Villafuente Empire book 1: mystery guy

T.E.A.S.E.R

Si Kristalyn ay simpleng babae, maganda at matatawag siyang 'luckiest girl' dahil ang buhay niya ay halos perpekto na. Siya ang nag-iisang anak na babae sa kanilang pitong magkakapatid. Binuhos sa kanya ang lahat ng atensyon at pag-aaruga ng mga magulang niya. Lahat ng materyal na bagay ay abot-kamay niya, at wala na siyang mahihiling na higit pa doon.

Ngunit sa kabila ng maranyang buhay na natatamasa niya, napagtanto niya ang mga kakulangan sa buhay niya sa pagtanda niya. Nais niyang mamuhay ng simple at maging malaya. Gusto niyang makuha ang mga materyal na bagay sa sarili niyang sikap at tiyaga. Alam niyang hindi magiging madali ang mithiin niya, pero buo ang loob niya sa pagkamit nito.

Para kasi sa kanya, nagmistula siyang ibong nakakulong sa hawla. Gusto niyang kumawala sa mundo na iyon, kaya nang mabigyan siya ng pagkakataon ay nilubos na niya. Walang damang takot o pangamba, sumama siya sa kanyang nakatatandang kapatid na si Trevor nang nagbalak itong lumuwas papuntang Maynila. Alam niyang isa itong malaking pagsubok, pero inihanda na niya ang sarili sa lahat ng suliraning sasagupain; haharapin niya ito ng buong tapang.

Hindi siya nabigo sa unang layunin niya; ang pagsikapan ang bawat salaping mahahawakan at igagasta niya. Nakakuha siya ng trabaho sa Emerald Corporation, daan para matustusan niya ang pangangailangan niya at pangkain sa araw araw. Napag-aral niya ang sarili sa isang unibersidad, maganda ang reputasyon niya doon at nagkaroon siya ng mataas na marka. Alam niyang simula pa lamang ito, gayunpaman; magiging matatag siya sa mga dadating na pagsubok.

....

Si Denson ay gwapo at isang multi-billionaire. Siya ang nagmamay-ari ng Emerald Corporation kung saan nagtratrabaho si Kristalyn. Hindi siya marunong magseryoso ng babae at laruan niya lamang ang mga ito. Hindi rin siya naniniwala sa pag-ibig at hindi niya pa ito nararamdaman. Ngunit nagbago ang pananaw niya sa babae, at maging sa pag-ibig nang makilala niya si Kristalyn..