اغتصاب انقذ حياتي

اغتصاب انقذ حياتي ~ الحلقه 3

اغتصاب_انقذ_حياتي 3

راكان:قعمز ع السرير وعيونه لوطا يفكر
فجأة تجيه هبه تبكي وتحاول تبوسله ايديه ورجليه وتترجى فيه
هبه:بالله عليك😭😭😭😭ورااااس من عندك غالي ماتقوليش نزلي يلي في بطنك والله مانقدر نقتل قطعه مني وربي كل شي مني صار بدون قصد مانعرفش علاش اتزوجتني لكن بالله عليك نترجاك
راكان:وقف وهوا يتنهد وهبه طايحه وتبكي وتترجى فيه
هبه:بالله عليك مستعده نقعد خدامه طوووول عمري تحت رجليك😭
راكان :اسمعي يابنت الناس
هبه:انتبهت ومسحت دموعها
راكان:انا لا نعرفك ولا تعرفيني ومهما كنت انسان قاسي وظالم مستحيل ندير شي زي هادا في النهايه هاذي روح
هبه:ريحلي قلبي وقولي ليش تزوجتني بالله عليك
راكان:مش رح نكدب عليك ..تزوجتك عشان شوية اوراق من المحكمه لازم نكون متزوج وعندي ع الاقل طفل واحد باش يمشي الحال المهم توا ديري بالك علي روحك وع يلي في بطنك كويس تحتاجي شي قوليلي مش رح نقص عليك ولا حاجه لكن شرطي انك ماتدخليش في حياتي وماتسأليش علي شي نهائي بنقعدوا اسبوع هنايا في غريان عشان تخف اثار الضرب يلي علي وجهك وبعدين نمشو لطرابلس وين مافي حوش اهلي وباذن الله رح تكوني مرتاحه
هبه:مصدووومه عقلها وقف مش فاهمه شي اثار الصدمه ع وجهها لدرجه مش قادره ترمش ....يعني مش رح يكون في ضرب ولا معامله مش كويسه ؟!
راكان :تحرك من مكانه ونحا الجاكيت ويعلق فيه...وليش الضرب يعني ؟!
هبه:بعدين شنو رح يصير فيا بعد مايمشو اوراقك حتي اهلي توا معادش يتقبلوني
راكان :تلفتلها وقايم حاجبه....وهاذا اول شرط خالفتيه وسألتي وادخلتي في حياتي
هبه:جسمي رعش مع بعضه من نضرته ليا تخوف شخصيته كانت قويه لدرجة مش طبيعيه
راكان:بس لان السؤال هاذا من حقك رح نجاوبك ...بمجرد ماتمشي الاوراق تمام حتعيشي في حوش ملكك وين ماتبي غريان طرابلس اي مكان ورح يكون ليك راتب شهري وانتي في حوشك ومصاريف ولدك ماتخمميش فيهم وبهكي تكوني نفذتي من الموت ونفذتي ولدك معاك وقدرتي تأمنيله مستقبله
هبه:قعدت ساكته وعيوني معلقات فيه بس
راكان:اول مانوصلو لطرابلس مانبيش اسئله مهما شفتي ومهما سمعتي المهم تقعد صحتك تمام وماينقصكش شي خليك في حالك وحياتك وبس
هبه:هزت براسها وتشبحله
راكان:نحا سلاحه حطه علي جنب السرير وقعد ينحي في ساعته ....وطبعا ماتخافيش اهلي ناس طيبين وباذن الله رح يعاملوك كويس
هبه:قلبي كأنه جمممممره وانصبت عليه ميه بارده اول مره حظي يحالفني في موضوع زي هاذا حسيته ولد حلال شن مازال نبي مدام رح يعاملني كويس اهم شي بدون ضرب ولا اهانه
راكان:ارتاحي وانا طالع تو نرجع في الليل ماتستنينيش
هبه:ح ححاضر
راكان طلع من الغرفه
هبه:نضت قعمزت ع السرير قلبي مرتاح وعقلي بيتفجررررر من الاسئله ياربي ولد في عز شبابه وزي الغزاااااال تبارك الرحمن اوراق شنو يلي لازم يكون متزوج ع خاطرهم وغير هكي شنو الشي يلي راح نشوفه ومايبينيش نسأل عليه ...مع كلللللل الاسئله هاذي عيوني شافاته رااااجل❤️كيف احترمني وقدرني حتى لو كان علي حساب مصلحته
.
.
حاتم:شن بنقولو للناس يابوي
لطفي:سفرناها تتعالج بعدين تزوجت من غادي الغادي
عبد المعطي:العيله بتاكل وجوهنا يا بوي مع منو سافرت ؟
لطفي:دبرو اي كذبه انا راجل كبير ومعاش نتحمل راهو