قصة احببت محتالة (بدارجة المغربية قصيرة و كاملة و جريئة +18 )

💋4💋

ﺍﻧﺎ : ﺍﻭﻳﻠﻴﻲ ﺍﺵ ﻛﺘﺨﺮﺑﻖ
ﺳﻴﻤﻮ : ﻭﺷﻨﻮ ﻏﻨﺒﻘﺎ ﻧﺘﻜﺮﻓﺲ ﻫﻨﺎ ﻭ ﻣﺎﺟﻤﻊ ﺣﺘﻰ ﺑﺎﺵ ﻧﺘﻌﺸﺎ
ﺍﻧﺎ : ﻭﺯﻋﻤﺎ ﺗﻤﺎ ﻏﺎﺩﻱ ﻃﻔﺮﻭ
ﺳﻴﻤﻮ : ﻭﺳﻤﻌﻴﻨﻲ ﺍﻧﺎ ﻏﻨﻤﺸﻲ ﺗﻤﺎ ﻏﻨﻀﺮﺏ ﺗﻤﺎﺭﺍ ﻭ ﻏﻨﺠﻲ ﻧﺪﻳﻚ ﻧﺘﺰﻭﺟﻮ ﻭ ﻧﻮﻟﺪﻭ ﻭﻟﻴﺪﺍﺕ ﻧﺪﻳﺮﻭ ﻟﻴﻬﻢ ﻣﺴﺘﻘﺒﺎﻝ
ﺍﻧﺎ ﻛﻨﺒﻜﻲ : ﻭﺍﺧﺎ ﻫﺎﻛﺎﻙ ﺍﻧﺎ ﻗﺮﺑﺖ ﻧﺘﺨﺮﺝ ﻭ ﻧﺨﺪﻡ ﻭ ﺍﻧﺎ ﻧﺼﺮﻑ ﺑﻤﺎ ﺳﻬﻞ ﻋﻠﻴﻚ ﺍﻟﻠﻪ
ﻫﻮ ﺷﺪ ﻟﻴﺎ ﻣﻦ ﺣﻨﻜﻲ : ﻭﺍ ﺍﻳﻤﺎﻥ ﻭ ﺳﻤﻌﻴﻨﻲ ﻭ ﻓﻬﻤﻴﻨﻲ ﻭ ﺗﻴﻘﻲ ﺑﻴﺎ ﺭﺍﻩ ﻏﻨﺪﻳﺮﻭ ﻻﺑﺎﺱ ﻭ ﻧﺘﺰﻭﺟﻮ ﻭ ﻧﻌﻴﺸﻮ ﻓﻲ ﺍﻟﻨﻌﻴﻢ
ﺑﻘﺎ ﻛﻴﻘﻨﻊ ﻓﻴﺎ ﺣﺘﻰ ﻗﺘﺎﻧﻌﺖ ﻭﺧﺎ ﻣﺴﺨﻴﺎﺵ ﺑﻴﻪ
ﺍﻧﺎ : ﺍﺍﻫﻮ ﺷﻜﻮﻥ ﻏﻴﺼﻴﺐ ﻟﻴﻚ ﺍﻟﻮﺭﺍﻗﻲ
ﺳﻴﻤﻮ : ﺭﺍﻩ ﻏﻨﻀﺒﺮ ﻓﻲ 5 ﺍﻟﻤﻠﻴﻮﻥ ﻭ ﻏﺎﺩﻱ ﻧﺤﺮ g ﻭ ﻓﻲ ﺍﻟﻔﻠﻮﻛﺔ ﻣﻊ ﻭﺍﺣﺪ ﺧﺎﻳﻨﺎ
ﺍﻧﺎ ﻧﻀﺖ ﻭﻗﻔﺖ : ﻻ ﻻ ﻻ ﻟﺤﺮﻳﻲ g ﻻ ﻭﻻ ﻭﻗﻌﺖ ﻟﻴﻚ ﺷﻲ ﺣﺎﺟﺔ
ﺳﻴﻤﻮ : ﺭﺍﻩ ﻣﻐﻴﻮﻗﻊ ﻟﻴﺎ ﻭﺍﻟﻮ ﺭﺍﻩ ﻫﺎﺩ ﺳﻴﺪ ﻣﻀﻤﻮﻥ ﻗﻨﻘﻄﻊ ﺍﻟﺒﺤﺮ ﻭ ﻻﻗﻲ ﻟﻴﺎ ﺍﻟﺨﺪﻣﺔ ﻭ ﻛﻠﺸﻲ ﻏﻴﺮ ﺗﻴﻘﻲ ﺑﺤﺒﻴﺒﻚ ....
