بين الذاكرة والنسيان

بين الذاكرة والنسيان 8

كل شئ مشوش حولي ما زال ذلك الخوف من الفقدان يرافقني في كل خطوة اخطوها نحو هدفي
ما الذي يحدث !! اقتربت من النهاية !!
خطواتي اثقلت كاهلي .... أهو اليأس سيغلبني مرة اخرى رحلة البحث عن الحلول تبدو عقيمه جداً
كل شئ أمامي يدفعني للأستسلام التقدم للأمام كان هدفي لكن الأن اريد التراجع .....
آياب صباح الخير ما نمت
حسان لا ما نمت خايف على اختي خايف لا الدكتور وبنته يتأذوون بسببي
آياب امشي لا اصير بومه رحمه لروح موتاك
حسان واختي اشلون
آياب مو خابرت الولد وكالي ابشر وابن عمك مراقب حتى تليفونه بعد شتريد
حسان الله كريم امشي نطلع
ما بين الخطوة والخطوة تتعثر قدماي اكاد أهرب من نفسي الى نفسي أين أنا؟الى أين أصل ؟متى سأتوقف عند خطوات النجاح....
حسان ((مراقبتي من بعيد أختي بالخطر اعرف بيت عمي ميرحمون وميسكتون عيني ما جانت تفاركهه اشوف عمار والدكتور وياهه لينا بس الخوف من المجهول والخوف من ردة فعل احمد .......))
آياب اختك مبيهه شي كافي قلق ترى قلقتني وياك اهدئ شويه
حسان مو بيدي اختي ما اكدر امشي وياهه واحميهه وهذا الحقير مهددهه  صعبه عليه تعبت خليني نوكف اخاف اختي يصير عليهه شي
آياب لصير جبان أختك كدامنه وبلغنه الولد حجايه ثانيه ادفرك والله اطلع التشاؤوم من خشمك  وعينك فهمت وكافي الولد يخابر اسكت
حسان جاوب
آياب ها حسام بشر
حسام احمد مراقب انتو شكو كدام المحكمه مترحون لشغلكم
آياب والله واكفين على حلة البنات ابن عمي غير انريد نطمن على القضيه
حسام مو هي ولادة ابقو واكفين تحمسكم الشمس طبكم مرض
آياب اشكرك من أخلاقك العاليه المهم شوف شغلك بعد اخوك
حسام الله وياكم  ههههههههه
حسان ها اصار احجي
آياب يكول بعدنه نراقبه اصبر
""""""""""""""""""""""" """""""""""""""""""""""
ليلى خايفه لا يرجعوني اله والله يكتلني خلاص
عمار خويه اشبيج من اول ما اجيتي قلق كلنه وياج واخوج برة المحكمه اهدئي
طلال لو تخابر حسان يروح من المحكمه خطر عليه وليشوفه احد
عمار  يعاند ميسمع كلام اتركه خلي برة لا يتخبل ويجي هنا
طلال اخته حقه اني لو عندي اخت احارب الدنيا علمودهه
لينا ليلى حضري نفسج ما اريدج ترتبكين وتخافين شوفي كلنه وياج فهمتي هالمرة واسطاته متفيدة
ليلى والله خايفه لأن واصلة ايدة ويكدر يدمرني
لينا وين الأدلة الي نسخناهه البارحه بالبيت
ليلى بالفايل نسيتيهن
لينا  لا لكيتهن اشبيج خفتي هههههههه
