فريسة الذئب

الفصل الخامس

في منزل مهجور بعيد كان يجلس على كرسي خشبي ينظر لها و هي تجلسا أرضا مكبله اليدين ولا تزال بذلك الكيس القماشي الأسود

أشعل سيجاره أخذ نفسا عميقا لينفخه في وجهها سعلت بقوة فهي تكره الدخان نظر لها بأبتسامه خبيثه قائلا
: ها فكرتي

: أفكر في ايه أنت واحد مجنون

: تؤ تؤ تؤ يا قطه مش ينفع كده كده انا ازعل و انا زعلي وحش خلينا اصحاب احسن

: انت انسان قذر

أمسكها قصي من شعرها بقوة : لمي لسانك أحسنلك

بصراخ : أنت عاوز ايه

: قولتلك هو يوم واحد بس و قصاده كل ال انتي عاوزاه هتاخديه

: نجوم السما اقربلك مني

: هههه ما بلاش جو العظمه ده يخدك ده انتي في مكاني و تحت أيدي يعني لو عاوز هاخد فكري يا قطه هرجعلك تاني

تركها و ذهب لتلعن حظها لما؟ ماذا فعلت لتقع مع شخص كهذا؟

____________________

اما في مكان أخر أخذها معه إلى منزله لم يطمع بها فقط اعطاها غرفه و أمر الخادمه بخدمتها و ذهب إلى غرفته

كانت تجلس بالغرفه شعرت بدوار شديد و ألم بمعدتها
: يا نورا يا نورا

اتت الخادمه ركضا : ايوه ايوه يا ست هانم

: بطني بتوجعني و حسه بدوخه

: حالا هعملك حاجه مسكره يمك...

لم تكمل الخادمه جملتها فقد قاطعتها رنيم تركض إلى المرحاض و ما إن دخلت حتى أفرغت ما بمعدتها تحاملت على نفسها تحاول الوقوف لاكن خانها جسدها رأت كل شئ مشوش لتغمض عينيها و تذهب إلى عالم مظلم كئيب

: يلهوووي ست رنيم يا ست رنيم ألحقني يا غسان بيه

ركضت الخادمه إلى الخارج : يا غسان بيه يا غسان بيه

خرج غسان شبه نائم : ايه ايه عايزه ايه في نص الليل مش شيفاني نايم

قالت و هي تلهث : ست..رنيم ..وجعت في الحمام

ركض غسان إلى غرفة رنيم وجدها نائمه في أرض الحمام حملها لاحظ شحوب بشرتها
: نورا هاتي تلفوني بسرعه

: حاضر يا غسان بيه

ركضت نورا احضرت هاتف غسان من غرفته و عادت له في غرفة رنيم
: اتفضل يا غسان بيه

أخذ الهاتف ليضرب عدة ارقام أتصل ليجيب الجانب الاخر

: غسان باشا عاش من سمع حسك يا راجل

: تعلالي حالا الفيلا

بقلق : خير في ايه و صوتك ماله

: مش وقته بسرعه يا حازم اقل من نص ساعه و تكون ادامي