الشدة والفرج كلمتان متلازمتان لا تفترقان اذا ذكرت الشدة لابد ان يذكر بعدها الفرج
حسان دكتور الدنيا ليل وين رايحين
طلال رايحين لزوج ام لينا
حسان زوجهه !!!
لينا اي زوجهه ليش تتعجب 😏
طلال هناك تفتهمون كلشي
حسان اي دكتور براحتك (محد موجهه الهه السؤال ومن عدهه ليش تتعجب 👊🏻)
آياب حسان تليفونك
حسان بعدين اتركه (اختي تخابر بالليل ما اكدر ارد عليهه)
طلال جاوب ابني هواي اتصلو بيك
حسان مو مهم دكتور
لينا حبيبتك تتصل عليك خطيه جاوبهه😏
حسان استغفر الله حطت روحهه بالسالفه متكدر ......
ليلى اتصلت عل حسان هواي بالليل نايم ومجاوبني اريد ابلغه اشرد من بيتي واطلع اله بعدين هدئت وفكرت بكلام الناس بعد ما اطلع وكلام الحقير زوجي من كالي اكتلج واكولهم ما صانتني لازم اتحمل وما انطي لزمه على نفسي واصير احزام ظهر لأخويه واساعده حتى ناخذ حقنه رسلته رساله حتى يطمئن ما بيه شي......... رجعت نمت رجع الي الأمان مجرد ما عرفت اخويه عايش ويتنفس الهوى
حسان
اشبيهه البنيه اصار بيهه رساله.....
حبيت اطمئن عليك واسمع صوت اخويه دير بالك على نفسك اني اكون بخير من اسمع اخبارك بخير يا اغلى اخ وسند بالدنيا
(رسالة اختي او كلماتهه تهون عليه هواي من الحمل الي عليه ....... كونو سند لخواتكم دائما الأخت متتعوض ابداً)
''""""""""""""""""""""""""""""""""""""""""""""""
طلال اهنا ابني اوكف
آياب ابقى بالسيارة انتظركم
طلال لا ابني تعال ويانه انتظروني دقيقه اتصل
ابو حسين وصلت
ابو حسين تمام اني اجيتكم
السلام عليكم دكتور
طلال وعليكم السلام ورحمة الله وبركاته
ابو حسين تفضلو تفضلو
حسان مكان عسكري ابو حسين ضخم وشخصية هيبه مبين شديد ملتزم حتى بحياته ويا أهلة نفسهم طريقة كلامه وية الدكتور محترمة لدرجه مو زوج مرته السابقه ....
ابو حسين دكتور انته كلت عندي اثباتات على ام لينا
وبنتك عندهه اثباتات يا ريت اشوفهن
لينا ما احب احد يشوف خصوصياتي والمسألة بيني وبين أمي
ابو حسين وامج زوجتي وخانتني 😡
لينا مثل ما انته حبيتهه بيوم من الأيام وخليتهه تهدم بيتهه وتتركني طفلة وما فكرت بيهه مزوجه ولا فكرت بيه أني شلون اتربى بلا أمي عشت سنين وأمي بعيدة عني من اتمرض لو احتاجهه ما الكاهه كدامي منو السبب حضرتك مكلت مزوجه وخانت زوجهه علمودي اليوم اجة دورك اشوف الي شافه ابويه من دخلت حياتنه وهدمتهه.....
طلال بس بنتي خلينه نلكه حل هذا الكلام ميفيد لتعيدين بأوراق انطوت
ابو حسين خليهه تكمل صح كلامهه بنتك اصغيرة بالعمر بس كلامهه موزون صح بنتي دخلت على حياتكم وهدمته واليوم دوري لكن اني اختلف عن ابوج
اني ما اسامح والسجن والتعذيب مصير لأمج
لينا شي خاص بينك وبين مرتك شكو ادخلنا
ابو حسين لان دليل سجنهه عندج وعند ابوج
لينا واشلون نساعدك
ابو حسين تقدمون شكوى والأدله والباقي عليه وانتي محاميه تعرفين بالقانون العراقي
لينا اي
حسان عذراً ولو اقطع كلامكم اني شنو دخلي بالموضوع
ابو حسين انته الي اعتدو عليك اخوانهه بالضرب الدعوة متنازل عنهه وين مكان شركتهه اريدك تكول بالقضية اعتدو وهددو حياتك هددوك بالقتل ما اريدهم ينحكمون كم شهر
حسان لا تعذرني حقي بالقانون ما اتنازل عنه اكيد لكن اسوي تهم كيديه وباطله هاي ما اسويهه لو تنطيني ملايين
طلال ابو حسين اترك الولد هسه اني اقدم شكوى بالمركز وانته تصرف بالباقي
ابو حسين اي اعتذر جبتك بهليل اذا ممكن تنقل كل الأدلة الي
طلال ارسلك الأدلة كلهن
ابو حسين باجر انشالله بأشرافي الزمهه ابتزاز الكتروني
طلال انشالله ما اتمنيت اوصل وياهه لهاي الدرجه لكن بنتي غاليه وهي الوحيدة عندي انته أب وتعرف أحساس الأب
ابو حسين اكيد عرفت احساس الأب قبل بس الخيانه هسه حسيت بيهه
حسان احنه نترخص ننتظرك دكتور بالسيارة تفضلي ست لينا ويانه تتفضلين الدكتور اكيد عنده كلام ويه ابو حسين
لينا اي اجي وياكم
آياب حسان تليفونك يرمش رقم غريب
حسان من البارحه يرمش ومجاوبته
آياب معقولة غدرت بيك
حسان لا مسويهه
لينا اكيد حب من النت ههههههه
حسان بلا زحمة شنو فهمتي وعلقتي اخذي جاوبي 😡
آياب اي انتي جاوبي
حسان اشبيك كل عقلك
آياب منو الي يرمش
اتصل عليه وافتح سبيكر
لينا مرحبا سدة بوجهي يمكن هاي بنية
آياب معجبه هههههههه
حسان لا اله الا الله انتو مصدكون
لينا عندك واتس شوف الرقم منو اكيد عدهم واتس اي موقع تواصل
حسان حليتيهه يعني دقيقة منو هاي
لينا مو كلنالك معجبه
آياب اشوف صورتهه
حسان لك محاطه صورة شبيك بعدين نشوف قضيته الرقم اجه الدكتور
طلال يلا نرجع للبيت
لينا اسويت بابا تفاهمت ويه زوجها امبين واحد حقي ..
طلال كافي بنتي دايخ وتعبان
لم تنتهي القضية الى هذا الحد تجاوزت بي الحياة صعاب كثيرة رأيت من العثرات ما اسقطني لكني في كل مرة انهض اتعلم الكثير .....
$$$$$$$$$$$$$$$$$$$$$$$$$$$$$$$
عمار صباح الخير حسان آياب
حسان صباح الخير اشبي وجهك ميتفسر مكلوب
آياب صباح النور خيرك متحجي
عمار احجيلكم بس لا تضوجون
آياب اي احجي
عمار اني سويتلكم مشكله ووو
حسان و شنو كمل
آياب عمار رحمة لوالديك لظل و و و اشبيك
عمار ابن عمك علي عرف اني اعرفك بس كتلة مات العام ودفنته بيدي
آياب شنووووو انته اشبيك صدك تحجي 😡
حسان 😡😨 عمار
عمار اكمل كلامي انفجرتو بيه شبيكم
كلتله جان حسان يجيني فقير واساعدة كلتله سبب موتك انسحكت بسيارة لأن جنت اجدي
آياب هههههههههه حسان المجدي
حسان مو وكت ضحك سألك متعرف تكول ما اعرفه
اطلع صورتي هذا الوجهه مال مجدي متت ميخالف بكيفك انته تحجي
عمار لا وازيدك من الشعر بيت شوفته صورة كتله هذا اني زينته ههههههههه
آياب اكيد راح يوصلهه لعمك شلال لازم نكون حاضرين
لكلشي وانته عيني عمار اي تطورات عندك رحمه لأهلك رساله وابلغك شسوي
حسان خرب كلشي يا تطورات
آياب بالعكس اشبيك اذا أمنو بي وعرفو انته ميت مموجود التساهيل اجتي والله يا عمار شغله الجدية خوش شغله مختارهه هههههههههه
عمار شعبالك ومفضل عليه مزينه ههههههههه
حسان كافي شسووون وهذا الغبي كشف نفسه متأكد يكول لعمي
عمار اسهل منهه ماكو اخذ عمك لأي كبر واكوله هنا كبرة
آياب لا هيج أقارب يدفنون وينسون يعني مثل ما طردو حسان اكيد ما يزورون أبو لأن اني وحسان كل خميس نروح ونزور امه وابو نلكا على حطت ادينه
حسان اي صحيح
عمار واذا احد سألني اشلون اندليت كبر ابو اكولهم هو دلاني عليه و وصاني
آياب اذا سألوك لا تفتي من عندك كافي الي جفصت بيه لحد الأن
عمار اكيد اذا سألو.. اذكرت شغله ابن عمك نذل
حسان ليش !!
