طلعت من بيت وشفت نفس رجال الي تعاركت وياه واكف يم سيارة سودة ويباوع أليه ببرود وكتها توترت كلش واما هو اقترب مني واخذ جنطة بدون ان يباوع عليه وبعدها أتجه للسيارة وفتح الباب امامي وكال لي....
....تفضلي
وكتها ركبت سيارة واما هو فتح الباب موأخرة وخلى جنطي بيها وبعدها سد باب ودار سيارة وركب وبعدها حرك سيارة ......
........ امير.....
بعدما خليت رجال يروح طلع ابوية من بيت شيخ وركب سيارته اما اني رحت سلمت على شيخ داود وبعدها رحت ركبت سيارتي ورجعنا للمستشفى ولمن وصلنا طلب ابويه من طبيب نقل اخويه عامر من مشفى تكريت احد مشافي بغداد فقبل دكتور بالموضوع وبدة بتحضر مستلزمات نقل وبعد ساعة طالعو اخوية واخذو للسيارة أسعاف وبعدها اخذوه للبغداد وابوية واني جنة وراهم وبعد ساعات وصلنا للبغداد واخذو عامر الى احد مستشفات أهلية وبعدها خلوه بغرفة العناية المركزة ...وبعدما إطمئنينا على عامر رجعنا للبيت ودخلت لغرفتي اول رجعت وبعدها دخلت حمام واستحميت وثم طلعت من غرفة واني انشف شعري بالخاولي فشفت محضرين عشى وشفت ابويه كاعد على طاولة فرحت يمه وكعدت وبيدنا ناكل وبعدة اكل جابونة جاي وكتها جنت كاعد يم شيخ اشرب جاي فكال شيخ...
....امير وليدي انته راح تاخذ أبنية...
وكتها جنت اشرب جاي ولما كالي ابويه عن ابنية أختنكت وبديت اكح وبعدها اخذت ماي وكلت...
