وهج . يمه قررت اطي ملابس ايمن وبيع ساعاته وغرفته
لمار بعصبيه . شنو
وهج. نفس ما سمعتي
لمار بعصبيه وصياح . شلون يطيج كلبج كوليلي بقن بس هنه ذكره منه ونتي تردين تبيعيهن صدك تحجين انتيي
وهج . يمه هاذا الفقر شنسوي
لمار . على جثتي تطلع بجامه مو بجامه شورت من غرفه ايمن والله اكلب البيت على رايكم فتهمتو
رحت لغرفتي ابجي اجت امي تبجي شبكتني كمت بسرعه عجنت مره ثانيه وأمي بدت اتخيط حتى نخلص بسرعه بسرعه غطيت العجين وعفته ساعه لبين ما اطلع القماشات لمي وفعلا منا لليل سوتله ثلاث قماشات سوينه وجبه خبز هم بل 9 يجون ياخذوه شفت ايد امي حمره
طلعت معجون اسنان وحطيت ليده خطيه مجويه نيمت اختي كعدت أقره مرت سنه على هاذا الحال فقر وضيم أما امي باعت ابتوتها بمليونين كما اعيط وشتم وغلط وضرب الحائط بيدي باعتهن لأن دخلتني خصوصي السادس اتقبلت الأمر الواقع بس كرهت كلش نفسي
وفعلا كمت اداوم خارجي ودروس خصوصي بعد بس بكلوريه تعبت على نفسي كلش تعبت وتعبت امي وياي بكلشي درست السادس مرتين خارجي وبلمدرسه اتعذبت عذاب مصائر صار عمري 18 سنه امتحنت سادس بكلوريا طلعت المدل لريده 70 ما تتخيلون الفرحه الي اني بيه
رجعت للبيت اركص وهز اتلكتني امي زعلانه لأن معدلي ناصي بس قنعته اخذتني وشترتلي ملابس اشكال الوان تقريبا اتحسنت حالتنه تقريبا يعني اني مقبلت بس حلفتي بايمن دخلت كليه عسكريه بس اشوف الشهاده اتخيل هم يجي يوم ادخل لمي بزي العسكري
بس ماكو تعيين لأن احنه بلعراق مو بامريكه لو بتركيا
.. نزلت منعس حض حضي مسموط من وره السهر حتى نزلت بشورت حطيت راسي على الطربيزه وغمضت عيوني حسيت واحد كرصني من عضله ايدي كرصه قويه
فتحت عيوني شفته أبويه رفعت راسي الهم اني تباوعلي وابويه هم واني مطفي من النعس
.. صباح الخير
. اقلها البس ياله تنزل اشوكت تكبر ولك
.. بويه تره كبرت مو طفل بهيبتي وتكلي شوكت تكبر بعدين عساس امي ما شايفتي بشورت اصلا البارحه طبتلي واني طالع من الحمام
... انجب ولك سرسري
.. متخافين من الله انتي شوف عبودي هاي جوجو متستحي اكرص اذانه
. ولك انجب كول بويه شنو عبودي جلنار بويه جيبيلنه الجاي وانته البس وطلع للكليه لتضل كاعد وتتكاسل ولعصر اطلع للمركز
.. هسه كلي اشلونه جلسات المحكمه ماشيه تمام
ابو قائد ( عبدالله) . يا تمام بويه هاذا ليبوك وهاذا ليكتل غير الي ينصب على الناس
قائد . بويه اعرفك عادل لا تضلم أحد
جلنار . وهذا الجاي يلوك لهل لحلوك جاي مهيل
قائد . يمه شوكت تبطلين تحركينه
جلنار . نجب لك ازوج وخلي مرتك اسويلك جاي معدل
عبدالله . فعلا شوكت تزوج مو كافي صار عمرك ٣٦
قائد. استغفرالله اشوفلي بنيه صاكه عود وجيكم
عبدالله . هاي تربايتج
جلنار . هاي تربايتك احسن
عبدالله . صوجح دللتي لهل خايس
قائد . تره ساكت اني على البارحه
عبدالله . هاي من وره تربايتج
قائد. اعوذ بالله من بليس يا ربي اني تربيت على ايد ام نورس كل واحد يصيح هاي تربايتك
جلنار . منو ام نورس
قائد. متعرفيه