عمار اليوم ليلى من كثر ما هبطت صار عدهه سكر ههههه
ليلى ههههههه اي والله خويه
لينا بدت المحكمه وبدت هنا محاولة الدفاع عن نفسه
احمد ضربتهه لأن خانتني وتريد الطلاك حتى يزوجون تقبل ابقى ساكت  تخوني واسكت
القاضي هدوء نسمع الطرف الثاني
ليلى والله اني ما خنته ولا شي هو جان يعاملني مثل خدامه عنده ويضربني دائما وهددني يكتلني
القاضي بنتي اهدئي واحجي وين المحاميه تتكلم مكان البنيه خلوهه ترتاح
احمد هاي المحاميه شجعتهه تطلع من البيت وجانت تتواصل وياهه دائماً تحرضهه عليه
القاضي منو سمحلك تتكلم من مكانك اسكت والا انطي أمر بأعتقالك  تفضلي بنتي
لينا سيدي كل الأدله أمام حضرتكم زوجهه معنفهه مع الشتم بأبشع الألفاظ وامامك اتهم زوجته بشرفهه وهذا الشي مخالف لتربيتنه وعاداتنه زوجهه كدام الحضور يعلن عن زوجته خاينه يوم امس الزوج يهدد بدون الخوف من القانون والأدلة رفقتهه امام حضرتكم
ليلى بالمحكمه حاول ينزل بشرفي ويتهمني بالخيانه وحاول هواي لكن اعلن القاضي طلاقي منه رسمياً والخروج من عصمته وتحكمه
كأنه بقراره أعلن عن خروجي من السجن ..... بدأت اتنفس القيود التي كانت تقيد أنفاسي تحطمت رجعت نفسي الى نفسي مجدداً لم اكن اعرف من أنا والى أين أذهب .......
لينا مبروك لا تخافين اصدر بي القاضي أمر بتهديداته اخوج مبلغ عن تهديداته واخذو ارتاحي راح يتحاسب
اجة دورة يتعذب مثل ما عذبج
ليلى الحمدلله
طلال ونعم بالله انتي سباعيه وعندج صبر مثل اخوج
الله راح يجازيكم اكيد
ليلى الله ميدومهه على ظالم دكتور
عمار واحلى غدة من المطعم مالي اوديلكم دلفري الله نصرج وراح ينصر اخوج اكيد يلا دكتور اوصلكم للبيت
احمد والله لأندمج انتي تبهذليني بالمحاكم وياخذوني
حسام اسكت لك لا افلش سنونك بحلكك
احمد اسكت عندي واسطات واكدر اطلع منا الا اندمك وياهم
حسام واسطاتك والبسطال مالي تحترم نفسك وتسكت لو اسكتك اني
احمد 😡 نظرات الغضب والحقد الي بكلبه زادت اكثر
''''''''''''
خروج ليلى ولينا من المحكمه
صوت اطلاقات نار الخوف عم بين الناس بدأ الجميع يتراكضون بجميع الأتجاهات عيون الجميع على من يحب رأيت الزوجان الذين تطلقا قبلي يحضنان بعضهما
أرى الخوف في عينيه على زوجته تسألت يا ترى أن كان يحبها ما الذي جعلهُ  ينفصل عنها أبغض الحلال عند الله الطلاق أنها ثواني لم نصب بسوء لكن اصبنا بالذهول مما رأيناهه ثواني من الخوف اظهرت الود بين كثير من المتخاصمين .......
