ساره بعدم فهم :انت تقصد ايه
يوسف:اقصد اللي فهمتيه انتي هنا علشان حاجتين اولا عابده لرغباتي و خدامه للبيت الي جانب اني هنفذ انتقامي منك انتي
ساره:انتقام... انتقام ايه اللي انت بتتكلم عليه وبعدين لما انت مش عاوزني اتجوزتني ليه موقفتش فوشهم ليه و رفضت
يوسف:صوتك مايعلاش عليا و الا ورحمه امي اللي عمري ماحلفت بيها كدب لكون موريكي ايام اسود من شعر راسك انتي فاهمه
ساره:لا مش فاهمه اتجوزتني ليه ها مترد عليا اتجوزتني ليه
يوسف:بقا انتي مش عارفه اتجوزتك ليه عمتا انا مش فارق معايا انتي خلاص بقيتي مراتي ومن هنا ورايح اللي اقولوا بس هو اللي يتنفذ وعلشان نبقي حلوين مع بعض في شويه قواعد كدا لازم تعرفيهم علشان لو متنفذوش او غلطي في واحده منهم هتزعلي وهيبقي عقابك عسير يا ساره هانم
ساره:قواعد ايه وعقاب ايه اللي بتتكلم عنهم
يوسف بحده :لما اكون بتكلم متقطعنيش ودي اول قاعده
ثانيا مفيش خروج نهائيا من البيت ثالثاً مفيش كلام مع حد الا بأذني رابعاً احنا قدام الناس اسعد اتنين متجوزين ولو حد عرف حاجه هندمك علي اليوم اللي اتولدتي فيه انتي فاهمه اه نسيت اقولك حاجه ان البيت دلوقتي بقي مسؤليتك يعني ارجع الاقي البيت نظيف ومتروق والاكل جاهز ولو دا محصلش هتتعاقبي عليه ونتي متعرفيش عقابي هيبقي عامل ازاي
ساره:انت كدا خلصت
يوسف ببرود:تقريباً
ساره:يعني ايه مش هخرج من البيت ودراستي وكليتي
يوسف:ايه دا هو انا مقولتلكيش
ساره:مقولتليش ايه؟!
يوسف:انك مش هتكملي دراسه
ساره بصراخ:انت اتجننت ازاي مش هكمل دراسه انت...
لم تكمل كلامها لانها تلقت صفعه اسقطتها ارضا
يوسف بحده:انا قلتلك اني مش عاوز صوتك يعلي بس واضح انك مفهمتيش علشان كدا استعدي للعقاب
______________________
امال:سالم
سالم:ايه يا امال مالك
امال:انا مش مستريحه انا قلبي مقبوض اوووي
سالم:من ايه بس
امال:مش عارفه انا عاوزه اروح لساره انا حاسه انها محتجالي
سالم:يا امال يا حببتي بنتك دلوقتي اتجوزت وهي في بيت جوزها واكيد لو في حاجه كانت كلمتنا وبعدين يا ستي ماتقلقيش الصبح هخدك ونروحلها اهم حاجه نامي انتي دلوقتي
امال:يعني انت هتاخدني ونروحلها بكرا
سالم:ايوه بس نامي دلوقتي
امال:حاضر هنام بس نروحلها
سالم:حاضر يا حببتي هنروحلها
امال:وعد
سالم:وعد
انهي سالم حديثه مع زوجته و قبل جبينها و احتضنها لتنام و ظل هو مشغول البال و كان يحدث نفسه
سالم:و الله يا امال انا كمان حاسس اني مقبوض فينك يا بنتي يا تري عامله ايه دلوقتي يا تري انتي كويسه ولا لا
و بعد مده ليست بطويله غفي سالم في ثبات عميق
__________________________
صباحاً في فيلا يوسف
استيقظت ساره و هي تشعر بألم طفيف في رأسها لتتذكر احداث الليله الماضيه من ضرب وتعذيب واهانه و كل ما لم تتوقعه انسحبت من الغرفه و ظلت تبكي بحرقه علي حالها و ما وصلت اليه
ساره:يا رب انا عملت ايه علشان يتعمل فيا كل دا يا رب هو ليه بينتقم مني انت الوحيد اللي عالم بيا وبحالي دلوقتي يا رب خليك جنبي انا مليش غيرك
اخذت ساره حمامها و توضئات و صلت فرضها ثم نزلت الي الاسفل لتحضير الافطار قبل ان يستيقظ ذلك الوحش الكاسر عديم الانسانيه والرحمه ذلك الكائن الخالي من الانسانيه والعطف
متبلد المشاعر
استيقظ يوسف ولكنه لم يجدها شعر بالغضب الشديد واعتقد انها قد تركت المنزل وهربت لما رأته ليله امس من عذاب شعر بالتعاطف معها ومع حالها فكيف لعروس ان تتلقي كل ذلك العذاب يوم زفافها اليوم الذي تتمناه وتحلم به كل فتاه ولكنه نفض تلك الفكره من رأسه وسيطر عليه انتقامه فأتجه مسرعا الي مرحاضه وارتدا ثيابه ونزل مسرعا الي اسفل
و لكنه لم يتوقع أبداً ما راه............
__________________________________
يتبع.............
اتمني يكون عجبكوا واتمنالكوا قرايه ممتعه وشكرا لكل حد اتفاعل بكومنت وانا بجد مبسوطه اووي اني قدرت ابسطكوا ومبسوطه ان في ناس بتستني روايتي بس دا ميمنعش اني محتاجه دعمكوا وعاوزه متابعه وتشجيييييييع بحبكوا جدا
عاوزه تفاعل علشان انزل الجديد بسرعه
See you Soon 🌹😍
أنت تقرأ
احببتُ قَاسىٍ ♥️(completed)
Romanceهي فتاه رقيقه و هادئه تحب الحياه و تعشق الالوان و لكنها ستقع في فخ من لا يرحم و ستتغير حياتها مائه و ثمانون درجه💭 فماذا ستفعل و ما الذي يخبئه لها القدر؟!