عمار يكول مات كافر يكبسل ويشرب
حسان الله كريم يجي يوم واواجهم الدنيا مدوم الهم حتى لو اموت احاسبهم بالأخرة
عمار عمرك طويل اشبيك بعدك اصغير لا تحجي هيج
$$$$$$$$$$$$$$$$$$$$$$$$$$$$$$$$$
#بين الذاكرة والنسيان #الكاتبه بتول مهدي
حسان اصدقائي يحجون عن قبر رمزي الي حسيت نفسي بنصهم ميت وهمه يحجون عني اول مرة احس احساس صعب ما اعرف اوصف بكلمات .....
علي يابه عرفت شغله عن حسان من صاحب المطعم
شلال شبي صخام حسان خبصتوني بي
علي مات وخلصنا منه نهائياً
شلال لا مات اشلون مات
علي يكول صاحب المطعم جان يجي يمه يساعده وينطي اكل كال جانت شغلته ايجدي بالتقاطع ودفنه
شلال اشوكت تروح للمطعم
علي تجي وياي تسأل عن موت حسان ههههههههه تندمت الظاهر
شلال انجب لك اريد اتأكد بنفسي من كبرة وين اندفن
علي اي تعال وياي واسأل الولد يدليك كبرة
احمد كبر منو هذا
شلال ابن عمك حسان ميت
احمد موت الجلاب السود اني رايح للشغل
$$$$$$$$$$$$$$$$$$$$$$$$$$$$$$$$
علي السلام عليكم تأخرت اعذرني عن الشغل
عمار عليكم السلام لا عادي طب كمل شغلك
علي ابويه اليوم يجيك على موضوع كبر ابن عمي يريد يندله
عمار هلا بي (توقع آياب صحيح عم حسان فعلاً راح يتأكد من كبر ابن اخو ....بعد ربع ساعه ...)
شلال السلام عليكم
عمار عليكم السلام اتفضل حجي اشلونك اخبارك
شلال بخير بويه اجيتك بموضوع ابن اخويه حسان
عمار حجيت لعلاوي كل التفاصيل الولد قبل ليموت دلاني كبر ابو وامه ودفنته هناك
شلال تروح اليوم وياي واشوفه
عمار لا حجي خليهه الخميس ومناك اروح ازور هم عندي موتى ازورهم
شلال الخميس اخذك ونروح
عمار تدلل حجي (انلاصت خليني وينك آياب رسلت رسالة ل آياب بلغته .......)
^^^^^^^^^^^^^^^^^^^^^^^^^^^^^^^^
آياب مثل ما توقعت عمك يريد يتأكد من موتك خابر الدفان حارث وبلغه يبدي يشتغل بمرمرة بأسمك الخميس عمك يروح
حسان هههههههههه حسيت روحي صدك ميت هسه اخابرة والخميس اروح اريد اشوفهم يوكفون على قبري اشلون شيسون
آياب بلغ اختك حتى لا تتفاجئ وخليهه تمثل دور الحزينه لا تخربهه
حسان اوك (بلغت الدفان يحضر مرمرة بأسمي وبلغت اختي بالتطورات الي صارت واشلون ....احسست الموت فعلا عندي ضيف وقريب مني أحضر لقبري ونقش اسمي وأنا حي أرزق .....)
آياب ها اشبيك حسان
حسان ما اعرف اختنكت احضر لقبرري عبالك احضر لعرس
آياب لازم نكمل بخطتنه خويه حضر نفسك الخميس نروح وياهم
حسان اكيد اشوف قباحتهم بعد وين توصل
$$$$$$$$$$$$$$$$$$$$$$$$$$$$$$$$$
يوم الخميس ........
شلال علاوي فضهه تعال انروح
احمد انتظرو ليلى اخذوهه وياكم خلوهه اشوف اخوهه
شلال لا رجعي اشبيك تخبلت
ليلى عمي احمد كالي لكيتو حسان اروح اشوفه
احمد ههههههه لكو لكو روحي وياهم
علي لا حسان صديقي مو اخوج رجعي
شلال اشبيك تخبلت هاي اخته ناخذهه تفضحنه
احمد عبالي انقهرت عليهه ترجعهه اخذهه بلكت تموت ورة اخوهه
شلال هههههههه انقهر على نفسي هو احنه شنو مستفادين منهه
ليلى (اشوفهم بعيني اشلون فرحانين بموت اخويه ويخططون لكلشي حتى يخلصون مني بيومهه رحنه كلنه احمد اجه ويانه اعرف حسان عايش وبلغني بكلشي بس فكرة موت اخويه وحدهه ما اكدر افكر بيهه .......)
شلال امشي ويانه...
حسان الطريق للنجف وبالتحديد للمقبرة اشوف قبري الرمزي وعمي و ولدة وصلنه الظهر الساعه ب٢ مقبرة فارغه من البشر ما بيهه احد اشوفهم من بعيد عمي نزل واختي اول مرة اشوفهه عيني مشتاقلهه اتمنى احظنهه حسيت ساعتهه فعلا ميت وعاجز اختي كدام عيني روحي تركضلهه بس جسمي عاجز وممنوع يتحرك مثل الي ينادي بدون محد يسمع صوته
آياب اتصال من عمار نفتح خط بلا منحجي خلينه نسمع حجيهم
عمار هذا قبر ابن اخوك (اضايقت واختنكت من شفت شمسوين عيني لا أرادياً ادمع ....)
شلال حسان عمي اسويت بروحك طول عمري اكولك تعدل ارجع للطريق موتت ابوك ومتت انته بعدك اصغيرر جان مأذي ابو يشرب ويكبسل سوالفه مكسرة
احمد هي انتي شسوين
ليلى اغسل قبر ابويه (كلمه اخويه ما طلعت مني صعبه عليه ....)
احمد كومي هو ابوج شلون تربيته حتى تغسليهن بمي هذا ادوسي بالرجلين
علي اي صحيح
عمار اشبيكم شيلو رجليكم احترمو الميت هيج تقدرون موتاكم ادوسون بالرجلين متخافون الله
ليلى عمي شوفهم يدوسون قبر ابويه حاجيهم
شلال ابوج ما عرف يربي خلونه نرجع
ليلى بس اقرة الفاتحه على قبر ابويه اغسلة
احمد امشي سوينه واجبنه وزرناهم
عمار اول مرة اشوف هيج حقارة وحقد .....
حسان ايدوسون على قبر ابويه كدامي وقبري ويجر بأختي ويضربهه حسيت السما طبكت على راسي
آياب وين رايح اوكف
حسان لا تلزمني اختي كدامي يجرهه ويضربهه وداسو قبر ابويه ما عندي غيرة ابقى بمكاني
آياب وتعبنه يروح بلاش وعمار يصير كبش فداء الهم
حسان خليهم يطلعون من المقبرة اروح ازور ابويه
آياب اي ميخالف نتأكد طلعو
$$$$$$$$$$$$$$$$$$$$$$$$$$$$$$$$
طلال ابو حسين سجلت دعوة واتصلت بيهه تاخذ الفلوس
ابو حسين اعرف انته انتبه دكتور
طلال انشالله
وينج بسرعه اخذيهن وكفيني شرج
ام لينا هههههههه انته متجي الا بالعين الحمرة كول للعامل مالك خلي يتنازل عن الدعوة ويطلع اخوتي لا احرمك من البنيه .......أأأأأبو حسين والله....
