#فراقد-حسن-علي........
#ألحلقة-العاشرة ........(بارت هديه لكل الحبايب 🌹)
#بنات-سهر ................
÷÷÷÷÷÷÷÷÷÷÷÷÷÷÷÷÷أختي أحبك بحجم نقاؤك وصفاؤك
بحجم تلك المشكلات التي تذهبيها عني
احبك بحجم تلك الابتسامة التي ترسميها
على وجهي حين حزني
أللهم أحفظلي أخواتي وأخوات ألناس أجمعين
÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷أساور/ من عقدت بيت عمنا حاتم
وهم نفس صيغة عقد مسرة
وهم مهري المقدم ٣ مليون
وألمؤخر ٣ مليونومن رجعنا بيت منتصر
مازن أجى بليل ورادني أكعد وياه
دز عليه سهى كايللها / عندي موضوع مهم وياهمبس أني ما طلعت عليه
اول شي أستحي من عنده
وثاني شي أخجل من بيت خالتي أكعد وياه
واسولف ،،عيب من منتصر وهمام
عاد هو بقى كاعد بالصالة يم الولد
وتعشه وراحسهى ولمى وحتى خالتي بقن يلومن بيه
ليش ما رحتي وليش ما شفتي شيريد منج
واني بس أكلهن / أستحي من عنده
وهن لطشن يكولون /ليش تستحين وبعد صار رجلجعدت الايام بس تمشي علينا بثكل
يعني كلشي غريب علينا
وناس ما نعرف أطباعهم
صح من رجعنا بيت منتصر محد ضوجنه
بس أني شخصياً أحس نفسي ثكيله عليهموالله كمت أذب نفسي على شغل البيت
اكول حتى ماتضوج خالتي لو لمى
وهن أمانه الله ما يرضن نشتغل لو نتعب
بس بعد الواحد من يبقى ياخذ على نفسه
حتى النظره العاديه يحسبلها الف حسابمازن بقى يروح ويرجع لبيت منتصر
بس أبد ما كعدت وياه لوحدنا
صح نكعد كل أحنا بالصالة
من يجي هو لو حيدر
لو يجن نسوان اقربائنا المانعرفهم
وكل ماارفع راسي ألكاه يباوع عليه
حتى مرات من يجي بالنهار وأني أشتغل
أصيدة بالصدفة الكاه يراقبنيكمت اضوج من هاي نظراته ومراقبته
وشتكيت عليه يم مسرة كتلها / تكول الخالتي
تطرده بعد لا يجي ؟!كالت/ عيب هيج تحجين هذا رجلج
احترامه من احترامج ممنوع تحجين عليه
لو تنطين بي كدام كائن من يكون
عاد خليت وسكتتومشت الايام وكل المر علينا بجهه
وسوار بجهه
خبلتنا أني ومسره حرنا وياها
عزلت روحها ، وبس تبجي
ومتقبل تاكل ،
وتنام عكسنا وتكعد عكسنا
وتخاف وتكوم ترجف بس تسمع بااسم طارق
هو اصلا ماموجود ملتحق بالعسكريه
بس يخابر على خالتي مجرد مايكولون طارق اتصل
هي تنهزم وتختل بالغرفة
شكد خالتي ولمى يحجن وياها
ماتسمع منهن الحجي
تكول عليه / وحش يخوفني مااحبههنا مر على وجودنا بيت منتصر
بعد ما عقدنا أسبوعين تقريبا او أكثرمنتصر حاير بروحه صحته تعبانه
خطيه صدره متنك وهوايه يكح
بلعومه ينشحط من الكحة
وهو بطبعه يتخبل من مراجعة الطبيب
وشرب العلاج،،
أنت تقرأ
بنات سهر
ChickLitألبنات نعمةٌ من نعم الجنَّة ،، ورداءُ رحمة للحياة ،، ونسمة رقيقة تلامس الرُّوح ،، فَـ هنيئًا لمن رُزق بالبنات ،،