ﻋﻴﺴﻰ : ﺍﺵ ﻛﺪﻳﺮ ﻫﺎﺩ ﺯﻳﻦ ﻛﺎﻣﻞ ﻋﻨﺪﻧﺎ ﻓﻲ ﺍﻟﺪﺭﺏ
ﺍﻧﺎ : ﻋﻔﺎﻙ ﺍ ﻋﻴﺴﻰ ﻃﻠﻘﻨﻴﻲ ﻧﻤﺸﻲ ﺍﻟﻠﻪ ﻳﺮﺣﻢ ﺑﺎﻙ .... ﻫﻮ ﻳﻘﺮﺏ ﺣﺘﻰ ﺍﻟﻮﺟﻬﻲ ﻭ ﺧﺮﺝ ﻓﻴﺎ ﻋﻴﻨﻴﻪ : ﺷﻜﻮﻭﻭﻥ ﺍﻳﻤﺎﻥ ﺍﻟﺒﺎﻳﺮﺓ .... ﻭ ﺍﻧﺎ ﻧﺠﻤﻌﻬﺎ ﻣﻌﺎﻩ ﺑﻮﺍﺣﺪ ﺗﺴﺮﻓﻴﻘﺔ ﻳﺘﻠﻒ ﺑﻴﻬﺎ ﺍﻟﻘﺒﻠﺔ ﻭﺧﺎ ﻫﻮ ﻣﺘﻠﻔﻬﺎ ﺍﺻﻼ ﺑﺎﺵ ﻧﻴﺖ ﻳﻌﺮﻑ ﺷﻜﻮﻥ ﺍﻳﻤﺎﻥ ﺍﻟﺒﺎﻳﺮﺓ ﻭ ﺩﻓﻌﺘﻮ ﻭ ﺩﺧﻠﺖ ﻟﺪﺍﺭﻧﺎ ﻣﺴﺤﺖ ﺩﺍﻙ ﺍﻟﺰﺑﻞ ﻣﻦ ﻭﺟﻬﻲ ﻭ ﺍﻧﺎ ﻛﻨﺒﻜﻲ ﺑﺤﺮ ﺟﻬﺪﻱ ﻭ ﻣﺸﻴﺖ ﺗﻜﻴﺖ ﻧﻌﺴﺖ ﻓﻘﺖ ﺗﺎﻝ ﺍﻟﻐﺪ ﻟﻴﻪ ﻣﻊ 2 ﻣﻊ ﺍﻟﻴﻮﻡ ﺍﻟﺤﺪ ﻣﻜﻨﺨﺪﻣﺶ ﻓﻘﺖ ﻋﻠﻰ ﺍﻧﻐﺎﻡ ﻧﺒﻊ ﺍﻟﺤﻨﺎﻥ ﺟﺎﻳﺔ ﻣﻦ ﺍﻟﺴﻮﻕ ﺟﺎﻳﺔ ﻭ ﻛﺘﻌﺎﻳﺮ ﺑﻴﻨﺎ ﻏﻴﻜﻮﻥ ﻏﻼ ﻋﻠﻴﻬﺎ ﻣﻮﻝ ﻣﻄﻴﺸﺔ ﺧﻼﻫﺎ ﻟﻴﻬﺎ ﺏ 1dh ﻧﻌﻢ ﻳﺎ ﺳﺎﺩﺓ ﺍﻧﻬﺎ ﺍﻟﻮﻟﻴﺪﺓ ﺑﺪﺍﺕ ﺑﻴﺎ ﺍﻧﺎ ﻟﻮﻻ ﻣﻊ ﻟﻘﺎﺗﻨﻲ ﻣﺸﺒﺤﺔ : ﻭ ﻧﻮﺿﻲ ﺍﻟﻤﺼﻴﺒﺔ ﻻﻟﻴﺎﺗﻚ ﺗﺰﻭﺟﻮ ﻭ ﻧﺘﻲ ﺧﺎﻣﺮﺓ ﻟﻴﺎ ﻫﻨﺎﻳﺎ
