فصليه الشيخ سطام(لم تجفُ الدماء)

المقدمه

لج اكو واحد ايحب كتال اخوو؟ 

اي اني احبج و اعشكج من ساسج لراسج انتي كلي الي افتهمتي

وذا فكرتي بغيري لو رحتي لغيري ويشوفج غيري طلقه براسج وما اخليج اتروحين لغيري

انتي كلج الي وبس انخلقتي الي و احنه اهل عشاير اذا انحب نبتلي مو بس انحبج نعشكج كلج

وذا اطبين بكلبي محد يكدر ايطلعج منه بس الخلقج واحنه يا نعيش سوه يا انموت سوه

~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~

اني حبيتك من كل كلبي حبيتك حب مصاير عشكتك عله كولتك بكل تصرفاتك حبيتك بكل عيوبك حبيتك

حبيت حته عيوبك حبيت تصرفاتك تفاصيك لك حفضتك اكثر من امك و سامحتك هواي

وكل ما اسامحك اتكول بعد ما ازعلج و ما اخلي دمعه تنزل من عينج لك خليتني ابجي اكثر

لك كل وعودك جذب اتمنه توعد بشي و تنفذه كلت ما اضربج و تضرب و تكسر و طيحت حضي

اتكول ما ازعلج ولا اخلي دمعتج تنزل واني كل ما انام ابجي يله وانام والدمعه بعيني

و كلت يله اتحملي يتغير هوه ايحبج وشاريج و طعنتني هواي و سامحت هواي بس

اعذرني هل مره ما اسامحك لان ما اتوقعت تتعطني هل طعنه

و انساني و عوفني اعتقني يا اخي ما اريدك بعد عوفني شفت وياك كم يوم حلوو

وباقي الاياام كله سم  طلكني يا اخي عوفني انساني انسه كل شيء حلو ويايه

انسه كل لحضه ويااك

لان لا اني الي كادره افهمك ولا انته الي اتحاول تفهمني عيشتنه مختلفه اني ويااك

اذا اتحبني عوفني هسه  وخليلك هسه ذكرئ حلوه بكلبي خلي حب الك هسه بكلبي لتخلي كله كره

~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~

ما راح اعوفج لو تنطبك السمه علئ الكاع و ارجع و اكول طلاق ماكو و انتي الي متصيرين لغيري

وخلي اشوفن يا زلمه الي يطلكج وذا فكرت اطلكج تحرمين تزوجين غيري لو تنزفين لغيري

وتحلمين ينام بحضنج غيري لو يمسد عله شعرج انتي الي وكلج الي من ساسج لرسج

وذا فكرتي تزوجين  شايفه الفستان الابيض الي تلبسي راح ايكوون احمر

خلي هل كلام ترجيه ب اذنج