احببتُ قَاسىٍ ♥️(completed)

#1

كان هناك فتاه جميله تدعي ساره تعيش مع والديها ساره كانت تحب حياتها بشده وتحب والديها ولم يكن لديها اشقاء وكانت في السنه الرابعه من كليه الهندسه وفي يوم

ساره:صباح الخير يا بابا.. صباح الخير يا ماما
الاب و الام:صباح الخير يا حببتي
الام:رايحه علي فين يا ساره
ساره:رايحه الجامعه يا ماما عندي محاضره مهمه اوي النهاردا
الاب:ماشي يا حببتي ربنا معاكي بس متتأخريش علشان في موضوع مهم عاوز اكلمك فيه
ساره:حاضر يا بابا.. سلام
الام:طب افطري الاول
ساره:معلش يا ماما مش هعرف انا متأخره
الاب:خلاص يا حببتي بس كُلي حاجه
ساره:حاضر يا حبيبي هجيب اكل مع نور
الاب:ماشي يا بنتي ربنا معاكي
ساره:يا رب يا بابا.. سلام
الاب و الام:سلام
توجهت ساره بصحبه نور صديقتها الوحيده الي الجامعة
و بعد انتهاء المحاضرات ودعت ساره صديقتها و اتجهت الي المنزل و هي في قمه سعادتها و لا تعلم ما يخبئ لها القدر
_____________________
في مكان اخر
استيقظ يوسف من نومه علي طرقات علي باب غرفته
يوسف بانزعاج :في اي علي الصبح
الخادمه :انا اسفه يا يوسف بيه بس البيه الكبير عاوز حضرتك
يوسف:طيب غوري قوليلوا جاي
الخادمه:حاضر يا فندم
(يوسف صبري ٢٦ سنه خريج كليه السن يعمل بشركه والده الخاصه بالترجمه لديه صديق وحيد يدعي محمد )

استيقظ يوسف من نومه و اتجه الي المرحاض واستحم ارتدي بدله رماديه انيقه ثم نزل حيث يقبع والده
يوسف:صباح الخير
صبري:صباح الخير يا يوسف اقعد
جلس يوسف علي المقعد المقابل لوالده
يوسف:حضرتك طلبتني اقدر اعرف اي السبب
صبري:السبب اننا هنتعاون مع شركه جديده
يوسف:تمم.. اقدر اعرف شركه مين
صبري:شركه سالم السيوفي
يوسف:تمم امتي هنمضي العقود
صبري:العقود مش هينفع تتمضي غير بشرط من شروط صاحب الشركه
يوسف:و هو من اولها بيتشرط خلاص مش مهم الصفقه دي ممكن نتعاون مع شركه تانيه احنا شركتنا كبيره و اعتقد ان في شركات كتير اووي هتبقي عاوزه تتعاون مع شركتنا

صبري:انا معاك في كلامك بس دي صفقه مهمه و انا مش هتراجع عنها لاي سبب الشركه كويسه و لازم الصفقه تتم

يوسف:اقدر اعرف الشرط
صبري: الشرط اللي هو حاطه ان التعاون دا مش هيتم غير عن طريق حاجه واحده بس
يوسف:اقدر اعرف اي هيا الحاجه دي
صبري:....
********************
عند ساره
عادت الي منزلها وكانت سعيده لانها حصلت علي تقييم جيد
ساره:ماما... بابا انتوا فين
الام:احنا هنا يا حببتي تعالي... اتجهت ساره الي غرفه الجلوس الذي يقبع بها والديها
ساره:باركولي
الام و الاب :علي اي يا حببتي
ساره:علي تقييمي انا اتقيمت اني ممتازه و مش بس كدا و كمان ليا فرصه للشغل تبع الجامعه في New York
الاب بصدمه:انتي بتقولي ايه
ساره:هسافر يا بابا و احقق احلامي اخيرا خلاص هوصل للي انا عاوزاااه
الام:بس يا بنتي يعني اصل مش هينفع انك ... يعني اصلك
ساره بتعجب:فيه ايه يا ماما اصل اي و فصل اي انا مش فاهمه حاجه حضرتك متوتره كدا ليه
الام:......
ساره:مالك يا ماما سكتي ليه
الاب:تعالي معايا يا ساره
ساره:حاضر يا بابا و اتجهت معه الي مكتبه
الاب:ساره بصي يا بنتي انتي كبرتي و اكيد مش هترضي ان ابوكي و امك يتبهدلوا علي اخر ايامهم