حسان ليلى((تعالت هنا الصرخات سقطت أمامي انها اختي لم يبقى لي احد سواها كأن ذلك الخوف عاد بي الى موت أبي كيف طردت من البيت ركضت كالمجنون لم افكر في شئ تركت حياتي ))
آياب حسان لك وين رايح اوكف لزمو لك غبي
لينا شفت اشلون حسان ركض على اخته ويطمئن عليها
شفت ذاك الخوف خوف الأخ الحقيقي ودموعه على اخته تمنيت اكون بنعمة الأخ رغم عندي أخ من أمي لكن احنه مختلفين كلش معقوله هم يجي يوم اشوف هذا الخوف بعيون حسين
حسان ليلى بيج شي خفت عليج يا روحي انتي الدنيا كلهه لو صاير عليج شي بعد تخلص احمد من ايدي
دكتور  طلال عمار لينا بيكم شي
طلال مبيه شي لينا بس انضربت برجلهه سطحيه بنتي
السباعيه
لينا تسلم بابا المهم الكل بخير بابا اسندني اخذني للمستشفى
حسان انطيني ايدج الدكتور ميكدر
لينا اي 🙄
وصلنه المستشفى
ليلى اكولك حسان انته ولينا والله واحد يلوك للثاني
آياب اشتغلت خطابه شيخلصك
ليلى انته معليك اني واخويه
حسان معليك تاكلك بكشورك شيخلصك منهه
لا حبيبتي ما افكر بالبنيه اني تفكيري بغير شغله اريد افضهه
ليلى شنو هي
حسان بعدين تعرفيهه
آياب يفكر يخطبلج هههههههههه
ليلى انته كلش ضوجتني ترى وبس تعلق اشبيك
آياب يابه شكنالج 😂😂 بس تعرفين تنسقين كبلات
حسان اترك أختي لك معليج بي يغار
ليلى امشي نشوف البنيه
حسان لا انتي روحي لج عيب منا ابوهه واكف يمهه واني استحي منهه اني السبب البنيه اتأذت
ليلى اني اروح اشوفهه
حسان روحي
آياب اكولك حسان لازم اختك نأمنهه بعد يم الدكتور واحنه بدة شغلنه احمد انسجن منو يدير شركته لازم واحد صاحب خبرة مو صح
عمار بدة يفكر ويسكت
حسان كمل
آياب نقنع ابو واخو ينطونه الشركه ابدال متصادرهه الدوله من عنده
عمار منو يقنع منو
آياب غبي عرفهم عليه واني اقنعهم
حسان 😨شتريد اسوي
آياب هههههههه افيدك غير انته سوي الي كتلك عليه اجتي تركض ها ولد بنيه
ليلى منو ولدت مرتك
حسان هههههه معليج بي خليولي اشلونهه
ليلى زينه الحمدلله نايمه لكيتهه بس متستاهل خطيه
لو ناس السانهه اطول منهه برجلهه
آياب لا تبسمرين جنت يم اخوج الليل كله لا خلاني انام ولا ارتاح كل اشويه اختي اختي قلقني
ليلى اي ميخالف غير صديقه عود انطي شغل اضافي لو يشتغل شغلك اخويه يحب الشغل
حسان لا تشاقه منو كالج احب الشغل انتي منو كالج تقترحين  بكيفج
عمار اي جبتيهه لك تارك المطعم عليه وشارد آياب شتكول اخته اقترحت
آياب اي جبتيهه عقاب الك اسبوع لا لا اسبوعين تكمل الشغل واني ملك على كد التوقيع
حسان اجيتي تكحليهه عميتيهه 😒
عمار والله كحلتهه عفيه ب ليلى
حسان ((بعد ما خلصت قضية ليلى واطلكت من احمد بدت قضايا تطلع على احمد وناس اشتكت عليه بمجرد ما عرفو هو انسجن هنا عمار بدت محاولاته لأقناع علي  يسلمون الشركه ل آياب .....))
