اغتصاب انقذ حياتي

اغتصاب انقذ حياتي ~ الحلقه 8

#اغتصاب_انقذ_حياتي 8

هبه:عجبني موقفك اليوم كيف خليت بنت عمك تقعد بالرغم يلي داره عمك الله يرحمه
راكان:يقلب في محطات التلفزيون...ماعندكش شغل تاني غير تراقبيني
هبه:سكتت شويه وبتردد ...راكان
راكان:ها
هبه:في موضوع هكي بنحكي فيه معاك ونبي رايك
راكان:حط ريموت التلفزيون ع الطاوله وربع ايديه بس عيونه قاعدات ع التلفزيون...لو الموضوع يخصني والا يخص حاجه في حياتي ياريت تنوضي ترقدي احسن
هبه:لا مش انت
راكان:مسح وجه بإيديه...احكي
هبه:اختي الصغيره مسره الخميس الجاي حفلتها ومانعرفش لو تقدر ترفعني ليها الصراحه ليا توا 4شهور معاك وماشفتهاش بكل ونبي نشوفها في عرسها ❤️
راكان:نزل عيونه وقعد ساكت
هبه:انا مقدره كل شي ادير فيه ع خاطري بس هاذي اختي وماعنديش غيرها بعد ماما الله يرحمها واختي الكبيره
راكان:ساكت
هبه:شوف....عادي لو ماتقدرش او ماتبيش يكفي انك خذيتلي تلفون تو نتصل بيها ون....
راكان:يوم الاربعاء وتي روحك نمشو نباتو في فندق والجمعه نروحو هكي تكوني حضرتي عرس اختك
هبه:ياحليلي منننننك😍😍😍والله انت تجنن هي
راكان:شافلها وهوا قايم حاجبه وقلب عيونه وشاف للتلفزيون
هبه:ناضت للدار تجري فرحانه واتصلت بسهيله قالتلها

هدى:تعلق في حوايج شهد في الدولاب وشهد راقده ع السرير وتهدرز عليها
شهد:ياربي والله ملينا من القطيعه ياريت بعد تروح ماما وتوقف ع رجليها يرجعو عمامي زي ماكانو معانا
هدى:ماتخافيش مدام راكان استقبلكم وعارف انتي وخوك مادخلكمش معناها راح يديرلكم حل اطمني
شهد:اااه من ها الراكان رغم انه صعب ويخوف لكن عاادل مافيش منه الحق
رضوان:وقف قدام الباب...هدى تعالي
شهد؛مش زي الجربوع هاذا 😒
رضوان:سكري فمك خير مانخش نعجنك ..مرض عليك شكالات😡
شهد:متكيه ع السرير وترقص في حواجبها...المهم قعدت وانكسرت كلمتك 😏
رضوان:خش بيضربها لكن شداته هدى
هدى:اهدااا رضوان فكنا من المشاكل عااد
رضوان:😡وتيلي حوايج الجمعه من اليوم غدوا طالع من الساعه8
هدى؛حاضر
رضوان:طلع وسكر الباب
شهد:فشك😒
هدى:ربي يهديكم الزوز قاعدين زي قبل فااار وقطوس

شهد مواليد98 مواصفاتها بيضا شعرها قصير واسود عيونها ع الاسود الداااكن قنينه❤️لكن مستفزه واعصابها بااااارده ولسانها طويل بشكككل
.
.

هبه:كملت مكالمتي مع سهيله وجيت بنحط تلفوني في الشحن لقيت حاجات راكان ع الطاوله خاتمه وساعته وبطاقته الشخصيه خذيت الساعه شميتها ...اااااه ياناس حتى من الساعه عالقه فيها ريحته😍🤤بعدين خذيت البطاقه متاعه نتفرج ع صورته لفتني تاريخ ميلاده😳😳مزال3ايام علي عيد ميلاد راكان 🤔زعما شنو انديرله خايفه انديرله عيد ميلاد ويصدني وحتي لو درتله شنو نهديله؟؟!افففف احسن شي غدوا نستفسر من هدى ونفهم منها

في الصاله صبريه وشهد وهدى مقعمزي يشربو في الشاهي :-
صبريه:وين مشت بعدين
شهد:طيح سعدها ولت لراجلها عليك قهره
هدى:قصري لسانك ياحي عليك😂
رضوان:امي انا طالع غدوا باهي من8
شهد:خوك من بكري نسمع فيه بيطلع من الساعه8خيره فرحان شكله اول مره ينوض بكري😂
رضوان:شد المزهريه وجي بيحدفها علي شهد
صبريه:رضوااااان 😡
رضوان:ماتسمعيش فيها الخرا هيااا شنو تنبح
صبريه:تحشم انت وياها كبار راكم معاش زي قبل صغار وتتعاركو من اليوم نسمع منك كلمه انت وياها تشوووفو
شهد:تاكل في الفوشار...باهي😒
رضوان:مهم قتلك باش ماتنشغليش عليا غدوا
صبريه:ربي معاك ..يالله تصبحو ع خير
كلهم:وانتي من اهل الخير
صبريه:ناضت وهيا اطق بعكوزها