ساره:فيه ايه يا بابا حضرتك قلقتني اوووي ارجوك قول بلاش اللعب بالاعصاب دا
الاب:و لا لعب و لا حاجه يا بنتي كل الحكايه يعني انه.. بصراحه كدا... بصي يا ساره الشركه ممكن تفلس و نطرد من البيت لو ماتعاوناش مع شركه  صبري الفهد و انتي اكيد مش هترضي كدا

ساره:اكيد طبعاً يا بابا بس انا دخلي اي في الموضوع دا يعني في ايدي اي اقدر اعمله
الاب:في ايدك يا بنتي تساعديني و تخلي التعاون دا يتم 

ساره:مش فاهمه ازاي يعني اساعد حضرتك.. يعني اساعد حضرتك في اي انا معرفش حاجه عن شغل حضرتك هساعدك ازاي بس

الاب:المساعده مش هتكون بمعرفه الشغل يا بنتي انا عارف انك ملكيش في الشغل دا

ساره:مش عن طريق الشغل امال عن طريق اي يا بابا انا حقيقي مش فاهمه حاجه ممكن حضرتك توضح اكتر
الاب:بصي يا ساره بصراحه كدا التعاون دا هيتم عن طريق.. عن طريق الج...
ساره:عن طريق اي يا بابا كمل انا سامعه حضرتك ايه يا بابا
الاب:هيتم عن طريق الجواز هتتجوزي ابن صبري الفهد
___________________
يوسف:جواز.... جواز اي اللي انت بتتكلم عليه انا مش هتجوز حد و ان شا الله ما عن التعاون دا ما تم انت حر في اللي عاوز تعمله بس انا مليش دخل خرجني برا لعبتك انا مش هتجوز حد انت فاهم

صبري :أولاً مسميش انت ثانياً لا مش فاهم و بعدين اتكلم عدل يا يوسف و الجوازه دي هتم يعني هتم و انت اخبط راسك في الحيطه
يوسف بغضب:يعني اي هيتم هو غصب بقول مش عاوز اتجوز انت اي مبتفهمش

ما ان انهي جملته حتي تلقي صفعه جعلته كاد ان يسقط و لكنه تمالك نفسه
صبري بغضب :اخر مره تتكلم كدا و افهم ان انت بتتعامل مع ابوك مش مع واحد صحبك كتب الكتاب الخميس الجاي و من غير نقاش انت فاهم  اتفضاااال انهي جملته بصراخ

تركه يوسف و انصرف و قد شعر بالغضب الشديد و اخذ يتوعد لهم جميعاً
___________________
ساره:جواز
الاب:اه يا بنتي
ساره:بس انا مش عاوزه اتجوز يا بابا و بعدين انا عاوزه اسافر و اشتغل و ابني كريري و احقق احلامي اللي اتمنتها كتير 

الاب:خلاص يا بنتي علي راحتك انا مش هغصب عليكي حاجه علي العموم انا هبلغه بس قولي لامك و لموا الحاجه علشان نمشي من هنا

ساره:نمشي... لا يا بابا احنا مش هنمشي و متكلمهوش انا.. انا موافقه اتجوز ابنه

الاب:لايا بنتي لو مش عاوزه بلاش... بلاش تعملي حاجه غصب عنك
ساره:لا يا بابا انا موافقه
الاب:ربنا يبارك في عمرك يا بنتي و يحفظك
ساره:شكرا يا بابا
الاب:جهزي نفسك يا بنتي علشان كتب الكتاب الخميس الجاي
ساره :حاضر يا بابا.. عن اذن حضرتك
و تركته و اتجهت الي غرفتها و ظلت تبكي بحرقه الي ان غفت من كثره البكاء
__________________________________
يتبع...........
هاي يا شباب دي القصه الجديده اتمني يكون البارت عجبكوا واتمني تقولولي اكملها ولا لا و ان شاء الله لو لقيت تفاعل هنزل الجديد 🤔
دمتم سالمين 😘♥️