شلال السلام عليكم
عمار عليكم السلام حجي اشلونك اخبارك
شلال مو زين والله ابني بالسجن وهذا ميسمع كلامي
عمار منو علي اكسرة الك والله بكيفه ميسمع كلامك
علاوي تعال اكعد
احجي حجي
شلال شركة اخو يوميه واحد يجيبلي اوراق شكل ويكولي وقعهه والله يا عمي ما اعرف اقرة واكتب ميصدكون
علي كتلك انطيني الشركه انته متفتهم
عمار لا اصيح لا افلش وجهك احترم ابوك 😡
حجي عندي صديق أمين وثقه هو هم  صاحب شركه ويعرف بهاي السوالف اتفاهمو ويا
شلال اخذني اله وخليني اتفاهم ويا
عمار باجر اخذك حجي تدلل واذا هذا يضوجك لو يجاوز تعالي  اكسرلك راسه
علي لا ابويه احترمه غصباً عليه من رخصتكم
"ابويه يريد يعيد دكته بحسان ويطبقهه عليه يحلم يسويهه لو تعرف اعرف اكتل يأمن بغريب وميأمن بيه "
منتظر ها علاوي خيرك  تحجي وحدك
علي ما بيه شي ابويه يريد ينطي شركة اخويه يديرهه واحد غريب ما نعرفه
منتظر قابل كبل يسلمهه اله غير يتأكد منه
علي  ما اعرف بس والله لو اعرف اكتلهم ابويه طول عمرة يأمن بالغريب عمي أمن بي واخذ البيت والكاع وطرد ابنه وابنه مات محد يدري بي اشلون مات يريد يعيد كلشي صار ويه حسان وياي
منتظر كول يا الله اكيد اخوك يطلع وترجعله كل املاكه مقهور على اخوك واضوج احد ياخذهن
علي لا مو على اخويه بس اريد ايصيرلي مكانه وهيبه
منتظر انته غير تفكر بأهلك
علي يا أهلي بابا اني اريد اكون نفسي استقر ابقى على ذله الشغل اريد جوة ايدي عمال وخدم
منتظر الله يهديك
"""""""""""""""""""""""""""""""""""""""""""""""
ابو حسين حضرو نفسكم اختكم اليوم رمو عليهه والحمدلله طلعت سلامات  لازم نزورهه
زينب يعني ما ماتت
حسين عيب هذا كلامج ش
ابو حسين سمعي بتي من بعدي محد الج غيراختج  صح تشبهين امج بالشكل بس اياج تطلعين تشبهيهه بالسم الي بداخلهه والا اندمج مثل ما ندمت امج وخليتهه بخبر كان
زينب انته مجرد انسان مثل الأفه هدمت بيت غيرك وكعدت تبني بيت السعادة مالك من حطامه واليوم الحطام الي بنيته بيدك وكع على راسك
حسين زينب كافي بس يبقى ابوج وغصباً عليج الحب مو حرام ولا غلط لكن كل انسان يخطأ وابويه غلط من تقرب لمزوجه وندم والندم مينفع هالموضوع مينعاد لا تصرفنه وياج مراح يعجبج نهائيا
ابو حسين شسووون احجو  تحبسني مثل ما حبستهه غلطتك هاي وتتحمل غلطك
ابو حسين زينب كلمه زيادة منج ثقي بالله ما اعتبرج بنتي وسمعي زين مني باجر خطوبتج من ابن صديقي
وجامعتج تتركيهه ومتكملين وحبيبج الي جان رايدج
ما انطيج اله لو يوصل ويجيب ناس من الصين حسين
تتصل بأهله وتكولهم البنيه انخطبت لا يفكر بيهه بعد
لا احرمج من كلشي تحبي اولهم الشخص الي رادة كلبج
حسين بس بابا الولد وخطوبتهم شعليهم
ابو حسين نفذ بلا متحجي شي هاي اختك اجاوزت هواي يا غلطة عمري  امج خلصتهن عض الأصابع اليوم بنتي توكف كدامي وتذكرني بغلطي  خابرهم وتعال وراي  انشوف اختك  وانتي ابقي هنا
زينب حسين لا تخابرهم والله احبه اخذو الدراسه وكلشي بس هو لا
حسين السانج هذا  عم عليج وعلى حياتج ما راح اخابرهم ابقي ساكته اني اصرف واحجي ويه الدكتور وهو يقنعه ابويه يحترم رأيه ويحترم شخصيته
زينب اذا فصخ خطوبتي والله انهزم
حسين لج سمعي لحد الأن اني وياج اخوج اعتبر الي صار ويانه نتيجه لتصرفاتج كتلج اني اصرف فهمتي
شغله تنهزمين شيليهه من راسج لا تخليني انكلب عدوج واكتلج بيدي
زينب اي اي هذا هو
ابو حسين فضههه شنو سالفتك
حسين اي بابا اجيتك
زينب بقيت وحدي بالبيت ابجي حبيبي صبرنه سنين كوة قبلو اهلي واهلة ابويه يفرقنه بسببي اني غبيه غبيه متعرفين تسكتين .......
