بين الذاكرة والنسيان

بين الذاكرة والنسيان 1

ما بين ذاكرة لا تمحي ما حصل وبين نسيان يأبى أن يأتيك وما أن تأتيك لحظة نسيان تداهمك الذكريات المؤلمه
من ذاكرة حسان
حسان يابه ميصير تأمن مالنه وحلالنه بيد عمي اني وحيدك
ابو حسان ابني عمك ابوك الثاني اكيد حقك مضمون اختك مو ماخذة ابن عمك حجيت وياهه بالموضوع ما اعترضت
حسان يابه بروح أمي انته اشلون تقبلهه اروح اذل نفسي لعمي وهو ملكي والله ميصير
ابو حسان انته معترض على قراري لو اكو لعبه براسك
صارلك كم سنه بالسادس مفلحت تريد اسلم بيدك كاع وبيت وانته كتب ما دبرتهه
حسان يعني متأمن بيه لأن فشلت بالدراسه
ابو حسان اني موصي عمك عليك واكيد راح يخاف الله بيك
حسان خلص براحتك اروح اني للشغل
(اول شغله الي اشتغلت بفرن يوميتي عشرة الألاف اجمعهن ومن تجيني شغل عماله اجمع فلوسهه وابدي اقتصد على نفسي من يوم ابويه سجل البيت والكاع بأسم عمي)
&&&&&&&&&&&&&&&&&&&&&&&&&
عمار اشبيك حسان
حسان ابويه سجل الكاع والبيت بأسم عمي حجيت ويا ميقتنع يسجلهن بأسمي
عمار لك اشبي ابوك حقك وحق اختك نسيت عمك يضوج منك انته رحت لأختك للبيت طردك
حسان ما اعرف شسوي ابويه مأمن بي
عمار اسمع خلي ابوك على الأقل يضمن الك جزء من البيت
حسان ميقبل بديت اعتمد على نفسي
عمار اشلون تعتمد على نفسك مفهمت
حسان عمي يضوج مني متأكد ياخذ كلشي مجرد ما يموت ابويه
عمار انته تتوهم اكيد يرجع حقك
حسان اني كلتلك واذا مات انذكر هاي الكعدة
عمار عمرة طويل اشلون اعتمدت على نفسك مفهمتهه هاي
حسان اشتغل بالفرن واجمع يوميتي واذا اكو عماله هم اطلع واجمعهن
عمار الكالك شغل تكسب منه اكثر
حسان وين هذا الشغل الي يكسب اكثر
عمار افلوسك استثمرهه اني ابالي افتح مطعم شاركني بالمشروع بفلوسك الي جامعهن وكلشي من ربح المطعم يصير مضاعف بيني وبينك
حسان حسبتلهه حساب لا لو هيج مثل كل مشروع تدخل بملايين تطلع بمليون واحد
عمار حسبتلهه وربحهه زين
حسان اتوكل على الله باجر اجيبلك فلوسي
عمار انتظرك وانروح انشوف المكان
حسان الله كريم اني اروح للبيت ابويه وحدة
$$$$$$$$$$$$$$$$$$$$$$$$$$$$$$$$$
حسان رجعت للبيت لكيت عمي شلال و ولد عمي جمعتهم غريبه والنظرات الخبيثه مبينه بس ما اعرف ابويه ليش ميقراهه بوجوهم
السلام عليكم
الكل عليكم السلام
ابو حسان بويه تأخرت بويه كله شغل
حسان اي شغل هواي
شلال اشلونك عمي حسان ما ناوي تنجح من السادس ههههههههههه
احمد (ابن عمي الكبيرمهندس مدني متعين بأحد الوزارات العراقيه وصاحب شركه) هههههه يابه خلي ينتبهه للشغل الفاشل الي كاعد ينطو يوميه عشرة ابدال ميفكر بمشروع يفيدة