ﺍﻧﺎ ﺷﻔﺖ ﺗﺎ ﻋﻴﻴﺖ ﻭ ﺭﻣﺸﺖ ﻣﺒﻐﻴﺘﻮﺵ ﻳﻤﺸﻲ ﻭﻟﻜﻦ ﺍﺵ ﻏﺎﻳﺪﻳﺮ ﺍﻟﻤﻴﺖ ﻗﺪﺍﻡ ﻏﺴﺎﻟﻮ .... ﻣﺸﻴﺖ ﺍﻟﻐﺪ ﻟﻴﻪ ﺗﺴﻠﻔﺖ ﻭ ﺩﺑﺮﺕ ﻟﻴﻪ ﻓﻲ 100 ﺍﻟﻒ ﻭ ﻣﻮ ﺗﺎﻫﻴﺎ ﻋﺎﻭﻧﺎﺗﻮ ﻭ ﺗﺎﻫﻮ ﻛﺎﻥ ﻣﻀﺒﺮ ﻓﻲ ﺷﻲ ﻓﻠﻮﺱ ﺗﺎ ﺟﻤﻌﻨﺎ ﺩﻳﻚ 5 ﺍﻟﻤﻠﻴﻮﻥ ﻭ ﺗﺴﻴﻔﻄﻨﺎ ﻣﻌﺎﻩ ﺑﺎﻟﺒﻜﺎ ﻭ ﻧﻮﺍﺡ ﻭ ﻣﺸﺎ ....3 ﺍﻳﺎﻡ ﻣﻬﺪﺭ ﻣﻌﺎﻳﺎ ﺗﺎﻝ ﻧﻬﺎﺭ ﺭﺍﺑﻊ ﻋﺎﺩ ﺻﻮﻧﺎ ﻟﻴﺎ ﻓﺮﺣﺖ ﻣﻨﻴﻦ ﻫﻮ ﺑﺨﻴﺮ ﺑﻘﺎ ﻛﻴﻌﺎﻭﺩ ﻟﻴﺎ ﺍﺵ ﺩﺍﺯ ﻋﻠﻴﻪ ﻣﺴﻜﻴﻦ ﺗﻤﺤﻦ ﺑﻘﻴﻨﺎ ﻫﺎﻛﺎﻙ ﺍﻟﻤﺪﺓ ﺷﻬﺮﺍﻳﻦ ﻛﻨﻬﺪﺭﻭ ﻛﻨﻀﺤﻜﻮ ﻣﻦ ﺑﻌﺪ ﻣﺎ ﺑﻘﺎﺵ ﻛﻴﺠﻮﺑﻨﻲ ﻭ ﻻ ﻛﻼﻣﻮ ﻗﻠﻴﻞ ﻣﻌﺎﻳﺎ ﺟﺎ ﻭﺣﺪ ﺍﻟﻨﻬﺎﺭ ﻟﻲ ﺑﺪﻝ ﻓﻴﻪ ﻧﻤﺮﺍﺗﻮ ﻭ ﻣﺸﻴﺖ ﻋﻨﺪ ﻣﻮ ﻭ ﺟﺮﺍﺕ ﻋﻠﻴﺎ ﺑﻘﻴﺖ ﻛﻨﺒﻜﻲ ﻫﻴﺎ ﺍﻧﺎ ﻧﻴﺖ ﺑﻐﺘﻮ ﻣﻦ ﻧﻴﺘﻴﻲ ﺻﺎﻓﻲ ﻫﻮ ﻏﻴﺮ ﻣﺸﺎ ﺗﻤﺎ ﻗﻠﺐ ﻋﻠﻴﺎ ﻭﺟﻬﻮ ... ﺍﻟﻤﻬﻴﻢ ﺩﻭﺯﺕ ﺍﻳﺎﻡ ﺍﻟﺤﺰﻥ ﺿﺮﻭﺭﻱ ﺭﺍﻧﻲ ﻛﻨﺖ ﺑﺎﻧﻴﺎ ﺣﻴﺎﺗﻲ ﻛﺎﻣﻠﺔ ﻋﻠﻴﻪ ﻭ ﻣﺴﺘﻘﺒﻠﻲ ﻣﻌﺎﻩ ﻭﻻﺩﻱ ﻛﻴﺸﻬﻮ ﻟﻴﻪ ... ﻣﻬﻴﻢ ﺩﻭﺯﺕ ﺩﺍﻙ ﺍﻟﻌﺎﻡ ﻓﻲ ﻣﻌﻬﺪ ﺗﻤﺮﻳﺾ ﻛﺎﻥ ﺍﺧﺮ ﻋﺎﻡ ﺗﺨﺮﺟﺖ ﻛﻨﺖ ﻛﻨﺨﺪﻡ ﻓﻲ ﺩﻳﻮﺭ ﻛﻨﻘﺎﺑﻞ ﺩﻭﻙ ﺍﻟﻤﺮﺿﻰ ﻟﻲ ﻓﻲ ﺩﻳﻮﺭ ﻟﻲ ﻟﺒﺎﺱ ﻋﻠﻴﻬﻢ ﺩﻭﺯﺕ ﺷﻲ ﻋﻤﺎﻳﻦ ﻓﻲ ﺩﻳﻚ ﺍﻟﺤﺮﻓﺔ ﺣﺘﻰ ﺍﻟﻮﺣﺪ ﺍﻟﻨﻬﺎﺭ ﺗﻮﺳﻂ ﻟﻴﺎ ﻭﺍﺣﺪ ﺧﻴﻨﺎ ﻭ ﺩﺧﻠﻨﻲ ﻟﻮﺍﺣﺪ ﺳﺒﻴﻄﺎﺭ ﺩﻳﺎﻝ ﺍﻟﻔﻠﻮﺱ ﻛﺎﻥ ﻣﻮﻻﻩ ﻭﺍﺣﺪ ﺍﻟﻄﺒﻴﺐ ﻛﺒﻴﺮ ﻓﻲ ﺍﻟﻌﻤﺮ ﻛﻴﻌﻴﻄﻮ ﻟﻮ ﺩﻛﺘﻮﺭ ﻋﺘﻤﺎﻥ ﻭ ﻟﻜﻦ ﺻﺎﺭﻡ ﻓﻲ ﺍﻟﺘﻌﺎﻣﻞ ﻫﻲ ﻓﻴﻦ ﺍﻧﺎ ﺧﺪﺍﻣﺔ ﺗﺎﻝ ﺩﺍﺑﺔ ﺍﻟﻔﺮﻣﻠﻴﺎﺕ ﻟﻲ ﺧﺪﻣﺎﺕ ﻣﻌﺎﻳﺎ ﻏﻴﺮ ﺍﻟﻘﺮﻃﺎﺳﺔ ﻋﻠﻰ ﺧﺘﻬﺎ ﺍﻟﻄﺒﻴﺐ ﻟﻲ ﺟﺎ ﺳﻄﺎﺟﻴﺮ ﻛﻄﻴﺮﻭﻩ ﻭ ﺍﻧﺎ ﻧﻌﻴﻖ ﺍﻭﻳﻠﻲ ﻏﻨﻮﻳﻠﻲ ﺑﺎﻳﺮﺓ ﺣﻴﺖ ﺍﻧﺎ ﻋﻤﺮﻧﻲ ﻣﺪﺧﻠﺖ ﻓﺸﻲ ﻋﻼﻗﺔ ﻣﻦ ﻧﻬﺎﺭ ﺳﻴﻤﻮ ﻛﻨﺖ ﻛﻨﺨﺎﻑ ﻳﺘﺨﻼﻭ ﻋﻠﻴﺎ ...