اغتصاب انقذ حياتي

اغتصاب انقذ حياتي ~ الحلقه 4

اغتصاب_انقذ_حياتي 4

(حقيقيه)
بعد ماكمل الاسبوع جي وقت نمشو لطرابلس وتيت حوايجي وطلعت انا وراكان وخوفي كان شنو يستنا فيا غادي؟؟؟؟وليش راكان قالي اي حاجه تشوفيها ماتسأليش عليها؟.

هبه:ركبت السياره ومشينا وانا عقلي مش معاااي بكل ساارحه لين فقت علي روحي راكان ينادي فيا
راكان:هبه
هبه:اها😳
راكان:انزلي سلمي علي عيلتك وجيبي جواز السفر متاعك
هبه:لقيت روحي قدام حوشنا نزلت بدون مانرد عليه ولا نسأله ليش يبي الجواز؟خشيت للحوش لقيت بوي مقعمز قدام الباب الداخلي ويشرب في الشاهي لما شافني وقف
هبه:ودموعها في عيونها....بوي سامحني 😭بالله عليك
لطفي:انتي شن جابك اهنايا
هبه:بناخذ جواز سفري وبنمشي لطرابلس مع راكان ...سألتك بامي الغاليه الله يرحمها تسامحني مانبيش نمشي وانت مش راضي عليا😭💔....وجت تبوسله في ايده
لطفي:بدون مايشوفلها....مسامحه دنيا واخره اهم شي صوني راجلك
هبه:رررررردت فيا الروح وقعدت نبكي من فرحتي وجت مسره فرررحت بيا هلباااا حضنتني وخشيت معاها

راكان:طلع من جيب السياره صوره وقعد يشبحلها وسرررح لين جاه اتصال قاطعه
ترن ترن ترن
راكان:ايوا
رضوان:ها وين؟
راكان:شويه وطالعين
رضوان:تمام اول ماتوصل للشيل متاع السيمافرو الاول تلقى سياره متشي تستنى فيك بدل السيارات
راكان:تمام وشوفلي سياره تانيه اول مانخش طرابلس بنعاود نبدل السيارات
رضوان:تي امورك طيبه في طرابلس غير اوصل
راكان:الامور طيبه في كل مكان لكن الحذر مليح
رضوان:تمام دير بالك وخلي طه وراك
راكان:ميه ميه

مسره:تعرفي هادا وين استريحت الحمد الله لما شفتك مرتاحه مع راكان
هبه:الحمد الله خليني توا نمشي وتو ندبر كيف نتصل بسهيله من اي رقم ونقوللها اطمنك عليا
مسره:ان شاء الله ديري بالك ع روحك
هبه:انتي يلي ديري بالك
مسره:حضنت هبه وبعدين عطتها جوازها وباقي حوايجها واغراضها كلها وطلعت
.
.

هبه:فتحت باب  السياره الخلفي حطيت شنطي وبعدها ركبت  وانا نمسح في دموعي
راكان:بدون مايشبحلها....كملتي؟
هبه:اي تمام
راكان:ولع السياره وطلع ...وهوا يسوق ولع المسجل وحط ع القرآن وكمل سواقه
هبه:تفاجأت منه كيف ولع قرآن اغلب شباب ها الايام يفتحو في اغاني ...اتكت علي باب السياره وعيوني في الروشن وسرررحت سبحان الله ربي كيف حلها في يومين يعني خلاص كنت رح نموت مافيش ولا اي حل لمشكلتي سبحان الله قدرة ربي يمكن طلعني منها لانه عارفني مظلومه وما ليا اي ذنب في شي 💔...حطيت يدي علي بطني وابتسمت وانا نقول في خاطري باذن الله رح نتحدى كل شي ورح نخلي روحي قويه ع خاطر البيبي يلي في بطني وحندير كلللل شي نقدر عليه باش نحميه ومايعيشش يلي عشته انا 💔حاولت نقوي روحي بس ها الشي مايمنعش اني نخاف من يلي مستنيني في طرابلس بعدين جت عيني علي راكان ❤️يلي كانت ملامحه كلها رجوليه صح مايكلمش فيا الا للضروره ولا عمره شافلي في عيوني ولا قام عيونه فيا بس صراحه حاسه بالامان معاه لدررررجه قعدت نشوف في خيوط الشمس يلي نازله علي شعره العسلي ولحيته البنيه وعاكسه علي لون عيونه❤️دعيتله في قلبي ربي يحفظه ويحميه من كل شر✨