29
ﻣﻬﻴﻢ ﺑﻘﻴﻨﺎ ﺩﺍﻙ ﻟﻴﻞ ﻛﻨﻬﺪﺭﻭ ﻭ ﻧﻀﺤﻜﻮ .. ﺻﺒﺢ ﺍﻟﺼﺒﺎﺡ ﻣﺎﻣﺎ ﻋﻠﻰ ﻧﺒﻮﺭﻱ ﻭ ﺑﺪﺍﺕ ﺑﺘﻮﺟﺎﺩ ﻫﻲ ﻭ ﺧﺎﻟﺘﻲ ﻋﻴﺸﺔ ﻟﻲ ﺟﺎﺕ ﻭ ﻋﻄﺎﺗﻨﻲ ﺍﻟﺪﻫﺐ ﻭ ﺍﻟﻔﻠﻮﺱ ﻫﺎﺩﺷﻲ ﻋﻨﺪﻫﻢ ﻋﺎﺩﺓ ﻭﻣﻨﻌﻮ ﻋﻠﻴﺎ ﻧﺘﻼﻗﺎ ﺑﻴﺎﺳﻴﻦ ﺗﺘﻨﺘﺰﻭﺟﻮ ﻗﺎﻟﻚ ﻭﻟﻴﺖ ﻣﺮﺓ ﻣﺮﺓ ﻛﻨﻬﻀﺮ ﻣﻌﺎﻩ ﻓﻲ ﺗﻠﻴﻔﻮﻥ ﻭ ﻟﻜﻦ ﺍﻏﻠﺒﻴﺔ ﺍﻟﻮﻗﺖ ﻛﻨﺖ ﻛﻨﻬﻀﺮ ﻣﻊ ﺳﻴﻤﻮ ﻭ ﻛﻨﺎﻗﺸﻮ ﺍﻟﺨﻄﺔ ﻭ ﻛﻨﺘﻐﺎﺯﻟﻮ ﻭ ﺩﻛﺸﻲ ﻭﺻﻞ ﻧﻬﺎﺭ ﺍﻟﺤﻨﺔ ﻧﻘﺸﻮ ﻟﻴﺎ ﻳﺪﻱ ﻭ ﺭﺟﻠﻲ ﺻﺮﺍﺣﺔ ﻣﻜﻨﺒﻐﻴﻬﺎﺵ ﻛﻴﺪﻳﺮﻭ ﻓﻴﻬﺎ ﺩﻭﻟﻴﺎ ﻛﺘﺤﺮﻗﻨﻲ ... ﺳﻼﺕ ﻟﻴﺎ ﺍﻟﻨﻘﺶ ﺑﺪﺍﺕ ﺍﻟﺤﻨﺔ ﻛﺘﺤﺮﻗﻨﻲ ﻭ ﻳﺎﺳﻴﻦ ﻛﻴﻨﻔﺦ ﻟﻴﺎ ﻓﻴﻬﺎ ﺑﺎﺵ ﻣﺎ ﺗﺒﻘﺎﺵ ﺗﺤﺮﻕ ﻓﻴﺎ ﺻﺎﻓﻲ ﺳﻼ ﻛﻠﺸﻲ ﻣﻮﻣﺘﻴﻲ ﻏﺪﺍ ﻟﻴﻮﻡ ﺍﻟﻤﻮﻋﻮﺩ ﺷﺎﺩﺍﻧﻲ ﺍﻟﺨﻠﻌﺔ ﻣﺸﻴﺖ ﻋﻨﺪ ﺍﻟﻜﻮﺍﻓﻮﺭﺓ ﻛﺘﺼﺎﻳﺐ ﻟﻴﺎ ﻭ ﺍﻧﺎ ﻛﻨﻔﻜﺮ ﺑﻠﻲ ﺍﻫﻢ ﻳﻮﻡ ﻏﻲ ﺣﻴﺎﺗﻲ ﻛﻨﺪﻭﺯﻭ ﺍﻧﺎ ﺑﺎﻟﻜﺪﻭﺏ ﻭ ﻣﻊ ﻭﺍﺣﺪ ﻣﻜﻨﺒﻐﻴﻬﺶ ﺑﻘﺎﺕ ﺍﻓﻜﺎﺭ ﺗﺪﻳﻨﻲ ﻭ ﺍﻓﻜﺎﺭ ﺗﺠﻴﺒﻨﻲ ﻭ ﺷﺎﺩﻧﻲ ﺍﻟﺒﻜﻴﺔ ﺻﻮﻧﻴﺖ ﻟﺴﻴﻤﻮ ﻫﻮ ﻟﻲ ﺧﻔﻒ ﻋﻠﻴﺎ ﺷﻮﻳﺔ ﻭﺑﻘﺎ ﻛﻴﻘﻮﻝ ﻟﻴﺎ ﻛﻼﻣﻮ ﺍﻟﻤﻌﺴﻮﻝ ... ﺻﺎﻓﻲ ﺳﺎﻳﺒﻮﻟﻴﺎ ﺩﺯﺕ ﻋﻨﺪ ﻧﻜﺎﻓﺔ ﺗﺎﻫﻴﺎ ﻗﺪﺍﺕ ﻟﻴﺎ ﻟﺒﺴﺎﺗﻨﻲ ﺗﻜﺸﻴﻄﺔ ﺑﻴﻀﺎ ﻭ ﺩﺍﺭﺕ ﻟﻴﺎ ﺍﻟﺘﺎﺝ ﻳﺎﻩ ﻛﻔﻤﺎ ﻛﻨﺖ ﻛﻨﻠﻢ ﻭ ﻏﻄﺎﻭ ﻟﻴﺎ ﻭﺟﻬﻲ ﻣﺎﺑﻘﻴﺖ ﻧﺸﻮﻑ ﻭﺍﻟﻮ ﻛﻨﺴﻤﻊ ﻏﻴﺮ ﺻﻮﺕ ﻳﺎﺳﻴﻦ ﺷﺪ ﻟﻴﺎ ﻣﻦ ﻳﺪﻱ ﻭ ﻃﻠﻌﻨﻲ ﻓﻲ ﺳﻴﺎﺭﺓ ﻭ ﻣﺸﻴﻨﺎ ﻛﻨﻜﻼﻛﺴﻮﻧﻴﻮ ﻓﻲ ﺍﻟﻄﺮﻳﻖ ﻭﺍﺍﻭ ﻋﻠﻰ ﺍﺣﺴﺎﺱ ﻓﻲ ﺷﻜﺎﻝ ﻭ ﺧﺎ ﻫﺎﺩﺷﻲ ﺩﻳﺎﻝ ﺑﻠﻌﺎﻧﻲ ﺍﻧﺎ ﻛﻨﺤﻠﻤﻲ ﻧﻌﻴﺸﻮ ﺗﺨﻠﻄﻮ ﻋﻠﻴﺎ ﻓﺮﺡ ﻭ ﺧﻠﻌﺔ ﻭ ﻛﻠﺸﻲ ﺩﺧﻠﻮﻧﻲ ﻟﻠﻘﺎﻋﺔ ﻟﻲ ﻛﺎﻧﺖ ﻓﺨﻤﺔ ﻓﺤﺎﻝ ﻟﻘﺼﺮ ﺣﻄﻮﻧﻲ ﻓﻲ ﺍﻟﻌﻤﺎﺭﻳﺔ ﺟﺎ ﻳﺎﺳﻴﻦ ﺭﻓﻊ ﻋﻠﻴﺎ ﺍﻟﻐﻄﺎﺀ ﺷﻔﺘﻮ ﻣﺒﺘﺎﺳﻢ ﻟﻴﺎ ﻭ ﺟﺎ ﻣﻌﺎﻩ ﺍﻟﻜﻮﺳﺘﺴﻢ ﻭ ﺣﻴﺪ ﻧﻀﺎﺿﺮ ﻣﺎ ﻗﺎﻟﻮ ﻣﻮﻻﻱ ﺳﻠﻄﺎﻥ ﺗﺎ ﻭﺗﺎﺗﻮ ﻫﺎﺩ ﺳﻤﻴﺔ .. ﺑﺎﺱ ﻟﻴﺎ ﻏﻮﻕ ﺭﺍﺳﻲ ﻭ ﺗﺼﻮﺭﻧﺎ ﻭ ﻃﻠﻌﻮﻧﻲ ﻓﻲ ﺍﻟﻌﻤﺎﺭﻳﺔ ﻫﻬﻪ ﻭﺍﺧﺎ ﻛﻨﺖ ﺗﻨﻀﺤﻚ ﻭ ﻛﻨﺪﻳﺮ ﺑﺎﻱ ﺑﺎﻱ ﻛﻨﺖ ﺧﺎﻳﻔﻬﻢ ﻻ ﻳﻄﻴﺤﻮﻧﻲ ﺻﺎﻓﻲ ﻧﺰﻟﻨﺎ ﺻﻮﺭﻭﻧﻲ ﺟﺎﺕ ﺳﻠﻤﺖ ﻋﻠﻴﺎ ﺩﻳﻚ ﻣﺮﻭﺓ ﻭﻟﻴﻨﺎ ﻋﺎﺀﻟﺔ ﺩﺍﺑﺎ ﺟﺎﺕ ﺗﺎﻧﻬﺎ ﻗﺎﻟﺖ ﻟﻴﺎ ﺳﺒﻘﺘﻴﻨﻲ ﻫﻬﻪ ﺟﺎﺕ ﺍﻟﻮﻟﻴﺪﺓ ﺗﺎﻫﻴﺎ ﻧﺎﺿﻮ ﺑﻘﻴﻨﺎ ﻟﺒﺲ ﺣﻂ ﻓﻲ ﺗﻜﺎﺷﻂ ﺩﺧﻞ ﺗﺼﻮﺭ ﻭ ﺧﺮﺝ ... ﺟﺎ ﻭﻗﺖ ﺍﻟﻌﺸﺎ ﺣﻄﻮ ﻟﻴﻨﺎ ﻃﺎﺑﻠﺔ ﺍﻟﻮﺳﻂ ﻭ ﺯﻭﻗﻮﻫﺎ ﻣﺰﻳﺎﻥ ﻭ ﺟﻠﺴﻨﺎ ﻓﻴﻬﺎ ﺍﻧﺎ ﻭ ﻳﺎﺳﻴﻦ ﻏﺎﺩﻱ ﻧﺘﻌﺸﺎﻭ ﻭ ﻛﻴﺼﻮﺭﻭ ﻓﻴﻨﺎ ﺍﻧﺎ ﻣﺎﺩﻳﺘﻬﺎ ﻓﻲ ﺗﺎﺣﺪ ﻭ ﺑﺮﻛﺖ ﻧﺨﺸﻲ ﻓﻲ ﻭﺟﻬﻲ ﺣﻴﺖ ﺟﺎﻧﻲ ﺍﻟﺠﻮﻉ ﺑﺰﺍﻑ ﻭ ﻫﻲ ﺗﻘﺮﺻﻨﻲ ﻟﻮﻟﻴﺪﺓ ﺻﺎﻓﻲ ﻧﻀﺖ ﻓﺤﺎﻟﻲ ﻭ ﺻﻠﻨﺎ ﻻ ﻏﻮﺏ ﻟﺒﺴﺘﻬﺎ ﻓﺮﺣﺖ ﺑﻬﺎ ﺭﻗﺼﻨﺎ ﺍﻧﺎ ﻭ ﻳﺎﺳﻴﻦ ﻗﻄﻌﻨﺎ ﺍﻟﻘﺎﻃﻮ ﺳﻠﻴﻨﺎ ﺍﻟﻌﺮﺱ ﻣﻊ ﺍﻟﻔﺠﺮ ... ﺍﻟﻮﻟﻴﺪﺓ ﺣﻤﺎﺗﻬﺎ ﺑﺎﻟﺒﻜﺎﻭﺍﺕ ( ﺳﻨﻴﻦ ﻭ ﻫﻲ ﺑﺎﺭﻛﺎ ﻋﻠﻴﺎ ﻧﻮﺿﻲ ﻓﺤﺎﻟﻚ ﺗﺰﻭﺟﻲ ﻭ ﺩﺑﺎ ﻛﺘﺒﻜﻲ ) ﺗﺎﻧﺎ ﺑﺪﻳﺖ ﻛﻨﺒﻜﻲ ﻗﻠﺒﻨﺎﻫﺎ ﺟﻨﺎﺯﺓ ﺗﻤﺎ ... ﺻﺎﻓﻲ ﻣﺴﺤﺖ ﺩﻣﻮﻋﻲ ﻭ ﻃﻠﻌﺖ ﻣﻊ ﺭﺍﺟﻠﻲ ﻟﻄﻮﻣﻮﺑﻴﻞ ﻏﻨﻤﺸﻴﻮ ﻏﻴﺮ ﻟﻮﻃﻴﻞ .. ﺑﻘﺎ ﻛﻴﻬﺪﺭ ﻃﺮﻳﻖ ﻛﺎﻣﻠﺔ ﻭ ﺍﻧﺎﻏﻴﺮ ﺳﺎﻛﺘﺔ ﻛﻨﻔﻜﺮ ﻓﺸﻲ ﺣﻴﻠﺔ ﻣﻨﺨﻠﻴﻬﺶ ﻳﻘﻴﺴﻨﻲ ﺑﻬﺎ ﻫﻮ ﻳﺸﺪ ﻟﻴﺎ ﻣﻦ ﻳﺪﻱ ﻭ ﺍﻧﺎ ﻧﻘﻔﺰ
أنت تقرأ
قصة احببت محتالة (بدارجة المغربية قصيرة و كاملة و جريئة +18 )
Storie d'amoreمن روائع قصصي القديمة و كتاباتي القديمة قصة كتحكي على بنت خدامة كتيري الفلوس ديالها من مهنة التمريض و عندها حقها في الزين ...و ليني مشكلتها الوحيدة هي انها بايرة و ماشي غير هادشي ....طوال حياتها كان كيجي راجل وحد لي هو المقدر ليها من صغرها و كانت د...
