مرت الايام وجاء ذلك اليوم التي لطالما كرهته ساره
يوم كتب كتابها علي ذلك المجهول الذي لم تراه او تتحدث معه لا تعرف عنه سوي اسمه
امال:ايه يا ساره يا حببتي كل دا لسه مجهزتيش
ساره:خلاص يا ماما هجهز اهو
امال:طيب بسرعه يا حببتي احسن الاستاذ صبري كلم باباكي وهما في السكه دلوقتي
ساره:حاضر يا ماما هلبس حاضر
امال:طيب يا حببتي اسيبك انا تجهزي
ساره:ماشي يا ماما
تركتها امال وغادرت الغرفه اخذت ساره فستانها من الخزانه و وضعته علي الفراش ثم اتجهت الي المرحاض
خرجت امال من غرفه ساره واتجهت الي المطبخ لتطمئن ان الطعام قد اُعِد
امال:ها يا شيف الاكل جهز
الشيف:اه يا فندم كدا كل حاجه تمم
امال:تمم حضروا البوفيه وتفتحوه بعد مانكتب الكتاب علي طول
الشيف:تمم اي اوامر تانيه
امال:لا كدا خلاص
ثم تركت المطبخ وغادرت ثم وجدت من ينادي عليها
امال:أهلاً يا نور ازيك يا حببتي
نور:الحمد لله يا طنط وحضرتك عامله اي
امال:الحمدالله يا حببتي ايه الحلاوه دي
نور:تسلمي يا طنط... امال فين ساره
امال:في الاوضه يا حببتي بتجهز نفسها
نور:ماشي يا حببتي
اتجهت نور الي غرفه ساره و طرقت الباب ولكنها لم تجد رد فطرقته مره اخري و لم تسمع رد فقامت بفتح الباب و اتجهت الي الداخل
سما:ساره.... ساره... سااااااراااااه
خرجت ساره من المرحاض واتجهت الي نور
ساره:نونو انتي هنا من امتي
نور:من حبه... مبروك يا عروسه
ساره بسخريه:عروسه... ههههه.. ضحكتيني يا نور و الله مع اني مش عايزه اضحك بس مش مشكله
نور:يا ستي فكي شويه انتي متعرفيهوش مش ممكن يكون كويس و ابن ناس وتحبوا بعض وتجيبوا بيبيهات حلوين زيي كدا و تسموهم علي اسمي
ساره:ايييييي متفوقي شويه يا نور بقولك منعرفش بعض وبعدين ازاي كويس وهو هيتجوز واحده من غير حتي ما يعرف رأيها ولا يشوفها
نور:مش شرط يكون مش كويس مش يمكن يكون بيحبك مثلا يا قمر انت
ساره:يحب مين يا نور انتي اتهبلتي هقولهالك تاني احنا منعرفش بعض بطلي تستخدمي خيالك
نور:ممكن يكون كان مراقبك مثلا
ساره:نور بطلي تقرائي روايات كتير يا حببتي احسن بجد الروايات لحست عقلك
نور بعبوس :كدا يا صرصور انا عقلي اتلحس طب زحلانه منك
ساره :اتفلقي
نور:كدا طب ماشي مش هساعدك في المكياج
ساره:مش محتاجه مساعده ياختي انا مش عاوزه احط ميكاب اصلا
نور:ماشي يا ختي البسي بقا لانهم زمانهم جايين
ساره بحزن:طيب
نور:متقلقيش يا ساره ان شاء الله يا عمري كل شئ هيبقي بخير وان شاء الله يكون بني ادم كويس ويراعي ربنا فيكي و يحبك زي مانا بحبك كدا
ساره:ان شاء الله يا حببتي😂😂😂
______________________
صبري :ايه يا استاذ الناس مستنيين ممكن تخلص
محمد:اهدي يا عمي يوسف خلاص لبس
صبري:طيب يا محمد عقل صحبك وخليه ينجز علشان الناس مستنين
محمد:حاضر يا عمي اتفضل حضرتك واحنا هنحصلك
صبري:ماشي انا مستني في العربيه
محمد:ماشي
يوسف:انا مش رايح معاك
صبري :نعم ياخويا انت اتجننت
يوسف:محمد معلش تقول لعم فايز يجهزلي عربيتي
صبري :انت هتروح معايا ومفيش كلام غير دا
يوسف:محمد قول لعم فايز يجهزلي عربيتي
صبري بغضب:يوسف هو انا مش بكلمك وقولتلك منتاش رايح غير بعربيتي انت فاهم
يوسف:لا مش فاهم ودا اللي عندي يأما هروح بعربيتي يأما مش رايح واتجوزها انت ودا اخر كلام انت فاهمني
محمد:استاذ صبري انا بقول نسيبه علي راحته احسن علشان نعدي الليله دي علي خير
صبري:ماشي يا يوسف بس دا اخر تحذير ليك انا تحت وخمس دقايق وتكون تحت انت سامعني
محمد:اوعدك اقل من الخمس دقايق وهيكون تحت
غادر صبري الغرفه وهو في اشد حالات غضبه
محمد:مكنش له داعي اللي انت عملتوا دا يا يوسف
يوسف:محمد بص انا مش ناقصك وارجوك بلاش كلام في الموضوع دا علشان انا جايب اخري
محمد:حاضر يا يوسف انا هسكت خالص اهو
يوسف:يكون احسن
محمد:شكراً يا ذوق😂😂😂
يوسف:العفو يا حبيبي😂😂😂
محمد:انا مش حبيب حد يا عم
يوسف:طب يالا ننزل بدل ما اغير رأيي
محمد:لا وعلي اي الطيب احسن يالا بينا
يوسف:يالا ياخويا
و اتجه الي الاسفل و استقل يوسف و محمد سيارته ذاهبا الي منزل المدعوه ساره الذي لا يعرف شكلها حتي الان
تتوقعوا اي اللي ممكن يحصل في اول مقابله
و ايه هو دور القدر و لعبته بينهم؟!
توقعاتكوووووووا يا بشرررر🙏🥰🥰
__________________________________
يتبع.........
اتمني يكون البارت عجبكوا وحبيتوا انا طولت قد ماعرفت للناس اللي كانت عاوزاه طويل اتمني تتفعلوا علشان انزل الجديد ان شاء الله قريب
دمتم بخير وصحة
🥰 See you Soon🥰
أنت تقرأ
احببتُ قَاسىٍ ♥️(completed)
Romansaهي فتاه رقيقه و هادئه تحب الحياه و تعشق الالوان و لكنها ستقع في فخ من لا يرحم و ستتغير حياتها مائه و ثمانون درجه💭 فماذا ستفعل و ما الذي يخبئه لها القدر؟!
