عذروني ما نشرت وجوز راح اتعطل عليكم والله مريضه طايح كل حضي بهل مرض مو كورونا وانما بلاعيمي وفلاونزه بعد روحي عذروني احبكم كد السمه❤️❤️❤️
_____________________________________
شفت شي ما توقعته ابد وتفاجئت بي عرفت أبويه شيريد من امي أخذته ضميته بجنطتي مال المدرسه بص الكتاب نزلت ادموعي بس اوعدج يا يمه اني بيدي اطلكج منه وشيصير خل يصير ما اخلي بعد يهينج ابد راح تعيشين راسج مرفوع وآله أخذ حقج يمه لو مو صغيره
كل عاده اشوف أبويه بليل يضرب امي ورمها اتورم ولازم البطل بيده يشرب ويضرب جرني وهم بده يضربني احس ضلوعي تكسرت كسر بيدك انشالله شمر ورق على امي وطلع وحده باوعت الثانيه شلت الورقه طلاق سامر ... من وهج . .. احس الفرحه ما سايعتني كبل رحت جبت
قام وكاله وقعي بسرعه هنا هو جان موقع امي جانت تبجي حالته حاله وتصيح احبه ما وقع
لمار . يعني انتي عاجبج وضع يوميه تنكتلين وين كرامتج انمسحت بلكاع اني جسمي كله اثار زرك إذا ما راحت وشافهن احس شكله جان يتحارش بيه أبويه ويضربني شكول يمه بلمنطقه معروف ابو العرك وأبو البنات لمتى هيج اضلين يمه طز بلحب وبي يحبون يمه الحب بس بكرامه وقعي الله يخليج الله يوفقج
ما قبلت شمرت الورق وكمت لغرفتي اختي نائمه خطيه شبكتها وبدت تنزل دموعي بقوه ابجي على حضي لو على حض امي لو على أبويه المعروف ابو العرك ولو البنات نمت من الم جسمي يون كعدت بل 9 سبحت ولبست ملابس مريحه نزلت جوه شفت امي وخالتي
جريت خالتي بعيد عن امي وحجيتله شصار وكتله خل نقنعه مشينه الها حطت الريوك جريناه وكمنه نبجي ونتوسل بيها تقبل اخيرا قبلت ركضت الغرفه جبت الورق وقعت عليها امي كمت اهز ركبه بعد ماكو ضرب ماكو إهانات ماكو تحرش حسيت بنفسي جاي اهز بشعري
وخالتي لازمه ايدي تسوي جوبي وامي وسط دموعه ضحكت حسيت الباب اندكت وهسه لازم اهينه نفس ما اهاني فتحت الباب اضحك هو ابتسم من شافني طشرت الورق بوجه باوعلي بتفاجئ وغضب حجيت ويا واني مبتسمه
لمار بابتسامه . البيت بسم امي ومريدك ويانه منريد ابو عرك ينكس بيتنه
سامر . يا حيف على التربايه الي ربيتج عليها
لمار . عاد اسمع سالفه تربايه ما تربايه هاي عوفهم لأن ادري بيك شنو من نكس شايف هذيج الشرطه ولحسين اروح اشتكي عليك وحجيلهم كلشي لانك مو مان احترام
سديت الباب بوجه حيل طبيت حجيتلهم شصار كعدت على الكرسي باوعت بنضرات حاده كلش لمي ورفعت تك حاجب
لمار . كليلي يمه شنو سالفه سند البيت وإذا اتجذبين وعلي الحك ابويه وروح ويا وين ميروح متشوفين طركت وجهي بعد احجيلي
وهج. يمه سوفي جدج من مات الله يرحمه هاذا جان بيت من بيوته جان ماثث وحلو كلش سجله بسمي لأن جنت أنه وبوج بإيجار كاعدين وأبو ليجار مو راحه ويتحارش فلهاذا بسمي
لمار . سمعي يوم وحق هيه الكعبه بذاته وحق هو كتاب الله قسمأ بالله اذا شفت أبويه بعد بهاذا البيت ولحسين اكتله ولحسين والحجي كدامج خاله