حسان اي انته صاحب شركه واني ابن عمك خليني وياك بالشغل
احمد متفيدني اريد ناس عدهه خبرة اشغلك هناك تخبزلي صمون هههههههه
ابو حسان بويه اني خابرت عمك  و ولد عمك حولت البيت والكاع بأسمه وهمه شهود ترجعلك انشالله   وصيت عمك بيك اذا اموت خويه شلال وصيتي وليدي ديرو بالكم عليه  الكاع والبيت أمانه بركبتك اله
شلال لا توصي خويه حسان مثل ولدي احمد وعلي اول مينجح من السادس حقه يرجعله
ابو حسان الله يبرد كلبك خويه اني حالتي مو زينه وموتي قرب ديرو بالكم عليه احمد علاوي بويه اخوكم الصغير حسان
علي اي عمي لا توصي نخلي بعيونه
احمد غير اخونه الصغير بعد
ابو حسان متقصرون بويه وانته حسان كدام عمك و ولد عمك تسمع كلامهم اشد حيلك وتطلع من السادس
حسان انشالله بويه (بوكتهه جنت اصغير بالعمر و والدي مريض لازم اسمع  كلامه واسايرة بكلشي يطلبه مني مرت الأيام بدت سنه جديده ١/١/٢٠٠٤ هذه السنه ادهورت حالة والدي جداً ب١٢ بالليل المأساة تبدي .....)
حسان يابه  ليش مترجع املاكك بأسمك اشلون تضمن عمي ميطردني ويبهذلني
ابو حسان بويه حسان اريدك سبع اني اعرف دكتور طلال ابو لينا  كتبتلك عنوانه وصيته يشغلك اهناك اسمعني بويه لازم تعتمد على نفسك من بعدي انته بعدك اصغير واخاف عليك لا الناس تأذيك عمك شلال اخويه الوحيد و وصيته بيك لأن ما أمن بغيرة بويه اليوكع عليمن يوكع غير على اخوته واهله
حسان اي يابه الأخ احزام ظهر يا  ريت عندي اخ من اكول أخ يحارب الدنيا علمودي اجيت وحيد واني احزام ظهر اختي الوحيدة
ابو حسان انته سبع بويه كومني اروح انام
حسان اي يابه  كول يا الله........... يابة  يااااابة كوم جاوبني
لا يا الله ابوية ما بي نفس يابة فدوة اروحلك لاااااااااا انته احزام ظهري لا تتركني للدنيا
(بيومهه دنيا ليل جو كئيب  سمعت شخرة موت ابوية بأذني عمري ما انسا الموقف مات بيدي وهو يوصيني..)
$$$$$$$$$$$$$$$$$$$$$$$$$$$$$$$$
حسان اخذته بالليل للمستشفى ابويه جثه بيدي صعبه اشيل شخص اغلى من روحك بيدك ابوك وصديقك وسندك بالدنيا شعور يقتل اقوة انسان
السلام عليكم دكتور ابويه
الدكتور البقيه بحياتك ابوك اتوفى
حسان اعرف توفى دكتور ابويه عنده فتحه بالقلب وقبل سنة  صار عندة مرض السكر  واليوم ما لحكت عليه مات بيدي سمعت شخرت الموت بأذاني
الدكتور الله يصبرك  ابني خبر اهلك خليهم يحضرون
حسان خبرتهم بوفاة والدي ..... وفاة والدي جانت صدمة الي بحيث بوقتهه اي دمعة ما نزلت مني مجرد اليسألني اجاوب اظاهر بالقوة بس اني مدمر قوتي كلهه راحت ........
