#فراقد حسن علي.......
#ألحلقة السادسة .........(بارت مفاجأة 🌷)
#بنات سهر..................
÷÷÷÷÷÷÷÷÷÷÷÷÷÷÷÷÷÷÷راحو ماخذوني هلي ويمكن نسوني
بعدهم يتموني وانا صغيرة على همييتيمه والضيع اهله تجي الوادم تذله
وانا الربوني عله عافوني على موتي ......
=========================توضيح / مسرة البنت الكبيرة ألأرمله
أساور بعدها أم رجل المضروبه
سوار صغيرة أم عيون حلوه تك وتكأستلموا ألمنحنى والصدمة 👇👇👇👇
÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷مسرة/ ثاني يوم
كعدت بالكوة ارفع راسي من المخدة
راسي مصدوع من كثر ما بجيت
وغثني كلام عمنا حاتم
والله ماافتهمت شنو مقصد كلامه
وليش هيج حاجاني وحرجني
وهم رجع يحجي على ماماوسوار لكيتها تفتر رحايتها توجعها تصل عليها
صارلها بالاسبوعين ماأذيتها
وماما بوكتها أخذتها للمركز الصحي
سوتلها دكتوره حشوة مؤقتهسوار / كعدت الصبح رحايتي توجعني
تنهش بروحي من الوجع ،
بقيت بدون اكل وشرب
تصل عليه كلش توجعني
كمت ادور حب وجع راس لو حب مهدئ
خالتي أنطتني حب وجع راس شربت أثنين
وبقيت أتمضمض بمي دافي وملح
بلكت يخف وجعهاللظهر شو بيت خالتي أنخبصوا
واكو بنيه اسمها نهى بتهم
ورجلها أسمه وميض يمكن متعرض الحادث
مااعرف مدعوم بدراجة
وخالتي أنقهرت عليه وبقت تدعي الهم بالخيرمنتصر اخذ همام ولمى وبنته تبارك وحسين
وراح لبيت عيال أخته ،
هم بالأصل بيت خالهمخالتي تكول / خطية نهى حامل
واخاف عليها من الهبطهوهي ما كدرت تروح علمودنا
تخاف لا يطلعنا واحد يهجم علينا ويكتلناخالتي وخواتي تغدن سويه
خالتي فد مراه حبابة وطيبه صدك تخاف علينا
شكد بقت تتوسل بيه اكل
كتلها / مااكدر رحايتي يصل وجعها براسيعاد هي كالت/ بلكت العصر لو باجر
اخذج لعيادة الأسنانأساور مااعرف شبيها الليل كله بقت مصخنه
وتشتكي من رجلها، مسرة حارت بيها
هسة بس تغدن أثنينهن غفن على سرير خالتيوهي خالتي اتمددت بالكاع
كالت / ضغطي وسكري مرتفعات
منين أتلكاها شو طلايب كامت تمطر على راسي
الله يستر من تاليو أني مددت يم خواتي بس ما كدرت اغفى
هنا دكت باب الغرفة هي مفتوحه
ودخل طارق مبدل وكاشخ
كال / يوم اني طالع لا يظل بالج خاف اتأخر
هي بس كالتله / الله يهديكمااعرف شكد مر من الوكت
يمكن ساعة اقل او أكثر
كلش جعت ، كمت للمطبخ
تورطت اكلت شويه تمن ومركه
وهي رحايتي أنتقمت مني
أنت تقرأ
بنات سهر
ChickLitألبنات نعمةٌ من نعم الجنَّة ،، ورداءُ رحمة للحياة ،، ونسمة رقيقة تلامس الرُّوح ،، فَـ هنيئًا لمن رُزق بالبنات ،،