امينه . نتشارك بكتله وعلي
كمت عفت الاكل كما ادرس طلعت السند اطيته لمي شفته تبجي ويمه خالتي يمكن جان الحجي مالتي كلش قاسي عليها شبكته حيل اني هيج عاتي شخصيتي قويه
سكتت مرينه بحاله جوع وفقر لدرجه نتريك ما نتغده ملابسنه من لجيران عاد اقترحت علي امي تشتري مكينه
خياطه ونرزق بيها وشترته وفعلا انرزقنه اشويه اني خامس علمي ودراستي صعبه حيل لدرجه اموت يالله اكمل الكتاب واخيرا كملت السنه وطلعت ناجحه بمعدل 70 هو المعدل لريده كل عاده رجعت للبيت كعدت على الكرسي اندكت الباب اجت امي وبيده صينيه اكل بايت
صبت منه ما كلت لا لان اعرف الوضع عدنه اكلت وكمت بدلت ولبست تراك حلو عليه اتجددت وصليت نزلت ليجوه لكيت امي تخيط ويمه هواي اقماشات ابتسمت وكتله
لمار ببتسامه . ها وهوجتي عجبهم خياطج مو
وهج . اي والله اكول يمه كومي شنكي العجين بل اربعه عدنه وجبه يجون ياخذون الخبز
لمار . كمتي تخبزين يعني
وهج. اي يايمه كومي فدوه علود ما نتأخر
كنت شلهت ارداناتي وكعدت اعجب وشنك وحط العجينايه بلطحين امي كملت كصه وراحت تخبر طلعت كتبي وبديت أقره لسادس والله صعب شكه لحلكي عاد امي تخبط واني أقره بصوت عالي يمه وختي تلعب بلعابه الي اشبكه ونام كم مره كلتله احبه لتلعبين بيه
ما تتعاند تلعب بيها اذكرت من أبويه شبكني واطانياه وباس راسي من نجحت وكلي رفعتي راسي بدرجاتج اذكرت من كام ايمن يحشش عليه ويكلي لو جايبه 50 افرح ولزمه عليك بس جايبه 90 ويضحك حسيت نفسي جاي ابجي لأن ذكرت ايامي شلون جانت حلوه جنت
مدلله إذا ايمن حاجاني اشتكي لبويه ويكوم يضحك ويصيح لتضرب دكتورتي ما اقبل بس للاسف اني جنت مو هاذا حلمي مو دكتوره جنت احلم يجي يوم اطب بهيبتي للبيت جايه من الشغل وامي تصبلي غده وتكعد ويكعد ايمن يسئلني شسويت بشغل وبويه يشبكني
بس للاسف كله اتحطمت شكد كسرتني يا ايمن يا خويه تعال وشوف حالتنه كما من يم امي حتى متنتبه عليه ابجي رحت لغرفتي طلعت كلاتي الذهب ما البسه حتى مضيع تبقه ذكره من ايمن لزمته ورحت لغرفه ايمن كعدت على الجربايه ابجي بقوه وعاتبه
لمار بجي . كوم ولك ميلوكلك لتراب كوم يخوي فدوه كوم والله شوف نجحت طلعت معدل 70 ما ريد منك شي بس كوم وراويني ابتسامتك ولك الله يخليك كافي نوم نوم ولك كوم يرفعت راسي بعدك حلو مو بعدك حلو لو خرب لونك كوم ماتحمل بعد فدوه
احسه احتواني والله تذكرت ضحكته العاليه شواربه الخفيفه ولحيته الخفيفه وعيونه العسلي وطوله اذكرت من يصيحلي قزومتي من جان يشيلني على ضهره ويكلي شثكلج شتاكلين من يصيح وينه قزومتي واني اطفر وكله اني هناااا وهو يشبكني ويكلي قزومه تشبهين امي
طلعت ملابسه بيهن ريحته ضليت اسم بيهن ساعاته محابسه طلعت من غرفته رجعت أقره والله احس ضهري نصين صار مدري من الم راسي مدري لأن مدنجه وأقره كمت رحت للمرايه لبست الكلاده صاحتني امي وكلتلي بشي خلاني اصيح وبجي ودك والطم
وهج . .... يتبع
