32
ﻭ ﻋﻨﻘﺘﻬﺎ ﻭ ﺷﺪﺍﺗﻨﻲ ﺍﻟﺒﻜﻴﺔ
ﻣﺎﻣﺎ : ﻻ ﻻ ﺍﺑﻨﻴﺘﻲ ﻫﺎﺩ ﺍﻟﻤﺠﻴﺔ ﻣﻌﺠﺒﺎﺗﻨﻴﺶ ﻣﻌﺮﻓﻨﺎﻙ ﺍﻣﺘﺎ ﺟﻴﺘﻲ
ﺍﻧﺎ : ﻻ ﺍﻣﺎﻣﺎ ﻏﻴﺮ ﺑﻐﻴﺖ ﻧﺪﻳﺮﻫﺎ ﻟﻴﻜﻢ ﻣﻔﺎﺝﺀﺓ ... ﻭ ﺍﻧﺎ ﻧﺸﻮﻑ ﺍﻟﺴﺎﻋﺔ ﻟﻘﻴﺘﻬﺎ 12 ﻭﻳﻠﻲ ﻭﻳﻠﻲ ﺗﻌﻄﻠﺖ ﻧﻀﺖ ﻛﻨﺠﺮﻱ ﺩﻳﺠﺎ ﻛﻨﺖ ﻻﺑﺴﺔ ﺣﻮﻳﺠﻲ ﻣﺸﺖ ﺷﻌﺮﻱ ﺧﻠﻴﺘﻮ ﻣﻄﻠﻮﻕ ﻭ ﺩﺭﺕ ﺷﻮﻳﺔ ﺩﺍﻟﻤﻜﻴﺎﺝ ﻭ ﻫﺰﻳﺖ ﺍﻟﺼﺎﻙ ﻟﻲ ﻓﻴﻪ ﺍﻟﻔﻠﻮﺱ ﻭ ﺯﺩﺕ ﻋﻠﻴﻬﻢ ﺍﻟﺪﻫﺐ ﻭ ﺍﻟﻤﺠﻮﻫﺮﺍﺕ ﻟﻲ ﻋﻄﺎﻭﻧﻲ ﻓﻲ ﺍﻟﻌﺮﺱ
ﺍﻟﻮﻟﻴﺪﺓ : ﻓﻴﻦ ﻏﺎﺩﺓ
ﺍﻧﺎ : ﻻ ﻏﻴﺮ ﺑﻐﻴﺖ ﻧﺒﺎﻥ ﻋﻠﻰ ﺍﻟﺒﻨﺎﺕ ﻭ ﺻﺎﻓﻲ
ﺍﻟﻮﻟﻴﺪﺓ : ﻭﻣﺘﻌﻄﻠﻴﺶ
ﺍﻧﺎ : ﻭﺍﺧﺔ
ﻋﺼﺎﻡ : ﻫﺎﺩﻱ ﻣﺎﻋﻨﺪﻫﺎﺵ ﺭﺍﺟﻠﻬﺎ ﻟﻲ ﻳﺤﻜﻤﻬﺎ
ﺍﻧﺎ : ﺩﻳﻬﺎ ﻓﻲ ﺍﻟﺠﻬﺔ ﻟﻲ ﺩﺍﺭﺍﻙ ﺗﺘﺠﻲ ﻣﺮﺗﻚ ﻭ ﺣﻜﻢ ﻋﻠﻴﻬﺎ
ﻋﺼﺎﻡ : ﻟﻜﺎﻧﺖ ﻏﺘﻜﻮﻥ ﻣﺮﺓ ﻓﺤﺎﻟﻚ ﺑﻼﺵ
ﻣﺎﻣﺎ : ﺑﻌﺪ ﻣﻦ ﺧﺘﻚ ﺍﺩﺍﻙ ﺍﻟﻤﺴﺨﻮﻁ .. ﻋﻴﺒﺘﻮ ﻭﺧﺮﺟﺖ ﻧﺘﻼﻗﺎ ﺑﺴﻴﻤﻮ ﺗﻼﻗﻴﺖ ﺑﻴﻪ ﻭﻋﻨﻘﻨﻲ ﻭﺣﺘﻰ ﺍﻧﺎ ﻋﻨﻘﺘﻮ ﺣﻴﺖ ﺗﻮﺍﺣﺸﺘﻮ ﺷﺤﺎﺍﺍﻝ ﻣﺎﺷﻔﺘﻮ ﻭﻃﺎﺡ ﻋﻠﻴﺎ ﺍﻟﻀﻴﻢ ﻣﻌﻨﻘﺎﻩ ﻭﻛﻨﺒﻜﻲ ..... ﺳﻴﻤﻮ : ﺻﺎﻓﻲ ﺍﺣﺒﻴﺒﺔ ﺍﻧﺎ ﻣﻌﺎﻙ ﺩﺑﺎ ﻭﺻﺎﻓﻲ ..... ﺍﻧﺎ ﻛﻨﺒﻜﻲ : ﺗﻮﺣﺸﺘﻚ ﻭﻣﺘﺨﻴﻠﺘﺶ ﻓﺎﺵ ﻛﻨﺖ ﻛﻨﻬﺰ ﻟﻔﻠﻮﺱ ﺷﺤﺎﻝ ﺧﻔﺖ .... ﺳﻴﻤﻮ : ﺍﻧﺎ ﻣﻌﺎﻙ ﺍﺣﻴﺎﺗﻲ ﻓﻴﻨﺎﻫﻴﻤﺎ ﻟﻔﻠﻮﺱ ؟؟ ! ... ﻋﻄﻴﺘﻬﻢ ﻟﻴﻪ ﻭﺑﻘﻴﻨﺎ ﻛﻨﻬﻀﺮﻭ ﻭﻗﺎﻝ ﻟﻴﺎ ﺳﺎﻋﺔ ﻟﻠﻲ ﻳﻮﺟﺪﻭ ﻟﻴﺎ ﺍﻟﻮﺭﺍﻗﻲ ﻏﻴﺼﻮﻧﻲ ﻟﻴﺎ ﺑﺎﺵ ﻧﻬﺮﺑﻮ ﺑﺠﻮﺝ ... ﺻﺎﻓﻲ ﻋﻨﻘﻨﻲ ﻭﺳﻠﻢ ﻋﻠﻴﺎ ﻭﻃﻠﺐ ﻣﻨﻲ ﺍﻟﺴﻤﺎﺣﺔ ﺣﻴﺖ ﺧﻼﻧﻲ ﻧﺪﻳﺮ ﻫﺎﺩ ﺍﻟﻌﻤﻠﻴﺔ ﺗﺎﻧﺎ ﻗﻠﺖ ﻟﻮ ﻣﻴﻘﻮﻟﺶ ﻫﺎﻛﺎ ﺭﺍﻩ ﻫﻮ ﺭﺍﺟﻠﻲ ﻏﻴﻜﻮﻥ ﺑﺎﺑﺎﺕ ﻭﻻﺩﻱ ﻭ ﻧﺪﻳﺮ ﻋﻠﻰ ﻗﺒﻠﻮ ﺍﻱ ﺣﺎﺟﺔ ﻭﻋﺎﻭﺩ ﻋﻨﻘﻨﻲ ﻭﺑﻘﻰ ﻛﻴﻘﻮﻝ ﻟﻴﺎ ﺳﻤﺤﻠﻴﺎ ... ﺻﺎﻓﻲ ﺭﺟﻌﺘﺔﻟﺪﺍﺭ ﻟﻘﻴﺘﻬﻢ ﺣﻄﻮ ﺍﻟﻐﺪﺍ ﻣﺸﻴﺖ ﻋﻨﺪ ﺑﺎﺑﺎ ﺑﺴﺘﻮ ﻭﺟﻠﺴﺖ ﺣﺪﺍﻩ ﻭﻛﻠﻴﻨﺎ ﻭﺍﻧﺎ ﺩﻭﺯﺕ ﻧﻬﺎﺭ ﻛﺎﻣﻞ ﻛﻨﻌﻨﻖ ﻓﻴﻬﻢ . ﻭﻧﺒﻮﺱ ﺣﻴﺖ ﻣﺎﻋﺮﻓﺎﺵ ﺍﻣﺘﻰ ﻏﺎﺩﻱ ﻧﻌﺎﻭﺩ ﻧﺸﻮﻓﻬﻢ ﺻﺎﻓﻲ ﺩﻭﺯﻧﺎ ﺩﺍﻙ ﺍﻟﻨﻬﺎﺭ ... ﻋﺎﻭﺩ ﺗﺎﻧﻲ ﺩﺍﺯ ﻧﻬﺎﺭ ﻻﺧﻮﺭ ﻭﺍﻧﺎ ﻏﻴﺮ ﻛﻨﺴﺘﻨﺎ ﻓﻲ ﺍﺗﺼﺎﻝ ﻣﻨﺔﻋﻨﺪ ﺍﻟﺴﻴﻤﻮ .. ﻏﻴﻜﻮﻥ ﻏﻴﺮ ﺗﻌﻜﺴﻮﻟﻮ ﻟﻮﺭﺍﻕ .. ﻳﺎﺭﺑﻲ ﺍﻟﺴﻼﻣﺔ
