احببتُ قَاسىٍ ♥️(completed)

#3

مرت الايام وكانت ساره كلما اقترب موعد موعد اللقاء تشعر بالحزن علي نفسها واحلامها كما انها تشعر بالخوف مما هو قادم
كانت تجلس بغرفتها شارده الذهن تفكر فيما ستفعل بعد زواجها من ذلك الرجل الذي لم تراه من قبل ولكن قطع شرودها
امال:اي يا ساره يا حببتي مالك
ساره:ولا حاجه يا ماما انا بس كنت بفكر في مشروع الجامعه و...
امال:ساره متخبيش عليا انا عارفه ان مش دا اللي شاغل بالك احكيلي يا حببتي دا انا ماما
ساره:صدقيني يا ماما مفيش حاجه انا بس مشغوله بالمشروع شويه علشان معاد التسليم قرب و انا  خايفه و متوتره شويه
امال:لا يا حببتي متخافيش انتي عملتي اللي عليكي وان شاء الله ربنا هيكرمك وهتبقي الاولي زي كل سنه
ساره:ان شاء الله يا ماما
امال :طب مش هتاكلي
ساره:معلش يا ماما مليش نفس كلوا انتوا
امال:يا بنتي انتي مأكلتيش حاجه من امبارح
ساره:معلش اول ما احس اني جعت هاكل علي طول صدقيني
امال:علي راحتك يا حببتي
ثم تركتها وغادرت الغرفه
امال:مفيش فايده يا سالم مش عاوزه تاكل حاجه خالص
سالم:طب وبعدين يا امال البنت بتروح مننا خلاص انا مش عاوز فلوس ولا شركه ولا حاجه انا هطلعلها واقولها متتجوزش انا معنديش استعداد اخسرها
امال:اللي انت عاوزه يا سالم
اتجه سالم الي غرفه ساره وطرق الباب ثم دخل
سالم:صرصورتي مالها
ساره:صرصورتك كويسه يا سلومتي
سالم:مهو باين عليها مش عاوزه تخرج من اوضتها ولا حتي عاوزه تاكل مع سلومتها
ساره:والله مش كدا انا بس مليش نفس يا سلومتي
سالم:خلاص وانا كمان مش هاكل ومش هاخد الدوا ومش هعمل حاجه ها
ساره:بابا انت لازم تاكل وتاخد الدوا علشان ماتتعبش
سالم:وانا مش هاكل ولا هاخد الدوا غير لما تاكلي معايا
ساره:بس..
سالم:مفيش بس هتاكلي هاكل.. مش هتاكلي مش هاكل و مش هاخد الدوا
ساره:حاضر يا بابا هاكل معاك يالا بينا
سحبها سالم وعانقها
سالم:احكيلي مالك يا بنتي انتي متغيره ومكتئبه وبنتي مش كدا لو كل دا بسبب الجواز ارفضي يا بنتي بس مشفكيش في الحاله دي مشفكيش بضيعي قدامي وانا مش عارف الحقك انا مش فارق معايا ولا فلوس ولا حتي الشركه ولا البيت اللي فارق معايا انتي انتي وبس يا بنتي لاني انا وامك ملناش غيرك

