لمار . طبيت للكليه تخبل وكفت يم ورده بنفسجيه تموت اوووف تخبل ضليت صافنه عليها ومدري شيدور براسي من أفكار سيئه وافكار حلوه وشراح يصير راح اتعين لو لا لحد ما اجت بنيه مدتلي أيدها
فاطمه . هلاو
لمار . هلاوات
فاطمه. اني فاطمه
لمار . واني لمار
فاطمه . انتي كرديه
لمار . امي كرديه وبويه بغدادي
فاطمه . هههه تخبلين اني امي مصلاويه وبويه بغدادي
لمار . ههه حلو
فاطمه . نصير صديقات
لمار . اي ليش لا تشرفت بيج
منى . هلاو
لمار . هلا
منى . ممكن نتعرف
فاطمه . اني فاطمه علي جابر
لمار . اني لمار سامر عمران
منى . منى سيف حسين
تعرفنه وكعدنه نسولف ونضحك سئلتهن
لمار . بنات هاي الورده راح اشلعها
منى . لا ولج هاي النبته زارعها استاذ قائد يمه بس اذكر اسمه كلبي يوكف
فاطمه. فعلا يخوف
لمار . منو هاذا ستاذ قائد
فاطمه . استاذ كلش عصبي وكلش صارم ولج والله العظيم إذا السنه الي راحت غاب استاذ علي وهو اخذنه بمكانه موتنه شوه على اذاناتنه بصل
منى . كلش صعب
لمار . شعلينه بي
كمنه رحمه للكافتريه اشترينه عصاير نمشي ونضحك ونسولف اخذنه صور بعدين كالو راح يلقون كلمه وقوانين هاي الكليه رحنه كدامنه مسرح كلش جبير وعالي وكفت الكليه كلها كدام هاذا المسرح طلع نفس الولد الي صحت بوجه عززه بس لا هاذا العميد من هسه انفصلت بعد
قائد . شربت الكهوه وقريت الكلمه حفضتها والقوانين نفسهن كل سنه عدلت ملابسي ساعتي وقميصي راح يكون واكف يمي العميد وكم استاذ مهمين وكفت على المنصه ولقيت الكلمه بكل صوت عالي وخشن وحجيت القوانين وحذرتهم نزلنه رحنه للمكتب مالت العميد
كلنه حسب طلبه وكف
العميد جبل . بويه قائد عليك قاعه B وسيف A وعليG
كل واحد اطا قاعته رحت القاعه بي هاي القاعه بس نتعرف بيها مستحيل ندرب بيها هم رحت القاعه هوسه كل عاده عصبت كلش طبيتلهم
قائد بعصبيه . صف اول ابتدائي احنه وهيج هوسه متستحون صرتو كليه عيب عليكم هاي التصرفات ولي ميعجبه يطلع بره الباب يوسع جمل فتهمتو
كلها خنست وصار هدوء كومت اول وحده اريد اعرف اسمائهن وفعلا صارن يكللي أسمائهم الكامله وصلت لهاي لبنيه لك هلا يعني اني ادربه يعني أمره بيدي حسيت لحيتي وخزرته اشوف هاي رفعتلي حاجب اني هنا من صدمتي كتله كعدي
لمار بنرفزه . ما عرفت عن نفسي حتى اكعد
قائد . عرفي
لمار . اسمي لمار سامر عمران
قائد . ما كتلج اكعدي
لمار . ها يعني اضل واكفه
قائد . استغفرالله كعدي
كعدت وهيه تبتسم اله اندمج هاي ابتسامتج كملو أسمائهم
قائد . اني الاستاذ قائد اني الي راح ادربكم وعندي قوانين سمعوني زين .
اولا . التخير خمس دقائق عن التدريب عليها عقاب وكلش شديد
ثانيا . الي يطنش تدريباتي حيكون مستقبله بلبيت
ثالثا. الي ترفع صوته على وحده من الطالبات لو من الطلاب علي استدعاء ولي أمر اي احد يصيح عليج لو يتحرش بيج اني هنا أخذ حقج
