كال امير...اي رايد
وكتها اقترب امير منها ونزع شال وكال...اني زوجج مو واحد غريب ...
ارتبكت شمس وكالت بخجل ....اي....
ابتعد امير لمن لحظ ارتباكها فأبتعد وكال...اني ما متعشي كومي سويلي عشة ...
كالت شمس ...اي هسه....
وكتها كامت شمس بسرعة وطلعت من غرفة بسرعة
وراحت للمطبخ ولمن وصلت خلت ايدها على كلبها فكلت لنفسها بتوتر...
.... اويلي كلبي ...
وكتها اخذت نفس وكالت.... اه هسه لازم احضره عشة....
بدت شمس بتحضير عشه ﻷمير فحضرتلة بادجان وبوتيتة وبركر كلي وسوت وياه زلاطة وطلعت طرشي وخلته بصينية وبعدها خلت نواشف وزﻻطة بصينية واخذت لغرفة اكل وبعدها صعدت لغرفة وكتها جان امير متمدد ويفكر بالي صار وياه المهم لمن دخلت شمس لغرفة كام بسرعة فكالت شمس...
...عشه جاهز ...
امير...زين ....
وكتها كام امير وطلع من غرفته ونزل من درج وراح لغرفة كعدة وشمس وياه ولمن وصلو كعد امير وبدى امير ياكل وبعدها شاف شمس واكفة يمه فكال الها ...
...ليش واكفة أكعدي ....
كعدت شمس يمه فكال امير...تفضلي اكلي ...
فكالت شمس بخجل....لا شكرا اني ماكلة .....
كال امير...ها ...
وكتها كمل امير اكله.....وبعدما كمل اكله اخذت شمس صينية للمطبخ وبعدها سوت جاي واخذت اله .......
(وبعد مرور اسبوع )
تحسنت علاقة امير وشمس وصارو اصدقاء وبيوم جانت شمس كاعدة على جرباية وتفكر بأهله وكتها دخل عليها امير وشافه صافنة فكال ....
..خير شمس أشبيج...
صحيت شمس من صفتها وباوعت ﻷمير وكالت بتهيدة....
..لا مابية شي....
اقترب امير وكعد يمها وكال بقلق.....لا شمس بيج شي كوللي احد مضوجج....
رادت شمس تحجي وكتها وفجاتا دك تليفون امير طلع امير موبايل وشافها اتصال من ابو شيخ فكام وكال ...
...بس دقيقة شمس....
وكتعا ترك امير شمس واجاب على تليفون وكال ....
....نعم شيخنا...
فكال شيخ...اخوك عامر كعد من غيبوبة....
فرح امير كلش لمن سمع خبر فكال بسرعة...جاي هسه...
اغلق امير تليفونه والتفت لشمس وكال...اخويه عامر كعد من غيبوبه ....
فرحت شمس لمن سمعت خبر وكالت ...صدك ...
أنت تقرأ
قصة فصلية (هوى بغداد) مكتملة
Romanceشمس من انا و زغيرة احلم اشوف بغداد اتنفس هوى بغداد يا ترى راح يتحقق هل حلم تابعوا رواية حتى تعرفون