"""""""""""""""""""""""""""""""""""""""""""""""
حسان حمدلله على سلامتج لينا اعتذر الي صار وياج بسببي
لينا لا مصار شي اصابه خفيفه المهم ليلى رجعت ضحكتهه بابا واعدنه اذا ليلى خلصت قضيتهه يسفرنه اجازة وانته ابقى اشتغل ههههههه
ليلى وين ياخذنه 🤩
طلال اخذكم يم أقاربي بالسويد هناك اجازتكم وهديه مني الكم
ليلى شكرا الك  حسان اروح اسافر اجازة
حسان بالعافيه حبيبتي بس مال تحركيني يم المدير مالي وتخلينه يترك الشغل عليه ما نسيتهه
ليلى الشغل عبادة ههههههه
حسان النوم هم عبادة اختي واني هلكان هيج الخوة كالوهه
لينا اعمل اعمل هاي عبادتك هههههههه
طلال الله يديمه لمتكم وضحكتم اول مرة اشوف بنتي تضحك من كلبهه
حسان دومهه دكتور
ابو حسين السلام عليكم ورحمة الله وبركاته
طلال وعليكم السلام اشلونك
ابو حسين الحمدلله  ..... حمدلله على سلامة البنيه
حمدلله على سلامتج بنتي
حسين حمدلله على سلامتج خوية غير اديرين بالج على نفسج
لينا الله يسلمكم شكرا حسين اني محاميه هذا شغلي بعد
حسين الله يوفقج خويه واشوفج بأعلى المراتب
لينا آمين يا رب  شكرا لزيارتك فرحتني
حسين واجبي انتي اختي
دكتور ممكن دقيقه من وقتك
طلال اي ابني
حسين اختي مخطوبه لولد وياهه بالجامعه واليوم بقت تتطاول على ابويه وكالي خابرهم والغي خطبتهه
طلال ابوك ما احجي ويا وين رقم الولد واهله اندلهم وباجر اني يمكم اتمنى تفهم اختك ان أمهه هي الغلطت وما صانت عشرة ابوك ولا صانت عشرتي واحنه اثنينه انخدعنه بيهه عيشوو حياتكم وتقبلوهه مثل ما هي
حسين دكتور خاف ابويه يعرف التصرف من عدنه
طلال اني احجي ويا ولا اختك ينكسر كلبهه
حسين ان شاءالله اول ما اوصل ارسلك رقم الولد
طلال اتفقنا لا تكول لأبوك شي خليني افاجئة
""""""""""""""""""""""""""""""""""""""""""""
حارث انتي شنو قصتج صارلنه هواي خطوبه واليوم زواجنه مترديني
طيف ما بيه شي ليش تلح بس اني تعبانه واريد انام
حارث تعبانه اي تعبانه صبرت عليج هواي وعديت بمزاجي اعرف عندج شي ومتريدين تحجين
طيف ما عندي شي لا تتخيل من عندك اشياء
حارث بسيطه اعلمج اتخيل من عندي  اعرف وضعج مو طبيعي وملاحظ عليج كلشي تركتج براحتك ما حسيتي بغبائج وين يدفعج و وين موديج من اليوم انتي مرتي على الورق لحد ما تكولين الي عندج والا اني بعد شهر مزوج عليج علاج المرة الي مثلج مرة
طيف طلكني ولا تبقيني اذلني يمك فهمت اي ما احبك اني ما احبك
حارث واني بكد الحب الي حبيته الج والصبر الي صبرته عليج راح انتقم ضعفين .....
آياب اي حجي تدلل كلشي ينحط شروطك بي
علي انته اسويت اكتلك ولا اخليك تحول درهم
شلال لك عليمن تسحب سلاح
يتبع .....