( ﻫﺎﻫﻴﺎ ﺑﺪﺍﺕ ﻓﻲ ﺍﻻﺳﻄﻮﺍﻧﺔ ﺗﺎﻧﻲ ) ﻭﻫﻮ ﻳﻬﺒﻂ ﺧﻮﻳﺎ ﻋﺼﺎﻡ ﻭ ﻫﻲ ﺍﻟﺪﻭﺭ ﻟﻴﻪ ( ﺍﻟﺤﻤﺪﺍﻟﻠﻪ ) : ﻫﺪﺍﻙ ﺍﻟﺒﻴﻄﺎﻟﻲ ﺭﺍﻙ ﺭﺍﺟﻞ ﺯﻋﻤﺎ ﻭ ﺑﺸﻼﻏﻤﻚ ﻭ ﺑﺎﻗﻲ ﺩﻭﺭ ﻟﻴﺎ ﻫﻨﺎ ﻻ ﺧﺪﻣﺔ ﻻ ﺭﺩﻣﺔ ﻭ ﺣﻨﺎ ﻧﺼﺮﻓﻮ ﻋﻠﻴﻚ .... ﻫﻮ ﻳﺪﻭﺭ ﻟﻌﻨﺪﻱ : ﻣﺎﻟﻬﺎ ... ؟؟ ﺍﻧﺎ : ﻭﻗﻴﻼ ﺯﺍﺩﻭ ﻓﻲ ﻣﻄﻴﺸﺔ ﺍﻟﺘﻤﺎﻥ ... ﻭ ﻫﻲ ﺗﺸﻴﺮ ﻋﻠﻴﺎ ﺑﺼﻨﺪﺍﻟﺔ ﻧﻀﺖ ﻋﻠﻰ ﺳﻌﺪﻱ ﻭ ﻋﺪﻱ ﻛﻨﻌﺎﻭﻥ ﺍﻟﻮﻟﻴﺪﺓ ﻣﺸﻴﺖ ﺣﺪﺍ ﺍﻟﻌﺘﺒﺔ ﺩﻳﺎﻝ ﺍﻟﺒﺎﺏ ﻛﻨﺠﻔﻒ ﺑﻘﻴﺖ ﻓﻴﻬﺎ ﺳﺎﻋﺔ ﺑﺎﺵ ﻻ ﺩﺍﺯﺕ ﺷﻲ ﻣﺮﺓ ﺗﺸﻮﻓﻨﻲ ﺣﺎﺩﻛﺔ ﻭ ﺗﺰﻭﺟﻨﻲ ﻭﻟﺪﻫﺎ ﻭ ﺗﻘﻮﻟﻴﻴﻲ ﺩﺍﺯﺕ ﺷﻲ ﻭﺣﺪﺓ ﻣﺎﻋﺪﺍ ﻭﻗﻒ ﻋﻠﻴﺎ ﻋﻴﺴﻰ ﺳﻜﺮﺍﻥ ﺻﺎﺣﻲ ﻫﺎﺩ ﺍﻟﻤﺮﺓ : ﺳﻼﻡ ﺧﺘﻲ ﺍﻳﻤﺎﻥ
ﺍﻧﺎ : ﺻﺎﻓﻲ ﺻﺤﻴﺘﻲ ﺩﺑﺎ
ﻋﻴﺴﻰ : ﺭﺍﻩ ﻧﺘﻲ ﻋﺎﺭﻓﺔ ﻓﺎﺵ ﻛﻨﻜﻮﻥ ﻣﺎﻛﻨﻜﻮﻧﺶ ﻭ ﻧﺖ ﻭ ﺍﻧﺎ
ﺍﻧﺎ : ﻣﻦ ﺍﻻﺧﺮ ﺍﺵ ﺑﺎﻏﻲ
ﻋﻴﺴﻰ : ﺭﺍﻩ ﺑﻐﻴﺖ ﻧﺘﺰﻭﺝ ﺑﻴﻚ .
