#فراقد-حسن-علي...........
#ألحلقة-الرابعة-عشر....(صباح العافية )
#بنات-سهر ....................
÷÷÷÷÷÷÷÷÷÷÷÷÷÷÷÷÷÷
يااااا الكاظم مهضومه وأريد أجيك
أريد أنخاك وكلك كلهم ولوني
لالي ولي بهل دار .......
ويمكن هلي نسوني ........
==============
مسرة / أني الصفنت بوجهه منتصر
وكتله / الظهر من جنه وحدنا بغرفة لمى
والصار بيناتنه ميخلك تأخذ عني نظرة مو زينه
لان بعد ما صار العرس ؟؟
بس شنو اعتعت ساعه يلا اطلع الكلمة
معت من الخجل
وانوب هو مركز ويايه من كل خاطره
هو شلون الواحد الاحتار وبقى ساكت
كال بعد فتره هدوء / تكدرين توضحيلي شنوقصدج ؟؟
ترى والعباس أنسطرت من كلامج
يعني تقصدين لان كتلج ساهرة مرتي
وأنتي تهسترتي ولميتي عليه البيت
وصارت هوسه بسبب هذا الموضوع !!!!!
أني الدخت و جاوبته باأستغراب /
أني السويت هوسه ولميت عليك البيت ؟؟
مد أيده وخلاها على كصتي وكال /
الحمد لله ماعندج هسه صخونه
عبالي تهذرين ،
شنو متذكرين شسويتي بيه ؟؟
جاوبته/ لا والله مااعرف
جاوبني / كمتي تعيطين اطلع بره ما اطلع بره
وكمتي تلطمين على وجهج
أريد الزمج بعد مااكدر اسيطر عليج
وحاتم كسر الباب علينا عباله كتلتج
انشلشت فتحت الباب ورجعت كمشتج
وهو حاتم هم كمشج وقيدج ويايه
حيدر بس شافج كال / حاله هستيريا
نتيجة ضغط نفسي ،
هسه اجيبلها أبره مسكنه
بين مراح حيدر ورجع علينا
ساهرة ولمى وأختج أساور
هن القيدنج ولمنج بحظنهن
والمصيبه بالكوة كمشناج
يلا كدر حيدر يضربج الابره
بعدها شويه يلا سكنتي
ونمتي بحظن أختج أساور
وبس تكولين/ بارده غطوني
عاد من أطمئنيت عليج صرتي أحسن ونمتي....
أخذت اختج سوار والحجية وديتهن للدكتوره
تعرفين بعد بسوالف النسوان
ومن رجعتهن طلعت بوجهي لبيت عمي جابر
ومن حظج الحلو نسيت جهازي بالسيارة
لكيت طارق حاركني من الاتصالات
ومن اتصلت عليه كالي جابج للمستشفى
بوجهي أجيتج
غير هذا الشي ما صار بعد شي !!
يالله بقيت صافنه بوجهه ودخت
زين هاي اللحظات الصارت
مستحيل تكون حلم
مستحيل تكون وهم
والله حسيت بيها
شنو الموضوع شصار ويايه
والله دخت من كثر التفكير
أنوب أستحي أساله
شريد اكله انت بوستني لو لا ؟؟
بقيت صافنه وساكته
يعني لحد ماوصلنا لا اني بعد حجت شي
ولا هو حجى شي ،
وأنوب شكله مكلوب هواية ضايج
من وصلنا للبيت سندني ونزلني من السياره
لان عاليه وما عندي قوة اتحرك
بس اني استحيت من عنده
رحت امشي وحدي لداخل البيت
لحد ما تلكتني أساور وسوار
خايفات عليه
أنت تقرأ
بنات سهر
ChickLitألبنات نعمةٌ من نعم الجنَّة ،، ورداءُ رحمة للحياة ،، ونسمة رقيقة تلامس الرُّوح ،، فَـ هنيئًا لمن رُزق بالبنات ،،
