بين الذاكرة والنسيان

بين الذاكرة والنسيان 10

تباً لك من ذاكرةٍ ملعونه بعيدة كل البعد عن النسيان أين تلك النعمة عني ...........
ليلى شكرا لينا انتي وابوج ما قصرتو وياي تغيرت حياتي
لينا انتي صرتي اختي ولازم الخوات  وحدة توكف للثانيه
ليلى اني مثلج بلا اخت والله انطاني اخت وعوضني بناس طيبه بعد ما تعذبت
لينا اهلا وسهلا بيج بعالمي ههههههه احلى اخت
ليلى واهلا وسهلا بيج بعالمي
"""""""""""""""""""""""""""""""""""""""""""
حارث مر شهر على زواجنه  سمعي لج باجر امشي على مرة انتي اول الحاضرين تبقين خدامه الهه فهمتي
طيف مو اني الي اخدمك انته ومرتك اسمع باجر اطلكني لو اروح لأهلي واكولهم على معاملتك هاي
حارث واني عندي هواي حجي احجي الهم شنو رأيج اخذج ونروح سوة
طيف شنو قصدك شتحجيلهم
حارث  ليش خايفة حبج وانتي مخطوبه هذا التليفون الله اعلم اشكد عندج غير حسان بعد تحبيهم
طيف احترم نفسك حبيت بس حسان ولحد الأن احبه
حارث احترم نفسي حقيرة فوك عملتج  والله لا اندمج امشي وياي
طيف وين ماخذني
حارث لعمامج واهلج  كوليلهم تحبين حسان حتى همه يعرفون البقيه الي تحبيهم منو
طيف لا حارث اوكف يكتلوني خلاص حارث اسمعني اصيرلك خدامه
حارث تخافين من اهلج ما خفتي الله مخطوبه وعلى ذمتي تباوعين لغيري
طيف اهلي همه الي وصلوني لهذا الحد همه الي خلوني اوصله جبروني عليك وكتلهم ما اريدة وما احبه
حارث اهلج وصلوج غلطانه اهلج رادو يحافظون عليج لان ما دايمين الج ولو كايلتي  انتي مترديني ولا تحبيني من البدايه اني اخلصج مني  مو تستغفليني واني نايم على اذاني واعذرج بكل تصرف لأن احبج وما اريد اخسرج لو جايه وكايلة ما اريدك ابدال هذا اللف والدوران مالج والتمثيل والكلمات المعسولة انتي الي خسرتي هسه كلشي سمعي ترجعين لأهلج اليوم اسبوعين ورقة طلاكج يمج وبعدهه اني مسافر كل حقوقج تتنازلين عنهه  وبدون اعتراض
طيف اسفه ابقى وياي ولا تعاقبني وتنهي كلشي اني غلطت لا تتركني ما قدرت حبك الي وركضت ورة احلامي
حارث لا تكملين اني طالع ارجع ما الكاج كلشي انتهى انتي جنتي درس الي قاسي تعلمت منه حكمت على صلة القرابه والوجه الحلو الكدامي ما ادري ورة الوجه حيه تستغفلني  ارجع ما الكاج  بالمناسبه مديرج بالشغل فصلج  وهاي بقيه اتعابج كال لا توصل الشركه بعد
طيف حارث الله يخليك اوكف خسرتك بغبائي  خسرت شغلي مستقبلي
"جلست يرافقني ذلك الندم اللعين ذلك الظلام والسواد الذي ادخلتهُ حياتي تباً لي تلك الأمنيات التي حلمت بها
كنت  اعرف انها أمنياتٌ مستحيلة كنت اعرف انهُ لا يحبني كنت الهث وراء احلاماً مستحيلة كمن يركض وراء سرب الأوز المهاجر  وهو يعلم انه سيتركهُ وحيداً يواجه حزناً كسر داخله وهشمهُ كنت ناجحه جداً في عملي كنت احلم كثيراً"
"احياناً الطمع الذي يقودنا الى الجنون الى المغامرة بأحلامنا الصغيرة فنحطمها قبل أن نقطف ثمار جهدنا
اعملو على احلامكم الصغيرة لتكبر معكم"
$$$$$$$$$$$$$$$$$$$$$$$$$$$$$$$$$
شلال السلام عليكم ورحمة الله وبركاته 
عمار عليكم السلام ورحمة الله وبركاته  انروح حجي
علاوي يجي ويانه
شلال اي يجي
عمار اخابر الولد بالشركه
علي يابه لا اسوي شي غلط خلينا نسأل المحامي
شلال اسكت انته تفتهم احسن مني لو المحامي يفهم احسن
عمار حجي اذا مترددين نرجع
شلال لا بويه خابر صاحبك
عمار اي
آياب موجود بالشركه الحجي اجه عليك للشركه