حتى تعرفون
