🎀 قصص و مشاكل فتيات عراقيات 🎀

تعاغوو بسرعه 😑🐸✂️

صاير انوركم بالليل حته تنامون ع خلقه جميله مثلي

و هاا ام نعال رحمه للنبي علقي باي شي خلي اعرفج

ساعودهن خطيه + جاي اكتب و روان دزت رساله خربتني ضحك و انتو شعليكم اصلا حته اكللكم

يلا نكمل + البارت هذا من نخلص و باجر بالليل امسحه اوك  + باجر حكتبلكم موضوع تقروا كوله اوووووك مو اكتب و متقرون اذبحكم والله و✂️ افتهمتوا 🐸

هسه يلا يلا

بنات شلونجن فدوة اريد تنصحني شنو اسوي فدوة لكلبجن. بنت اختي مثل صديقتي هية شوية بعيدة عني
ف صاير وياها موضوع ورايحة لاهلها وصارلها اسبوع واليوم يلة حجتلي صدكني بنات بجيت من سمعت الي صاير وياها وبقيت لا اكل ولا شرب من الصبح لحد هسة الي صاير... انو هية بيها كرونا عمرها 21سنة والمغرب جاي تصلي هية وعمتها ع خلاف ف عمتها زامخة بيها وكهرباء ماكو ف تكول يا خالة من زمخت بية تعكربت كل اعصابي بحيث تكعورت ادية ورجلية وعيوني غوشن اعصابي كلة التفت كوة فكو اعصابي وضليت اصيح ياعلي ياعلي دخيلك نيموني ورة شوية هدأت رحت للدكتور كلي مابيها شي لتخافون انطاني حبوب مهدأ ومنوم  وبليلتها ما نمت ابد بداخلي خوف واشوف كوابيس رجلها بلزيارة تكول اتصلت بي كتلة تعال من اجاني ثاني يوم عادي ماعندي شي وطلعنة وسولفنة وضحكنة بليل كلت بلكي اغفة شوية نيمت جهالي ابنها عمرة سنة وما نمت ابد تكول رجلي تعبان حط راسة وغفة تكول الغرفة بيها بس ضوة قليل مالت السبلت ضليت اتگلب وخايفة تكول كعد ابني يصرخ ويبجي كعد زوجي اخذة خلاة بحضنة كتلة انطينيا كلي لا عوفي تكول الطفل يبجي بخبال يصرخ بحيلة ومثل المو طبيعي البجي مالتة ف اريد بس اخلي بحضني احسسة بلامان امد ايدي اكلة انطينيا يضرب ايدي ويدفعني ويزمخ علية كلتلة بس اسكتة وارجعة الك.. تكول كام لية موتني كتل وضربني راشديات وشال الطفل وشمرة بكل قوتة انضرب ابني بلحايط وكع بلكاع تكول اني هم ادية ورجلية وكفن  وبس اصرخ واصيح وملخت شعري وهوة واكف بصفي وماعندة اي ردة فعل تكول باوعت لابني نايم ع بطنة ولا حس ولا نفس باوعت لوجة زوجي عيونة مثل اليزر حمر وعندة گرون ثنين واذانة اطوال وجهه احمر وضخم راسة شوية عن السكف مالت الغرفة وكلة شعر وحلكة جبير وجفوف رجلية طوال وبيهن اضافير وجهه معكمش ولحيتة وشواربة واصلات ليم لجلية وحمر دنگ راسة وگعد كبالي گلي وين السجينة تكول صوتة بعمري ما سامعتة صوت خشن وبي رنة تكول ضليت الطم واصرخ باوعتة مرة ثانية شفتة زوجي نفسة تكول باوعت لخيالة نفس المخلوق المرعب الي شفتة تكول بعد ما حسيت على شي لحد الصبح ابني بحضني بس راسة متأذي وخشمة بي دم وزوجي  اباوعلة ميباوع لوجهي ابد واني هم كلما اباوعلة اشوفة ذاك المخلوق ضليت ويا يومين من اطلع للصالة واباوع لغرفتي اشوفها ضلمة حتلو بيها ضوة واشوف المخلوق واكف وبيدة سجينة وراها رحت لبيت اهلي واجاني مرتين حتى يرجعني  من اشوفة اتهستر وماعرف شيصير بية اهلي واخوتي من اصحة الكاهم لازميني وكلما اباوعلة اشوفة نفسة المخلوق
انشريها بروح موتاج بأسرع ما يمكن اني كلتلها اكو بنات حبابات وبنات اصول احجيلهن بلكي ينصحني
ها زنوبة... وعذراء الي هية بنت اختي صاحبة القصة تكول اهلي واخوتي وامي وابوية والاقارب كلة تكول جذابة تسوي هيج حتى تطلع بيت وحدها  ... تكول اريد اعرف هاذا الي يصير من الفزة لو عمل شيطاني لو شنو خالتي عدهه ٢ بنات من جابت البنيه الثانيه صار بيهه مس من المستشفى اجاهه ف ضلينه تقريبا ٣ اشهر ماخلينه سيد مارحنه المهم صارت زينه  بعد تقريبا سنه او اكثر حبلت ف من درة رجلهه وعمتهه جابوبلهه حبوب وسقطت لان خايفين عليهه خاف ترجع الحاله ف شنو تسوي حته تكفر عن ذنبهه لان اليل متنامه وها للعلم الجنين عمرة اسابيع يعني مابي نبض ياريت لو تنشرين بكروبج بلكت البنات يعرفن شنو تسوي او شنو دتفع والج الاجر والثواب