عانقته ساره وهي تقول في نفسها:يا رتني كنت اقدر ارفض بس لا مش هسمح انك تخسر حاجه من اللي انت تعبت علشانها كل السنين اللي فاتت دي عشاني يا بابا انت تعبت معايا كتير و جه وقت رد الجميل دا
ساره:لا يا بابا انا كويسه مفياش حاجه انا بس قلقانه من المشروع و ضغوط المذاكره ومتخافش عليا انا كويسه وبعدين مين اللي قالك ان موضوع الجواز هو اللي عامل فيا كدا ها
سالم:يعني انتي موافقه علي الجوازه دي
ساره:طبعاً موافقه و بعدين مش انت و ماما علطول بتقولوا ان البيت ملهاش الا بيت جوزها صح و لا انا بكذب
سالم:لا صح ياختي دلوقتي بقا يا حببتي يالا ناكل
ساره :اممم موافقه.. يالا يا سلومتي
سالم:يالا يا قلب سلومتك
و اتجه معها الي الاسفل لتناول الطعام
_____________________
عند يوسف
اصبح يوسف ينهك نفسه بالعمل واصبح عصبي للغايه وكل العاملين اصبحوا يتجنبون عصبيته تلك بتنفيذ اوامره دون نقاش علي غير العاده
محمد:ارحم نفسك يا يوسف انت عمرك ماكنت كدا انت بقيت بتشتغل كتير وبقيت عصبي بطريقه غريبه كل دا علشان موضوع الجواز دا
يوسف:انا كويس مفياش حاجه
محمد:مهو واضح يابني دا انت طارد الاسبوع دا بتاع ييجي ٨ موظفين وبتقولي كويس امال لو مش كويس كنت عملت اي يوسف يا حبيبي لو مش عاوز تتجوز ماتتجوزش بس متعملش اللي انت بتعملوا دا
يوسف:محمد انا قلتلك اني كويس وبعدين اي اللي انا بعملوا كل اللي اطردوا دول غلطانين وكان لازم يتعاقبوا

محمد:يتعاقبوا علي ايه يا يوسف انت بتتلكك علشان تطرد وبتدي لنفسك مبررات انت بس اللي مقتنع بيها تقدر تقولي  هنا انت طردتها ليه من غير ما تعمل حاجه و ماتقوليش ان كل دا علشان جابتلك ورق شركه غير اللي طلبتها وبعدين انت من امتي بتطرد حد انت كنت بتخصم منهم ايام لكن عمرك ماكنت قاسي اوي كدا و بتقطع عيش حد انت بقيت غريب يا يوسف حتي انا بقيت حاسس اني معرفكش انت من امتي وانت كدا

يوسف:انا طول عمري كدا بس انت اللي مش واخد بالك من دا
محمد:انت بتضحك عليا ولا علي نفسك يا يوسف اعترف لمره واحده انك غلطان
يوسف بعصبيه وصوت عالي :انا اللي غلطان.. بردو انا اللي غلطان انا اللي بغصب عليه يتجوز من واحده ميعرفهاش واكيد هي واهلها طمعانين فيه  مش كدا ماترد عليا سكت ليه عرفت اني مش غلطان انا علي حق يا محمد وخليك فاكر كدا كويس

محمد:فاكر ايه فاكر انك اناني وميهمكش غير نفسك انا عارف انك مرييت بظروف وحشه كتير في حياتك يا يوسف وشفتك ناس وحشه كتير وعارف انك مش بتحب ابوك بس دا مش مبرر علشان تبقي وحش انت كمان وبعدين حرام عليك يا اخي تظلم البنت معاك انت ليه مفكر انها طمعانه فيك هو يعني انت كنت شفتها يا يوسف علشان تقول كدا

يوسف:لا مشفتهاش ولو عليا مش عاوز اشوفها ومن غير ماشوفها هي طمعانه فيا وفي الثروه اقولك ليه يا محمد لان ابوها اشطرت علي ابويا اني لو ماتجوزتهاش مش هيتمم الصفقه ويضم الشركتين عرفت ليه يا محمد بقول كدا بس ماشي هتجوزها واتمم الصفقه وبعدها متلومش غير نفسها

محمد:براحتك يا يوسف بس انا بقولك تاني اوعي تظلم حد يا يوسف اوعي امك كانت ديما بتقولك كدا ومن الواضح انك نسيت كلامها ليك او يمكن من كتر قعدتك مع ابوك يا يوسف بقيت شبهه
عمتاََ افتكر كلامي كويس انا مش معاك في اي حاجه بتعملها او هتعملها سلام يا صاحبي

غادر محمد المكتب وترك يوسف يفكر في كلامه ولكن الانتقام كان هو المسيطر عليه و قد اقنع  نفسه انه معه حق وتوعد بالانتقام لكل من سبب له ضررا 
__________________________________
يتبع..........
اتمني يكون البارت عجبكوا انا طولتوا قد ماقدرت اتمني تتفاعلوا علشان انزل الجديد قريب 😉👌
                        See you soon ♥️😘

Vot🥀
Comment🍀