#الحلقة 2
من رواية عودة المتمردة❤
أساور: 😠 ... بالمناسبه عندنا مفاجئة لي جيداء غدوا و بجي 😱 ...حي قريب فضحت السر 😂
جيداء: شن في
أساور : واللّه وَعَدتْ عمتي... وطلعت
نور: اكيد تكذب اعليك باش تخليك متشوقه لي غدوه
جيداء: لا شكله كلامها حق لأن حتى ماما قلتلي ان غدوه في حاجه يا نور شكلني بنقتل حناي نبي سم ولا معش عرفت كيف نخليها تموت بطريقة ميعرفونيش ان قتلتها
نور: 😱 جيداء خيرك بجديات تدوي
جيداء: ايه والله لما نقتلها غر نحصل فرصة بس وأنتي تطلع منك كلمة نقتلك في جرتها
نور: أحلفي ان الي تقولي فيه حق
جيداء: شافت لي اختها كيف خافت .... ههههه لا لا نبصر أعليك خيرك أنا جيداء راه الي منقدرش نقتل نملة
نور:اه ريحتيني... خلاص فوتي الموضوع خلي نقولك معلومات مفيده
جيداء: ابدعيني بمعلوماتك اليوم
نور: هل تعلم ان الليبين كان شافوا بنت حلوه يقولوا اكيد امها اجنبيه
جيداء: هههه صح شعب معنداش ثقه في المنتج الوطني كان يشفوني زعمه شن يقولوا
نور: يقولوا اكيد امها تشاديه
جيداء: حسد ياكبدي عطيني وحده هل تعلم باش نغيروا الموضوع
نور: هل تعلم ان الحوش الي تسكني فيه مسكون
جيداء: هههه بالله وحده ثانيه مو ميته
نور: هل تعلم ان الانسان يمكنه القفز من الطائرة دون مظله مرة واحدة في حياته
جيداء: معقولة سبحان الله😂
نور: أيه وهل تعلم ان اثبث انا ووكالة (ناسا) هكي ممكن اسمها😅 ان المسافة بين الارض و الشمس هيا نفس المسافة بين الشمس والارض
جيداء:😂..حتى انا عندي وحدة هل تعلم
نور: قوليها بلكي نستفيد ونولي نعلم
جيداء: هل تعلم ان بين اسم نور و جيداء حرف الواو😂
نور: هههه ...هل تعلم ان قبل ثلاثه سنين من هذا الوقت كان مزال ثلاثه سنين علي هذا الوقت😂
جيداء: خلاص حصة التفاهه اليوم انتهت خلي نمشي نرقد ونشوف غدوه شن في من مفاجأت
نور: تصبحن على خير
جيداء: تصبحن صار باهي ياودي وانتي بخير ... ومشت رقدت
•*•*•*•*•*•*•*•*•*•*•
ثاني يوم ⛅
مآب: نور نوضي
نور: تتكسل ...ماما هل تعلم ان ازعاج النائم اثناء نومه يؤدي الى استيقاظه