ﺍﻟﻤﻬﻢ ﺟﺎ ﻧﻬﺎﺭ ﺍﻟﺜﺎﻟﺚ ﻛﺘﻔﻴﻖ ﻓﻴﺎ ﻣﺎﻣﺎ ﻛﺘﻘﻮﻝ ﻟﻴﺎ ﺑﻠﻲ ﻻﻟﺔ ﻋﻴﺸﺔ ﻫﻨﺎ .... ﺍﻧﺎ ﺗﺨﻠﻌﺖ ﻧﻀﺖ ﺑﺎﻟﺰﺭﺑﺔ ﻣﻦ ﺑﻼﺳﺘﻲ .. ﺍﻧﺎ ﺷﺪﺍﺗﻨﻲ ﺍﻟﺨﻠﻌﺔ : ﺍﺍﺷﺸﺶ ﺑﻐﻐﻐﻐﻐﺎﺍﺍﺍﺕ ؟؟ !! ... ﺍﻟﻮﻟﻴﺪﺓ : ﻣﻌﺮﻓﺘﺶ ﺍﺵ ﺩﺭﺗﻲ ﺍﻟﻤﺴﺨﻮﻃﺔ ... ﺍﻧﺎ : ﺍﻧﺎ !! ﻻ ﻣﺎﺩﺭﺕ ﻭﺍﻟﻮﻭ ... ﻭﻧﻀﺖ ﻟﺒﺴﺖ ﻭﻧﺰﻟﺖ ﻋﻨﺪﻫﺎ ﻛﻨﺸﻮﻑ ﺧﺎﻟﺘﻲ ﻣﺘﻮﺗﺮﺓ ... ﻋﺼﺎﻡ : ﻫﻬﻬﻪ ﻳﺎﻛﻤﺎ ﻋﻮﺭﺗﻴﻬﺎ !! ... ﺍﻧﺎ : ﺣﻴﺪ ﻧﺘﺎ ﻟﻠﻲ ﺑﻘﻴﺘﻲ ﻟﻴﺎ .... ﺟﻴﺖ ﻭﺟﻠﺴﺖ ﻗﺒﺎﻟﺘﻬﺎ ﻭﻗﻠﺒﻲ ﻛﻴﻀﺮﺏ .... ﻛﻠﺸﻲ ﺧﺮﺝ .... ﻻﻟﺔ ﻋﻴﺸﺔ : ﺑﻨﺘﻲ ﺍﺵ ﻭﻗﻊ ﺑﻴﻨﻚ ﻭﺑﻴﻦ ﻭﻟﺪﻱ؟؟ ... ﺍﻧﺎ ﺣﺎﻧﻴﺔ ﺭﺍﺳﻲ ﻭﻛﻨﺪﻭﺭ ﻓﻌﻴﻨﻲ ﻭﺻﺎﻓﻲ ﻣﺸﻴﺖ ﻓﻴﻬﺎ ...... ﻻﻟﺔ ﻋﻴﺸﺔ : ﺍﻧﺎ ﻋﺎﺭﻓﺔ ﺑﻠﻲ ﻣﻌﻨﺪﻳﺶ ﺍﻟﺤﻖ ﻧﺪﺧﻞ ﻣﺎﺑﻴﻨﻜﻢ ﻭﻟﻜﻦ ﺭﺍﻩ ﺭﺍﻩ ﻭﻟﺪﻱ ﻣﺎﺑﻘﺎ ﻳﺎﻛﻞ ﻭﻻ ﻳﺸﺮﺏ ﻭﻻ ﻏﻴﺮ ﺟﺎﻟﺲ ﻭﺳﺎﻫﻲ ... ﻋﻔﺎﻙ . ﺍﺑﻨﺘﻲ ﻟﻤﺎ ﺭﺟﻌﻲ ﻟﺪﺍﺭﻙ ...... ( ﻭﻧﺘﻲ ﻣﺎﺷﺘﻴﺶ ﻭﻟﺪﻙ ﺍﺵ ﺩﺍﺭ ﻓﻴﺎ !!! ﺻﺮﺍﺣﺔ ﺍﻧﺎ ﻧﺴﺘﻬﻞ ﻛﺜﺮ ) .... ﻗﺎﻟﺖ ﻟﻴﻬﺎ ﻓﻲ ﺍﻟﻌﺸﻴﺔ ﻧﺮﺟﻊ ﻟﺪﺍﺭﻧﺎ ﻭﻣﺸﺎﺕ . ﺍﻧﺎ ﻧﻀﺖ ﻛﺘﺒﺖ ﺭﺳﺎﻟﺔ ﻭﺧﻠﻴﺘﻬﺎ ﻟﻤﺎﻣﺎ ﺑﺎﺵ ﻃﻤﺎﻥ ﻋﻠﻴﺎ ﻋﺎﻭﺩﺕ ﻟﻴﻬﺎ ﻟﻴﻬﺎ ﺍﻟﺤﻘﻴﻘﺔ ﻛﺎﻣﻠﺔ . ﻭﻟﺒﺴﺖ ﺟﻼﺑﺔ ﻭﺩﺭﺕ ﺯﻳﻒ ﻭﺧﺮﺟﺖ ﻛﻨﺼﻮﻧﻲ ﻋﻠﻰ ﺳﻴﻤﻮ ﻛﻴﻘﻄﻊ ﻋﻠﻴﺎ ... ﺍﻭﻳﻴﻠﻲ ﻫﺬﺍ ﻣﺎﻟﻮ ؟ !! ... ﻗﺮﺭﺕ ﻧﻤﺸﻲ ﺗﺎﻝ ﺩﺍﺭﻫﻢ ... ﻣﺸﻴﺖ ﻛﻨﺪﻕ ﺧﺮﺟﺎﺕ ﻋﻨﺪﻱ ﻭﺍﺣﺪ ﺧﻴﺘﻲ ﻏﻠﻴﻀﺔ ﺷﻮﻳﺔ ﻭﺑﻴﻀﺔ ﻭﺩﺍﻳﺮﺍ ﻟﺸﻌﺮﻫﺎ ﻟﻴﻤﻴﺶ ﻭﻛﺘﻤﻀﻎ ﺍﻟﻤﺴﻜﺔ ﻭﺩﺍﻳﺮﺓ ﺍﻟﺪﻫﺐ ﺩﻳﺎﻟﻲ ﻟﻠﻲ ﻋﻄﻴﺘﻮ ﻟﺴﻴﻤﻮ .. ﻭﻟﻜﻦ ﺍﻧﺎ ﻣﺘﺴﻮﻗﺘﺶ ﻟﻴﻬﺎ ... ﺍﻧﺎ : ﻛﺎﻳﻦ ﺍﻟﺴﻴﻤﻮ ؟؟ !! .. ﻫﻲ ﺑﺪﺍﺕ ﻛﺘﻠﻮﻙ ﻓﺎﻟﻤﺴﻜﺔ ﻭﻃﻠﻌﺖ ﻭﻫﺒﻄﺎﺕ ﻓﻴﺎ : ﻭﺷﻜﻮﻥ ﻧﺘﻴﺎ ﺑﺎﻟﺴﻼﻣﺔ؟؟؟ .... ﺍﻧﺎ : ﻣﺎﺷﻲ ﻣﻬﻴﻢ ﺷﻜﻮﻥ ﺍﻧﺎ ﻏﻴﺮ ﻭﺍﺵ ﻛﺎﻳﻦ ﺳﻴﻤﻮ؟؟؟؟ .... ﻫﻲ : ﻻ .. ﻣﻬﻴﻢ ﻧﻌﺮﻑ ﺷﻜﻮﻥ ﻟﻴﺒﻐﺎ ﺭﺍﺟﻠﻲ ؟ !! ... ﺍﻧﺎ : ﺷﻨﻮﺍ ؟؟؟ !!! ﺍﺵ ﺗﺘﺨﺮﺑﻘﻲ !!!! ... ﻫﻲ ﻛﻴﻔﻤﺎ ﻛﺘﺴﻤﻌﻲ ﺳﻴﻤﻮ ﺭﺍﺍﺍﺍﺍﺟﻠﻲ ﻭﺑﺎﺍﺍﺍﺕ ﻭﻻﺍﺍﺩﻳﻴﺎﻛﻤﺎ ﺗﻴﻘﺘﻲ ﺩﻭﻙ ﺟﻮﺝ ﻛﻠﻴﻤﺎﺕ ﻟﻠﻲ ﻛﺎﻥ ﻛﻴﻘﻠﻬﻢ ﻟﻴﻚ .. ﻫﻬﻪ .. ﻧﺘﻲ ﻫﻲ ﺍﻳﻤﺎﻥ ﻳﺎﻙ !! ﺍﻧﺎ ﺩﺭﺕ ﺑﻴﺎ ﺍﻟﺪﻧﻴﺎ ﻣﺒﻘﻴﺘﺶ ﻛﻨﺴﻤﻊ ﻭﻟﻴﺖ ﻛﻠﻲ ﻛﻨﺘﺮﻋﺪ ﻋﻠﻰ ﺷﻮﻳﺔ ﻭ ﻏﺎﺩﻱ ﻧﺴﺨﻒ ﻫﻮ ﻳﺠﻲ ﺳﻴﻤﻮ ﺷﺪﻧﻲ ﻭ ﻗﺎﻝ ﻟﺪﻳﻚ ﺧﻴﺘﻲ ﺩﺧﻠﻲ ﻟﺪﺍﺭ .. ﺍﻧﺎ ﻧﻔﻀﺖ ﻣﻦ ﻳﺪﻱ : ﻃﻠﻖ ﻣﻨﻲ .. ﻭﺑﺪﻳﺖ ﻧﻀﺮﺏ ﻓﻴﻪ : ﺧﺮﺟﺘﻲ ﻋﻠﻴﺎ
ﻫﻮ ﻳﺰﻳﺮ ﻟﻴﺎ ﻋﻠﻰ ﺩﺭﺍﻋﻲ ﻭﺩﺍﻧﻲ ﺟﻴﻬﺖ ﻭﺍﺣﺪ ﺍﻟﻘﻨﺖ ﻣﺎﻓﻴﻬﺎ ﺣﺪ .... ﺍﻧﺎ ﻛﻨﻀﺮﺏ ﻓﻴﻪ ﻭ ﻛﻨﻐﻮﺕ ﻭ ﻛﻨﺒﻜﻲ ﻫﻮ ﻳﺸﺪ ﻟﻴﺎ ﻣﻦ ﻳﺪﻱ ﻭﺯﺩﺣﻨﻲ ﻣﻊ ﺍﻟﺤﻴﻂ : ﺍﻳﻤﺎﻥ ﺳﻤﻌﻲ
ﺍﻧﺎ : ﻣﺎﻛﻴﻦ ﻣﺎ ﺷﻤﻌﻲ ﻧﺘﺎ ﻏﺪﺭﺗﻴﻨﻲ ﻭ ﺿﺤﻜﺘﻲ ﻋﻠﻴﺎ
ﺳﻴﻤﻮ : ﻣﺘﺒﺎﻗﻴﺶ ﺗﺠﻲ ﻟﻬﻨﺎ ﺭﺍﻧﻲ ﻣﻘﺎﺩ ﻋﻠﻰ ﺷﻮﻫﺔ
ﺍﻧﺎ : ﺍﺵ ﻛﺘﺨﺮﺑﻖ ﻓﻴﻨﻬﻴﺎ ﺍﻳﻤﺎﻥ ﺣﺒﻴﺒﺘﻲ ﻏﺎﺩﻱ ﻧﺘﺰﻭﺟﻮ