ﺍﻧﺎ ﺑﺘﺎﺳﻤﺖ ﻭ ﻫﺰﻳﺖ ﻟﺒﻴﺠﻤﺎ ﻣﻊ ﻛﺎﻧﺖ ﻃﻮﻳﻠﺔ ﻭ ﻫﺰﻳﺖ ﻋﻠﻴﻪ ﻛﺮﺍﻃﺔ ﻫﻮ ﻫﺮﺑﺎﻥ ﻭ ﺍﻧﺎ ﺗﺒﻌﺎﻩ ﻭ ﺍﻟﺤﻮﻣﺔ ﻛﻠﻬﺎ ﻛﺘﻔﺮﺝ ... ﺻﺎﻓﻲ ﺭﺟﻌﺖ ﻟﺪﺍﺭ ﻛﻨﻮﻋﻮﻉ ﺑﻘﺎﻟﻴﺎ ﻏﻴﺮ ﻋﻴﺴﻰ ﺳﻜﺎﻳﺮﻱ ﻓﻲ ﺍﻟﺤﺴﺎﺏ ﺷﺎﻓﻨﻲ ﺍﻟﻮﻟﻴﺪ : ﻣﺎﻟﻚ ﺍﺑﻨﺘﻲ ... ﻣﺸﻴﺖ ﻋﻨﻘﺘﻮ ﻭ ﺟﻠﺴﺖ ﺣﺪﺍﻩ : ﺑﺎﺑﺎ ﻭﺍﺍﺍﺍﺍﺍﺍﻉ ﻣﺒﻐﻲ ﺗﺎ ﻭﺣﺪ ﻳﺘﺰﻭﺟﻨﻲ
ﺑﺎﺑﺎ : ﻫﻬﻬﻬﻪ ﻫﺪﺷﻲ ﻟﻲ ﻣﺒﻜﻴﻚ ﺍﻧﺎ ﻣﻨﺴﺨﺎ ﻧﻌﻄﻴﻚ ﻟﺤﺪ
( ﻣﻦ ﻧﻴﺘﻮ ﻛﻴﻬﺪﺭ ﻫﺎﺩ ﺍﻟﺴﻴﺪ (
ﺍﻧﺎ : ﻭﻻ ﻻ ﻻ ﻛﻠﺸﻲ ﻛﻴﻌﻴﻂ ﻟﻴﺎ ﺍﻟﺒﺎﻳﺮﺓ
ﺑﺎﺑﺎ : ﻻ ﻻ ﺑﻨﺘﻲ ﺯﻭﻳﻨﺔ ﻭ ﺑﺎﻗﺎ ﺻﻐﻴﻮﺭﺓ ﻏﻴﺮ ﻛﻴﻐﻴﺮﻭ ﻣﻨﻚ .... ﺍﻧﺎ ﺿﺤﻜﺖ ﻭ ﺑﺪﻳﺖ ﻛﻨﻤﺴﺢ ﺩﻣﻮﻋﻲ ... ﻫﻮ ﻳﺠﻲ ﻋﺼﺎﻡ ﻭ ﺟﻠﺲ ﻗﺪﺍﻣﻨﺎ : ﺑﺎﺑﺎ ﻣﺎﻝ ﺍﻟﺒﺎﻳﺮﺓ ﻛﺘﺒﻜﻲ .... ﺍﻧﺎ : ﻭﺍﺍﺍﺍﺍﻉ ﺷﺘﻲ ﺷﺘﻲ .. ﻭﻫﻮ ﻳﺸﻴﺮ ﻋﻠﻴﻪ ﺑﺎﺑﺎ ﺑﺘﻜﻠﻤﻮﻧﺪ ﻣﺠﺎﺗﺶ ﻓﻴﻪ ﻫﻮ ﻳﻬﺮﺏ ﺍﻟﻔﻮﻕ ﻭ ﺑﺎﺑﺎ ﻫﺰ ﻓﻮﻗﻴﺘﻮ ﻭ ﺗﺒﻌﻮ ﻛﻴﺠﺮﻱ ﻭﺧﺎ ﻛﺎﻥ ﻏﻴﻄﻴﺢ ﺑﻌﺪﺍ ﻏﻴﺒﺮﺩ ﻟﻴﺎ ﺟﻨﻮﻧﻲ ﻓﻲ ﺍﻟﺒﺮﻫﻮﺵ ﺍﻟﻤﺼﻨﻦ ﺍﻟﺨﺎﻧﺰ ﻻﺧﻮﺭ
أنت تقرأ
قصة احببت محتالة (بدارجة المغربية قصيرة و كاملة و جريئة +18 )
Romanceمن روائع قصصي القديمة و كتاباتي القديمة قصة كتحكي على بنت خدامة كتيري الفلوس ديالها من مهنة التمريض و عندها حقها في الزين ...و ليني مشكلتها الوحيدة هي انها بايرة و ماشي غير هادشي ....طوال حياتها كان كيجي راجل وحد لي هو المقدر ليها من صغرها و كانت د...
