اغتصاب انقذ حياتي

اغتصاب انقذ حياتي ~ الحلقه 7

#اغتصاب انقذ حياتي الحلقة 7

هبه:ركبت للشقه وكانت فاضيه عرفت ان راكان ماهناش جيت بنخش لدار النوم لكن لمحت كاغط متاع حلوه تحت باب الدار يلي منبهني راكان اني مانفتحهاش ضربني الفضووول شفت لبيبان الخوش لقيتهم زي بعض مشيت خذيت مفتاح دار النوم وركبته في باب الدار يلي مصكره فتحت الطقه الاولى ولما جيت بنفتح الباب جبدني راكان من يدي وانا خلاااااااااااص قلبي قريب طااااح
راكان؛😡😡😡😡شن منبهككككك اناا ااه
هبه:مصدومه وقلبها بيطلع
راكان:مقرب عليها هلباا و شادها من يدها ويخض فيها...تكلمممممممي شن منبهك انا
هبه:بدو دموعها ينزلو...اس اس اسفه سامحني😭
راكان:ضاغط ع يدها بالقووووه...وربي مازاال تجي جيهتها الدار هادي ماتشوفي خير فااااااهمه 😡
هبه:تبكي رر ر راكان وجعتني😢
راكان:انتبه انه قريب يكسر يد هبه طلقها ووخر من عليها
هبه:تلمس في يدها وتتوجع
راكان:فتح باب الدار المسكره وهبه في صدددددددمه
هبه:شفت للدار وكان ديكورها متاع صغار و واضح انها كانت دار بيبي فيها سرير صغيرون والعاب بس كانت كلها غبره قعدت نشبح وانا مش فاهمه شي
راكان:بخيبة امل💔...مش تبي تشوفي شن فيه؟شوووفي اهو قدامك
هبه:شش شنو هاذا
راكان:سكر عيونه وتنفس بعمق....دار ولدي انس الله يرحمه توفى وهو عمره 3سنين
هبه:مصدووووومه 😨😨😨😨لسانها ارتبط وتشوف ومش مصدقه
راكان:تلفت وجي بيطلع بس وقف لما سألته هبه
هبه:وامه وين؟
راكان:بدون مايتلفتلها ...ماتت حتي هيا ....وطلع
هبه:طحت ع طولي وبديت نبكي 😭😭😭😭😭😭عرفت سبب تصرفاته عرفت انه مش انسان واعر بالعكس انسان مجرووووح وهلبا💔بكيت بكيت لين قريب نقطع عليا النفس

راكان:طلع وهوا والع وقلبه تجدد جرحه لما فتح الدار يلي كانت مسكره سنه كامله 💔
طه:نطلعوا معاك راكان؟
راكان:خلوني بروحي تو نرجع ...وولع السياره وطلع جري
طه:اتصلو برضوان خبروه اكيد صاير شي مع راكان
.
.

هبه:لملمت روحي من ع الارض غسلت وجهي ولبست قفطان حوش خفيف وقمت شعري وخشيت للدار يلي كانت مسكره فتحت روشنها ونظفتها من الغبره وكنستها ولمعتها ورتبتها وبخرتها  وفتحت الباب علي وسعه عشان لما يجي راكان يشوفها مرتبه مش مسكره ومعبيه عنكبوت بعد ماكملت نزلت عشان نفهم القصه من هدي

رضوان:تي ككككيف طلع بروحه
طه:هوا قال محدش يلحقني
رضوان:انت عارف يا طه انه مطلوب ويراقبو فيه ويستنوه غير امتي يطلع بروحه
طه:اسف رضوان بس راح نكلم احمد يجي عشان نلقوه بالGBS متاع السياره
رضوان:اول مايطلع عندكم الموقع قولي

راكان:كان مقعمزفي الميدان (او مايعرف بالساحه الخضراء)ويتفرج ع الحمام وذكريات حياته فاتت شريط قدامه قاطع ذكرياته صوت راجل قعمز جنبه

شاب مجهول:اخيرا حصلناك بروحك؟
راكان:شبحله وبعدين رجع شاف للحمام...شن تبي ومنو باعتك
شاب مجهول:يسلم عليك مصطفى اغا ..وقالك في كم بضاعه نبيها تتسلحب بدون علم حد وانت اكيد بمعارفك تقدر تفيدنا
راكان:حط ايديه في جيوبه...ومافيش حد قال لمصطفى اغا انه انا بطلت الشغل هاذا ليا سنه مسكره
شاب مجهول:ههههه اي اكيد عندنا علم بس انت عارف الاغا مافيش حد يرفضله طلب ومانخلقش يلي يرفضله طلب
راكان:شبحله وهوا قايم حاجبه...نخلق ويتنفس وياكل ويشرب واهو مقعمز جنبك
شاب مجهول:ناض وقف قدام راكان وقام الجاكيت و ورااله سلاحه.....اخر كلام عندك،؟
راكان:ضحك بهزوه ...طير من هنايا توا خير مانوريلك الحزام الناسف يلي لابسه ونفجر روحي اني وياك
شاب مجهول:نزل جاكيته وجاي بيمشي
راكان:اسمع
شاب مجهول:تلفت
راكان:ياريت تخلوني عاقل وهادي وربي مايوريكم شري
شاب مجهول:سمع الكلمتين هادم ومشي لسيارته