ﺳﻴﻤﻮ : ﻭﺍﺵ ﻧﺘﻲ ﻣﺮﻳﻀﺔ ﻏﻨﺘﺰﻭﺝ ﻭﺣﺪﺓ ﺑﺤﺎﻟﻚ ﺑﺮﻛﺎ ﺍﻟﺪﻭﺭ ﻣﻊ ﺍﻟﺪﺭﺍﺭﻱ ﻭ ﻧﺼﺒﺖ ﻋﻠﻰ ﺭﺟﻠﻬﺎ ﺑﺎﺵ ﺗﻬﺮﺏ ﻣﻊ ﻭﺍﺣﺪ ﺍﺧﻮﺭ
ﺍﻧﺎ : ﻫﺎﺩ ﺍﻟﻮﺣﺪ ﺭﺍﻩ ﻧﺘﺎﺍ ﺭﺍﻧﻲ ﻛﻨﺒﻐﻴﻚ
ﺳﻴﻤﻮ : ﺳﻴﺮﻱ ﻟﺼﻘﻲ ﻓﺸﻲ ﻭﺣﺪ ﺍﺧﻮﺭ ﺍﻣﺎ ﺍﻧﺎ ﺭﺍﻩ ﻣﺰﻭﺝ ﻭ ﺑﺪﺍﺭﻱ
ﺍﻧﺎ : ﻻ ﻋﻔﺎﻙ ﺍﺳﻴﻤﻮ ﻣﺎﺩﻳﺮﺵ ﻟﻴﺎ ﻫﺎﻛﺎ ... ﻫﻮ ﻳﺴﻤﻜﻨﻲ ﺗﺎﻃﺤﺖ ﻓﻲ ﺍﻻﺭﺽ
ﺳﻴﻤﻮ : ﻻ ﺑﻘﻴﺖ ﻧﺸﻮﻓﻚ ﻓﻲ ﻫﺎﺩ ﺳﻴﻜﺘﻮﺭ ﺩﻧﺒﻚ ﻋﻠﻰ ﺭﺍﺳﻚ ... ﻭﻣﺸﺎ ﺍﻧﺎ ﺑﻘﻴﺖ ﺟﺎﻟﺴﺔ ﻗﻲ ﺍﻻﺭﺽ ﻭ ﻣﺼﺪﻭﻣﺔ ﻭ ﺩﻣﻮﻋﻲ ﻧﺎﺯﻟﻴﻦ ﺍﻭﻳﻠﻲ ﻓﻴﻦ ﻏﻨﻤﺸﻲ ﻭ ﻓﻴﻦ ﻏﻨﻌﻄﻲ ﺭﺍﺳﻲ ﺍﻭﻳﻠﻲ ﺗﺸﻤﺖ ﺍﻭﻳﻠﻲ ﺿﻴﻌﺖ ﺣﻴﺎﺗﻲ ﻭ ﺣﻴﺎﺕ ﺭﺍﺟﻠﻲ ﻭﻟﻌﺎﻟﻢ ﺍﻟﻠﻪ ﻣﺎﻣﺎ ﻓﺎﺵ ﻗﺮﺍﺕ ﺭﺳﺎﻟﺔ ﺍﺵ ﻭﻗﻊ ﻟﻴﻬﺎ ﺍﻭﻳﻠﻲ ﺗﻘﺖ ﻓﻲ ﺣﻤﺎﺭ ﺑﻐﻞ ﻣﺎ ﻛﻴﺴﻮﺍﺵ ... ﺑﻘﻴﺖ ﺟﺎﻟﺴﺔ ﻓﻲ ﺍﻻﺭﺽ ﻭ ﻛﻨﺪﺏ ﻭ ﻛﻨﻮﻳﻞ ﻋﻠﻰ ﺣﻴﺎﺗﻲ ﻟﻲ ﺿﺎﻋﺖ ﻛﻨﻔﻜﺮ ﺍﺷﻨﻮ ﻏﻨﺪﻳﺮ ﻛﻨﻠﻘﺎ ﺍﻟﺤﻞ ﻭﺣﻴﺪ ﻫﻮ ﻧﻤﺸﻲ ﻧﺘﺎﺣﺮ ﻭ ﻧﺘﻬﻨﺎ ﻭ ﻧﻬﻨﻲ ﻛﻠﺸﻲ ﻣﻦ ﻫﺎﺩ ﺍﻟﻌﺎﺭ ﻟﻲ ﺩﺭﺗﻮ ﻓﻴﻬﻢ ﻏﺎﺩﻳﺔ ﻓﻲ ﺍﻟﻄﺮﻳﻖ ﺟﻴﻬﺖ ﺍﻟﺒﺤﺮ ﺟﺴﺪ ﺑﻼ ﺭﻭﺡ ﺧﺮﺟﺖ ﻋﻠﻰ ﺭﺍﺳﻲ ﺭﺑﻲ ﻋﻄﺎﻧﻲ ﺍﻧﺴﺎﻥ ﻛﻴﺒﻐﻴﻨﻲ ﻭ ﻣﺘﺎﻗﻲ ﺍﻟﻠﻪ ﻭ ﺍﻧﺎ ﻏﺪﺭﺗﻮ ﻋﻠﻰ ﻭﺩ ﻛﻠﺐ ﻣﻜﻴﺴﻮﺍﺵ ... ﻭﺻﻠﺖ ﻟﻮﺣﺪ ﺍﻟﺒﻼﺳﺔ ﻓﻴﻬﺎ ﺍﻟﺤﺠﺮ ﻭ ﺧﺎﻭﻳﺔ ﻭﻗﻔﺖ ﻛﻨﺸﻮﻑ ﻓﻲ ﺍﻟﺒﺤﺮ ﻭ ﺩﻣﻮﻋﻲ ﻧﺎﺯﻟﻴﻦ ﻛﻨﺤﺲ ﺑﺎﻟﺪﻭﺧﺔ ﻏﻤﻀﺖ ﻋﻴﻨﻲ ﻭ ﻳﺎﻻﻩ ﺑﻐﻴﺖ ﻧﻠﻮﺡ ﺍﻟﺠﺴﺪ ﺩﻳﺎﻟﻲ ﻓﻲ ﺍﻟﺒﺤﺮ ﺣﺘﻰ ﻛﻨﺤﺲ ﺑﺸﻲ ﻭﺍﺣﺪ ﺟﺮﻧﻲ ﻣﻦ ﻳﺪﻱ
أنت تقرأ
قصة احببت محتالة (بدارجة المغربية قصيرة و كاملة و جريئة +18 )
Romanceمن روائع قصصي القديمة و كتاباتي القديمة قصة كتحكي على بنت خدامة كتيري الفلوس ديالها من مهنة التمريض و عندها حقها في الزين ...و ليني مشكلتها الوحيدة هي انها بايرة و ماشي غير هادشي ....طوال حياتها كان كيجي راجل وحد لي هو المقدر ليها من صغرها و كانت د...
