اغتصاب انقذ حياتي

اغتصاب انقذ حياتي ~ الحلقه 5

اغتصاب_انقذ_حياتي 5

(حقيقيه)
هبه:قعمزت جنبه وقويت روحي وتكلمت ...راكان
راكان:بدون مايشوفلها...نعم
هبه:عارفه اني مثقله عليك في كل شي بس نبي منك طلب وياريت ماتردنيش ووعد مش راح نطلب ولا شي تاني
راكان:نسمع فيك شنو طلبك؟
هبه:نبي نكلم اختي سهيله يعني نتصل بيها ونطمنها اني وصلت خليتها مشغووله عليا
راكان:يغير في قنوات التلفزيون....واتصلي بيها وين المشكله؟
هبه:بنستأذن نكلمها من تلفونك لانه انا ماعنديش تلفون
راكان:وين خلتيه تلفونك؟
هبه؛لا ماعمريش درت تلفون انا
راكان:ناض للحمام...تلقي تلفوني ع البار كلميها ورجعيه لمكانه
هبه:فررحت..تمام
راكان:خذي حوايجه وخش للحمام ايدوش

ترن ترن ترن
سهيله:😳😳يا عمررر عمررر
عمر(راجلها):نعم
سهيله:تعالي شوف تلفوني
عمر:شن فيه
سهيله:يشرين لكن مش طالع رقم مكتوب غير معروف
عمر:😳شفرة ثريه هادي ...هاتي جاي نرد

هبه:الو
عمر:تفضلي منو
هبه:انا هبه ياعمر كيف الحال
عمر:ااه اهلين هبه الحمد الله كيف حالك انتي
هبه:بخير سهيله جنبك
عمر:اي لحظات ....هاك اختك

سهيله:ايوا هبوش😳
هبه:هلا سولتي انا كيف وصلت
سهيله:باهي كويس شنو الوضع عندك طمنيني
هبه:كله تمام عنده اخت واخ زي العسل ماشاء الله بس حسيت امه واعره شوي
سهيله:باهي المهم ماتطلعش العيبه منك وديري بالك ع روحك
هبه:اكيد ان شاء الله المهم لما تتلاقي مع مسره طمنيها عليا
سهيله:تمام ان شاء الله بين الفتره والتانيه كلميني
هبه:نحاول يلا سلام توا
سهيله:سلام
هبه:سكرت الخط
سهيله:نسيت ماقتلهاش ع قصة الرقم يلي ماطلعليش🤭

هبه:رديت التلفون في مكانه وقعدت واقفه ماعرفتش انا وين بنرقد وراكان وين ؟قعدت ماشيه جايه حايره شنو ندير لين سمعت صوت باب الحمام فتح وطلع لابس سروال توته وكناتيرا اااااه ياقلبي ع الجماال ❤️

راكان:خش للصاله وقام الصالون فتحه وقعد يساوي فيه لين راح زي السرير
هبه:اول مره نشوف صالونات هكي قعدت فاتحه فمي زي الهبله😂
راكان:مشي لدار النوم جاب غطاء وبطانيه وقعمز يحط تلفونه في الشحن
هبه؛اححم ااء انا وين نرقد
راكان:يشوف لتلفونه ...خليك في دار النوم
هبه:تت تمام تصبح ع خير
راكان:ساكت
هبه:مشيت للدار وانا متنرفزه منه مايردش عليا كان قتله صحيت او تصبح ع خير او حتي صباح الخير خيره هاذا 😤...المهم حطيت راسي ع المخده ومن كثر التعب خذاااااني النوم طول
.
.

هدى:باهي شنو يا امي توا؟كيف بتعرفيها علي عيلتنا خالاتنا وعماتنا وجيرانا كيف؟
صبريه:راكان مش غريب عليهم بتصرفاته المجنونه راح نقولو ان تزوجها في غريان قبل 4شهور وتوا حامل جابها هنايا
هدى:باهي شن رايك نديرو عزومهً خفيفه غدوا متاع عشي عشان يتعرفو عليها وخلاص معاش تبدا غريبه
صبريه:اي كنت نفكر فيها تو غدوا ان شاء الله نكلمهم عشان يجو
هدى:وهيا تبتسم....كلمي حتي خالتي هنيه☺️
صبريه:نوضي اقلبي وجهك من قدامي
هدى:علاش يما شن قلت اني 😟
صبريه:الف مره قتلك ولد هنيه طلعيه من راسك
هدى:حطت المخده وهيا متكنطياااا....تصبحي ع خير
صبريه:وانتي من اهل الخير 😏