حسيت ايدي انضربت بقوه بسياره ونلورت لزمت ايدي حيل صارت حمره وتوجعني حيل هو بسرعه نزل طلع قائد لزم ايدي وشافه باوعلي بنضرات غريبه كلش وخر ايدي من أيده هو كلي
قائد . اتاذيتي اني اسف ما منتبه
لمار بالم . لا ابد ما اتاذيت هسه يروح الالم عادي اسف مقبول
قائد . تعالي نروح للدكتور نشوف ايدج
لمار . ماكو داعي
عبدالله . ها وليدي هاي شكو هنا
قائد . ها بويه ضربت ايد الطفله بسياره ومتقبل نشوف الدكتور حتى نشوف أيده
عبدالله . بنيتي تعالي لدكتور
لمار بعصبيه . احترم نفسك شنو طفله الواضح نضرك ضعيف شكرا عمي ماكو داعي
قائد . لديرين وجهج من احاجيج ولج قوله خوثه تعالي هنا شتقصدين اعمى مثلا طبج مرض عساه بلكسر
هو يحجي ويتوعد واني مبتسمه بنصر مدري عليمن وامشي حسيت الرجال لواكف بصفه يهدي اقتعد ابو لان كله بويه ركبت تكسي ورحت للبيت اتلكتني خالتي واختي شلت اختي وبوس بيها هه طلعت نستلايه وطيته اله جان تكلي خالتي
امينه . يمكموعه ما ذكرتيني بجبس بعصير
وهج . يا ههههه يا يا
لمار . باجر انشالله اجيبلج ككو لتخافين
امينه . اذا ما جبتي ازعل وياج جبس هندرين
وهج . ههههههه امينه شوفيلي التمن خاف عجن
امينه . لا ما عجن بس جزر
لمار . ههههههه ومفتخره امينه خانم
امينه . شعبالج لعد
صعدت سبحت وبدأت ملابسي نزلت اتغديت وطلعت لشغلي بلمطعم اشتغل نادله
المدير . نورتي بنتي شو ما جيتي البارحه باباتي
لمار بفرح . عمي والله اول يوم كليه وما جيت
المدير . يله حتى تلبسين الزي وتجين تأكلين يمنه سمج مسكوف
انمار . نورت خيتي
لمار . هلا بخوي عمي بس من يمك هاي الصينيه
المدير . هاج بويه نور رقم طاوله ثمانيه يريدج
نور . لمار اني دسوي العصير ركضيله فدوه
انمار . اني راح اروح بلطاوله شباب كلهم مبينين مو راحه
لمار . ولك دروح راح يضوجون
المدير . بناتي لمار ونور وندى طلعت البيزات من الفرن
ندى . حاضر
هاي سوالفنه بلمطعم مو بس موضفين لا اخوان عمي المدير اسمه حرب هو ما مزوج حب وحده من جان مراهق وتزوجت وحلف ما يزوج واحنه كلنه بناته بحيث مرات نصيحله بويه مطعم فخم وحلو بليل قبل لنروح نرتبه ونصفه ونرجع للبيت خصصولي شغلي الي هو
من الاربعه العشره بليل بسبب كليتي ارجع بثلاثه استراح ورجع للمطعم خلصت فعلا شغلي بلمطعم رجعت للبيت اتعشيت وسبحت حضرت ملابسي ونمت
قائد . ركبت سيارتي وتجهت لباب الكليه طلعت انوب حرت ادور على النضاره شفت اكو ايد انضربت بقوه بسياره نزلت بقلق شي اكيد وحده من الطالبات من شفته لمار مدري شصار بيه لزمت ايده ناعمه حيييل جرت ايده عني وتجادلنه انوب اجع أبويه شيسوي هنا
انوب تكول نضرك ضعيف لا هاي تخبلت اول مره وحده تحجي وياي هيج انوب كدام أبويه اشوفه أبويه كوه كاتم الضحكه انوب دارت ضهره ومشت واني احجي شكد استفزتني رجعت صعدت بسياره وبصفي أبويه حركت السياره وبديت امشي شفتها ركبت تكسي بديت اسوق
بهداوه أبويه كلي
عبدالله . شبيها هاي لبنيه
قائد . طالبه وياي بس لسان
عبدالله . اي شفتها بس حلوه ماشالله
قائد . اي صح
عبدالله . وليدي اشو شفت بعيونك قلق عليها شني الموضوع
قائد . اي موضوع بويه كله بس مرتين شفته
عبدالله . ما قانع بهل موضوع بويه أخذني لخالك مشتاقله
قائد . بويه بما انو انته وخالي اصدقاء ليش منعزمه هو وأمجد
عبدالله . اي شوفلك يوم فارغ بي ونطلع لمطعم لزياره ويانه امك ومرت خالك حتى هم أنته ومجد وهم أنه ومومل
قائد . اي بوين هم صح دقيقه علي يدك عليه ... ها ضلع
علي . ها ضلعي حباب قائد شوف اني بلمركز بس ما جايب الزي مر جيبلي الزي اطريت اجي بدون زي بعد روحي
قائد . اوك
عبدالله . شبي
قائد . ناسي الزي مالته هسه ادك على سيف وخلي يودي اله
اتصلت على سيف وكتله على كال اي رايح رحت وديت أبويه لخالي أبويه وحيد أهله وامي عدها بس اهو واحد الي هو مومل عنده بس ولد واحد امجد اصدقاء طفوله وخالي وابويه هم اصدقاء أبويه من تعرف على خالي شاف امي وبدت قصه حبهم اربع سنوات وأخذه للنهايه
امجد بكدي سته وثلاثين دكتور اسنان دكينه الباب طلعنه خالي شبك أبويه وشبكني نزل امجد وسلم عليه كعدنه نسولف ترخصت وكمت شخطت السياره ورحت للبيت تعبان جسمي يوجعني سبحت ولبست الزي العسكري عدلت نفسي وطلعت لكيت السائق ينتضرني
صعدت ويا واني اعدل بشعري وشوف غراضي . جكايري . جداحتي . مبايلاتي ثنينهن . مفتاح سيارتي ولبيت . نضاراتي . حلو ما ناسي شي باوعتله رجاله تقريبا بكد أبويه
سامر . هلا وليدي
قائد . هلا عمي بس ما عرفتك
سامر . اني سامر عمران سائق جديد
قائد . هلا اني قائد
سامر . هلا بيك بويه
حسيته يتفحصني اباوعله يباوعلي بلمرايه شبي ما ادري وصلت للمركز نزلت وبديت اشتغل تحقيق واوامر بس هاي الطفله مدا تروح من بالي يعني شلون اوخره من بالي مدري اتذكرت السايق صحت عادل ضابط ثقه وياي
عادل . تحياتي سيدي
قائد . اريدك اجيبلي معلومات عن سامر عمران السائق مالتي اريد كلشي عنه
عادل . للخدمه سيدي سامر عمران شنو
قائد . .....
راح واني بقيت الوج بس افكر بلمار شنو القصه مدري تفكيري بيها لبسنه كلامه لسانه عيونه خدوده شفته مشيته صوته ضحكته راح اتخبل شبيه اني انجنيت راح اتخبل كملت شغلي ورجعت اتعشيت وسبحت بدلت لتراك مريح حطيت راسي علمخده دك جهازي هاذا يا سافل دك
قائد . الو
عادل . اعتذر سيدي بس معلومات سامر عمران كله يمي شوكت تحب بشوفه
قائد . باجر جيبلياهن للكليه
عادي . حاضر
... يتبع