شلال البقية بحياتك اسمع عمي تكعد تكمل دراستك وتشتغل اريدك تعتمد على نفسك وهذا بيتي الك لحد ما تلكالك مكان
احمد لا بابا اني اريد ازوج والصراحه هذا البيت يفيدني ٢٠٠ متر وحديقة اهنا ارتبه براحتي
علي اي وكاعك بابا
حسان شنو كاعك شنو بيتك نسيت وصية ابويه الك يعني انتو حراميه عينك عينك
احمد انجب انتو الحراميه ابويه سنين يغرف بحلك ابوك وهاي الكاع والبيت لوما ابويه ميحصلهه ابوك
شلال اسمع عمي  حسان اني اطلب ابوك مبلغ ميسدة لا الكاع والبيت وهسه اريدهن اذا ترجعهن الي ارجعلك البيت والكاع
حسان لو تطلب ابويه جان كالي كول انته حرامي واخذت مني حقي اروح اشتكي عليكم اخذ منكم كلشي بالقوة
شلال ههههههههههههههههه روح اشتكي منو يسمعك سند البيت والكاع  بأسمي افرههه عليك واسجنك واطردك
احمد لك لا تهدد فهمت باجر تلم غراضك وتطلع منا
حسان ما اطلع البيت بيت ابويه وانتو حرامية
علي لك عليمن حرامية😡👊🏻👊🏻
حسان (بعد وفاة طلعت الوجوه الحقيقية  وبينت نواياهم طلعوني من بيت ابويه حاولت اشتكي كلشي مو بصالحي ولا عندي سند يثبت ملكيه البيت بأسم ابويه لأن ابويه الله يرحمه أمن بيهم ما يعرف بيهم يغدرون ....... طلعت من البيت )
رحت لشيخ عشيرتنه
حسان السلام عليكم
الشيخ عليكم السلام
حسان جيتك اني بشاربك عمي اخذ مني الكاع والبيت يكول اطلب ابوك فلوس وابويه ما انطاني علم بيهن
الشيخ بويه البيت بأسم ابوك
حسان قبل ليتوفى سجلة بأسم عمي وخلاهن امانه عندة وطردوني
الشيخ بويه يجي عمك وتواجهه واحنه نصرف يدير البيت بأسمك غصباً عنه
حسان مشكور شيخ
(مر شهرين بعد ما طردني عمي و ولد عمي من البيت رحت لبيت الدكتور والدي قبل ميموت انطاني عنوانه....)
$$$$$$$$$$$$$$$$$$$$$$$$$$$$$$$$
من ذاكرة لينا
كنت طفلة عمري ١٤ سنه أمي حبت شخص غير والدي وبيومهه أمي الدنيا بالنسبه الي
نقاش أمي وابويه دائماً اسمعه
ام لينا طلكني يا رجال ما اريدك
طلال اني احبج لخاطر بتنا لينا متعلقه بيج
ام لينا لا تخليني اخنك بنتك واكتلهه ما اريدك ما احبك
طلال بشنو مقصر وياج احجي عايشه بقصر مو بيت اثثتي على ايدج واختاريتي كلشي تحبي بيدج وين التقصير الي طلع مني
ام لينا ما اريدك هي كوة
انتهى النقاش بخروج والدي من البيت وبقاء أمي وحدهه تبجي ومحد يعرف السبب مر شهر والدي اتحمل كلشي منهه لخاطري
الصبح ب١٠
لينا ماما وين رايحه
ام لينا لجهنم انتي شعليج مكافي متحملتج ومتحملة ابوج شتردون مني فكو عني
لينا  اني احتاجج يمي المن تتركيني وترحين ماما انتي متحبين بابا  هو زعلج
ام لينا حسج ما اسمعه فهمتي ولي من كدامي اريد  اطلع من يجي ابوج كوليله ماما طلعت
لينا ماما تليفونج  بابا يخابرج
ام لينا مو ابوج هذا حبيبي و وصي ابوج يستعجل بالطلاك
لينا ماما ماما لا تتركيني
(بقيت بوكتهه ابجي وحدي البيت قصر لكن مهدم من داخله والخارج مبني بأحلى بناء الي يشوفه يحسدنه ويكول مرتاحين  دائما ما اشوف جيرانه لكدامنه فقرة بس امهم اشلون اداريهم وتحنن عليهم وابوهم رغم تعبه يستقبلو بالباب وصوتهم العالي ماما اجه بابا والفرح بعيونهم  اتمنيت انطيهم البيت والفلوس وكلشي مقابل لحظة سعادة او احساس من الي يشوفو بجمعة امهم وابوهم .......)
