Part 7
နေသစ် Dreamland Toy ဆိုင်ကို
နေတိုင်းနေ့ အရုပ်တွေလာဝယ်နေတာ အခုဆို
တစ်လတိတိရှီပြီးဖြစ်သည်။ သူလာတိုင်း ဖြိုးယံကိုတွေ့ပြီး ရယ်ပြပေမဲ့ ဖြိုးယံ သူကိုခပ်တည်တည်ပဲ
ကြည့်နေသည်။
စကားတော့ ဘာတစ်ခွန်းမှမဆိုဖြစ်ပေ။
" မင်္ဂလာပါအစ်ကို ဒီနေ့အရုပ်သစ်တွေရောက်တယ် "
နေသစ်ဝန်ထမ်းကောင်လေး ခွန်စိုင်းနဲ့တောင်
တော်တော်ခင်နေပြီဖြစ်သည်။
" ဟုတ်လား ညီလေး "
" Bad Manအရုပ်နဲ့ Spider Manအရုပ်
နှစ်ရုပ်တွဲ ၇၀၀၀တန်ဗူးရှီတယ် အစ်ကို "
" အင်း "
နေသစ်လျှောက်ကြည့်ရင်း
ကားကြီးတွေမြင်သွားသည်။
" ဒီကားက ကလေးစီးတဲ့ကားတွေလား "
" ဟုတ်တယ်အစ်ကို သုံးနှစ်ကနေဆယ်နှစ်ထိ ကောင်းကောင်းစီးလို့ရတယ် "
" ဘယ်လောက်လဲညီ "
" နှစ်သိန်းခွဲပါအစ်ကို "
" နှစ်စီးယူမယ် အစ်ကိုကားပေါ်တင်ပေးပါ "
" ဗျာ! ကားနှစ်စီးတောင် "
" အင်း "
နေသစ်ငွေရှင်းရန်ကောင်တာသွားတော့
ထိုင်နေတဲ့ ဖြိုးယံကို တွေ့ရသည်။
" အစ်ကို နှစ်သိန်းခွဲတန်ကားနှစ်စီးပါ "
ဝန်ထမ်းကောင်လေးစကားကြားပြီး
ဖြိုးယံဘောင်ချာမဆွဲခင် သူ့ကိုမော့ကြည့်လာသည်။
" နှစ်သိန်းခွဲတန် ကားနှစ်စီးဟုတ်လား ခွန်စိုင်း "
"ဟုတ်ကဲ့ အစ်ကို "
ဖြိုးယံဘောင်ချာဆွဲပြီး နေသစ်ကိုပေးလိုက်သည်။ နေသစ်၅သိန်းတန်ငွေတစ်အုပ်ချပေးလိုက်သည်။
" စူးနစ်ဘယ်သွားလို့ ဖြိုးယံကောင်တာမှာထိုင်နေရတာလဲ "
" သင်တန်းသွားတယ် "
" စူးနစ်ကဘာသင်တန်းတက်နေတာလဲ "
သူ့ကိုပြန်ဖြေတဲ့ဖြိုးယံကြောင့် နေသစ် အခြေအနေကောင်းတဲ့အတွက် ထပ်မေးလိုက်သည်။
