🎀 قصص و مشاكل فتيات عراقيات 🎀

زينب ماجد + مساعده

للتوضيح لا اكثر
بما انو كثر الكلام بهالموضوع فاسمحولي احجي بيه
واسفة اذا اطيل بالكلام بس حتى يتوضح الامر

قبل ٦ اشهر تقريبا وصلتني قصة .. كلش كلش حلوة لدرجة اخذت كل تفكيري قررت اسميها كحل عرب و اندمجت وياها كلش هواية
بس جان اكو شي يستوقفني من تنزيلها .. و هو اني منزلة بارتين من قصة (ليتني استطيع فعلها) لا اكدر اكمل هاي ولا اكدر اأجل هايه

فاتصلت بريام كلت الها محتارة بموضوع و هيج السالفة كالتلي :- قصة ليتني طويلة ؟
كلت الها :- لا قصة تناقش قضية واحتمال انهيها ب٣٠ حلقة بس المشكلة عقلي كله افتر ويا هاي القصة

كالت: زينب انهي قصة ليتني و خلصيها وبعدها مباشرة ابدي بقصة كحل عرب براحتج حتى ما يضل وراج شي وتنزليها صافي

شفت رأيها صح .. اخذت بيه بس بالي كله مشغول بهالقصة .. خلصت هي ابي و الغزلان و نشرت ليتني بس الصار .. مدا اكدر اركز بقصة ليتني و اندمج بالاحداث بكثر ما مندمجة ويا البنت اللي تبعثلي الاحداث

خصوصا جان وقتها زوج ديار بيه كورونا ومتتواصل ويايا ببداية الاحداث فبقى عقلي ويا البنت التبعثلي قصة كحل عرب

فرجعت اتصلت بريام كلت الها : عقلي مدا يركز ابدا وحتى واهس ما الي بقصة ليتني بسبب هاي القصة

كالتلي اتجاهلي البنت التبعثلج و ضروري تركزين وخلصيها بسرعة حتى تصفين للقصة الجديدة

وفعلا اتجاهلت .. وحاولت اركز بقصة ديار وبعدها ديار تواصلت وياي وحاولت اتغاضى ما اقرا بالاحداث اللي تبعثهم  صاحبة كحل عرب.. انصدمت البنت طاير حسابها
كلش اتضايقت وقتها نشرت سكرين كلت (حبيبتي صاحبة القصة اذا موجودة تواصلي وياي )
لإن اني واعدتها بس تخلص ليتني اكتبها
ما اطول الكم .. ختمت قصة ليتني بس جنت حيل متعبة لإن ٣ اشهر طولت بيها.
نزلت النهاية ب٥ الصبح ونمت ، كعدت ب١١ اتصلت بريام كلت الها باركيلي تحررت .. وبقينا نضحك و نسولف
سألتها :- عندج قصة معينة تنزلين ؟
كالت :- والله زيزو لهسه ممحددة اكو قصة بس ما مقررة انزلها لو لا
كلت الها :- يعني يبقى البيج فارغ ؟
كالت :- كالتي عوفي فارغ بلكت للعاشر اني حاسمة الموضوع وعود وكتها انزل قصة

نزلت الكم بوست انو اني ما اكدر انزل راح ارتاح و ريام ممقررة فهالفترة راح تبقون بلا قصص .

اللي صار تواصلت مع صاحبة القصة اللي شاغلة بالي ورجعت ليل نهار مشغولة بيها لدرجة والله اخوية يباوعلي يلكاني احجي ويا نفسي بسببها 😅
فكلت ليش اترك البيج فارغ و عقلي مشغول ارتاح اسبوعين و ارجع انزل القصة و استمتع باحداثها خصوصا زوج صاحبة القصة معقد وخاف بلحظة افقدها وهي تريد تنقلي قصة ابوها و اهلها وكلش متحمسة تنشر .. فكلت خل انشر احسن ما افقدها عود منا لشهر الواحد اني مخلصة وقتها ريوم تنشر على راحتها .. انطيت كلمة لاصحاب القصة و اشتغلت عليها ووصلت مرحلة اختار الاسماء