طلال باباتي ليش كاعدة وحدج امج وين
لينا طلعت وكالت خلي ابوج يستعجل بطلاكي بابا ماما متحبك تحب غيرك
طلال بنتي انتي متأكدة من كلامج هذا
لينا اي بابا
$$$$$$$$$$$$$$$$$$$$$$$$$$$$$$$$
لينا اخذني بابا ورحنا لبيت جدي حتى نحاول نقنعهه ترجع
طلال يا مرة حرام عليج البنيه تحتاج الج لا اتركيهه وحدهه
لينا اي ماما
ام لينا اخر قرار بعد ما اريدك ولا اريد بنتك ترى ضجت من كد ما اعيد بالكلام ما اريدك يا أمة الأسلام ما اريدة
طلال كافي باجر توصلج ورقه طلاكج
لينا بابا 🙄
طلال تعالي بابا افهمي انتي مو اصغيرة ما اريد الي صار يأثر عليج امج تركتج بس اني ما اتركج ابداً
لينا بابا اني احتاج ماما اشلون اعيش بلا ام انته هواي عندك شغل وتتركنه أيام هي وياي تبقى اني متأكدة ماما تحبني مو بابا
طلال اي بنتي تحبج  اكيد
لينا بعدهه بدت تعتني بيه و ربيني زوجه الفلاح مالتنه وتهتم بيه وبقرايتي وبكلشي يخصني حسيتهه امي من كد ما جانت حنينه عليه وحبابه ........
$$$$$$$$$$$$$$$$$$$$$$$$$$$$$$$$$
عمار حسان تبقى تنام بالمطعم الفلوس الي شاركتني بيهن صارن هواي يأجرن الك بيت
حسان لا خليني انام بالمطعم أجر بيت وبيتي موجود
عمار بابا صارلهم شهر من تركوك  محد سأل عنك وبيت ابوك اصلا بأسم عمك حتى لو تشتكي متحصل شي لان  تحويلة رسمي عند الحكومه انته تحلم يرجع الك
حسان ارجعه بنفس الطريقه الي اخذوهه مني وارجعهه  واطردهم مثل ما طردوني خليني اركز على دراستي وانجح السنه وافرغلهم
عمار لا تخلي الحقد يعمي عينك ذول اهلك
حسان ههههههه ما اخلي يعمي عيني واني مو من أهلهم طردوني من بيتي ملكي كاعي باكوهن عينك عينك تريدني انسى
عمار والله ما اعرف شحجي انته حقك لأن اخذو منك حقك بس بنفس الوقت انته انزرع براسك حقد وهذا غلط
حسان مو حقد بس ملك ابويه لازم يرجعلي لو اعرف انطي حياتي
عمار اي خلي احد يساعدك
حسان منو يساعدني رحت للشيخ وجابو للشيخ شهود كالوله اني جذاب وعمي يطلب ابويه فلوس ومكدر يسددهن ترك البيت والكاع لعمي تسديد باقي المبلغ
عمار اكيد اكو شهود من ابوك سلمهم الكاع والبيت
حسان ماكو احد بس اني وعمي و ولدة
عمار المهم كمل دراستك والله كريم
حسان بدت الأمتحانات قريت وابالي انجح وادخل دورة ضباط لأن الحق يرادله قوة وذكاء حتى يرجع
بعدهه امتحنت نجحت اقترح عليه صديقي عمار ادخل كليه قانون لأن اني بحاجه القانون وبنفس الوقت اقدم على دورات ضباط لأن تتأخر اذا تطلع الأسم او لا  وقدمت بعدهه بدت خطواتي بتحقيق حلمي اختفيت سنوات وتخرجت من الجامعه بعد التخرج مباشرة لدورة الضباط  ليش بقيت فلاح بعدين تعرفون