ابو حسين تستغفليني وتهددين وتردين فلوس فكر مصيرلج جارة اخوتج وانتي راح تصيرون عبرة
اخذوهه
طلال (بعدهه اتخذو الأجراءات بيهه والفلوس رجعتلي....)
ابو حسين اني اريد اتنازل عن الدعوة مهما يكون هي ام بنتي
ابو حسين لا تتنازل دكتور هي هم ام ولدي وخانتني وطمعت بالفلوس وبالدنيا خليهه تاخذ جزاتهه
طلال ما اريد احرم ولدهه وبناتهه منهه اكون سبب بتفرقتهم
ابو حسين ولدي وبناتي كبار مو اصغار
(رجعتي من الدوام للبيت بعدهه توترني وتخنكني.....)
زينب بنت ابو حسين واخت لينا
بابا وين ماما
ابو حسين امج اخذت جزائهه وخلص لا تسألين ترحين للغرفه كلشي يخص امج تحركي واطلعي فهمتي
حسين ابن ابو حسين الكبير اخو لينا حاضر بابا تعالي
زينب
(حسين وزينب اخوان لينا من امهه)
زينب بابا طول عمرة علاقته زينه ب ماما
حسين أمي ما صانت عشرته وطمعت بالأكثر واخذت جزائهه لمي غراضهه وانطينياهه اصرف بيهن تعودي على غيابهه ولا تأذين ابويه بالسؤال
زينب اكيد ما اسأل كله بسبب لينا ماما ...
حسين زينب اختنا لينا ما الهه شغل بأي شي صار
امي جانت تهدد لو تروح تدفع خوالي على الدكتور وبنته وتهددهم وصلت بيهه تهدد الدكتور بحياة لينا واي احد مكانه يحمي ابنه او بنته من اي شي لا تخلين الحقد بيوم يصير بكلبج على لينا مهما يكون اختنا ودمنا
زينب حاضر هاي الملابس شسوي بيهه
حسين نعتبرهه ماتت ونطلع كلشي ونجدده ابويه نفسيته تعبانه
ابو حسين الدنيا فعلاً دارت عليه البيت الي هدمته اليوم بيتي كدامي تهدم
ذكريات من ابو حسين
تعرفت على ام لينا عن طريق اتصال غلط بالرقم
بعدهه بدت تشكي من زوجهه واهماله وحبه لشغله اول علاقتي بيهه اصدقاء نتكلم يوميا بعده بديت احبهه وطلبت منههه تطلك منه وازوجهه وفعلا طلبت من زوجهه الطلاق بعد عدة الطلاق رحت تقدمتلهه وازوجتهه صار عندي منهه حسين وزينب حبيتهه ودللتهه دلال طلعاات وسفر وفلوس حتى لا تمل ولا اضوج وبيت احسن اثاث واحلى اثاث ما حسبت بيوم من الأيام هذا كله ينهدم ويجي دوري واشوف الي شافه الدكتور .......مرارة الصمت لا توصف احياناً من وثقنا بهم يأتي الطعن منهم احببتهم لدرجه الجنون فما بالكم بالمجنون اذا خانه حبيبهُ.....
حسان ليلى انهزمت ضربهه
آياب اشبيك منو انهزم انتظر اجي وياك
يتبع
اتمنى تصوتون للقصه المشاهدات والي متعجبه القصه لتجاوزون معنى اسمهه حسان يذكر ما يحدث ويسردة الكم كل شخصية بالقصه قصته تختلف
أنت تقرأ
بين الذاكرة والنسيان
Roman d'amourبين الذاكرة والنسيان شتان قلب ينبض بالذكريات ويرجعهُ الحنين وعقل يكاد ينفجر ولا ينسى انتقام بطريقه أخرى وعودة بعد سنين لتصفيه الحقوق قصة حقيقة تبين مكر الأقارب تابعوهه