$$$$$$$$$$$$$$$$$$$$$$$$$$$$$$$$$
لينا بعد ما تركتني أمي رغم ربتني زوجة الفلاح لكن ما نسيت كلشي صار وياي واشلون تركتني ماما لوحدي
ردت ابني شخصيتي بنفسي ولا احد بيوم يكدر يجاوز عليه اختاريت مهنة المحاماة
لينا بابا اريد اسألك
طلال جواب بنتي
لينا ماما ليش تركتك حبت وازوجت وسافرت وتركتني سمعت من اهلهه تهتم بأطفاله ليش ما حبتك انته جنت ما مقصر وياهه
طلال ما اعرف بابا اريدج اشوفين مستقبلج واتركي هذا الموضوع ما اريدة يأثر عليج اهم شي دراستج
اليوم يجينا فلاح جديد للحديقه استقبلي اذا مموجود
لينا حاضر بابا
حسان اول يوم الي بدخولي لبيت الدكتور جان بمرحلة اولى جامعيه رحت بيومهه بملابس شغل احب اشتغل حتى لو عندي رأس مال واديرة بشغل المطعم لازم اكبر شغلي وما انسى الشغلات البسيطه كبرتني عمرين مو عمر واحد عدا الي صار وياي وعمي اخذ كلشي مني
السلام عليكم
لينا عليكم السلام انته الفلاح الجديد
حسان اي اني (ليش الفلاح اسم مقرف و وجهج انكلبت معاني )
لينا نعم انته ليش ترد انته هنا حتى تشتغل
حسان اشتغل بتعبي وارد عليج لأن تصتغرين الكدامج
لينا المهم بلا فلسفه بابا كال اتفاهمي ويا اذا اجه
حسان بابا مو هنا يعني
لينا No
حسان الله يخليج ست انكلش من يجي ال father كوليله اتفاهم ويا
لينا ok
حسان صايرتلي مثقفه دفرة بوجهج كولي لا لو العربي يبزز
لينا نعم شكلت
حسان مكلت شي وانتي شكو تسمعين للعالم ما كالج بابا عيب
لينا وبابا مالك ما كالك عيب تحجي على العالم بظهرهم
حسان علمني بس مات وما تعلمت
لينا قليل ادب
حسان كلعه راحت اتفاهم وياهه هو انتي مبينه انفه ام خشم
$$$$$$$$$$$$$$$$$$$$$$$$$$$$$$$$$
لينا بابا تعال اتفاهم ويه هذا العامل القبيح
طلال اسوالج بابا عيب
لينا السانه زفر
طلال عشر دقايق واجي
لينا انتظر عشر دقايق
حسان Ok
طلال مرحبا انته حسان
حسان نعم دكتور اني
طلال اعرف ابوك انسان طيب ومواقفه وياي حلوة وما انساهه واله وكفات وياي ارد  وكفاته واكون الك سند
حسان والنعم منك  متقصر دكتور
طلال انته طلبت مني ابسط شغله ليش اني اساعدك وتشتغل بعيادتي
حسان لا دكتور اني ابن فلاح وابن الكاع ما اريد انسى فضلهه عليه وعلى اهلي دكتور انته تعرف ابويه صاحب كاع وبيت ومن سجله بأسم عمي نكرو حقي وطردوني
طلال اساعدك اني يرجعون حقك عندي محامي شاطر
حسان دكتور اني هم طالب قانون البيت والكاع ابويه قبل ليموت حولهن بأسم عمي رسمي أمن بي وغدرة
طلال اني وياك واعتبرني ابوك
حسان تسلم دكتور متقصر
ومنا بدت مسيرتي اخذ حقي منهم وبطريقتي
يتبع.........