واقفه قدام بوابه الجامعه وابتسامتي من الحاجب للحاجب 😀😂مبسوطه لابعد درجه اخير بقيت بت جامعه وكدا 😍😍😍دي اللحظه المنتظراها من سنين ايويييييي يويييي يويييي 😗😘😘🙆( سوري انفعلت نواصل)
بسم الله ادخل بكراعي اليمين (طبعا واقفه اكتر من نص ساعه في البوابه لم الحرس هرشني ☺☺)
خشيت اخيرا جامعه الخرطوم كليه الصيدله ( اي عارفه نهايتي زي اي بتاع دكان بس يلا عادي 😂😂😂 ناس صيدله معليش يااا )
اول ما خشيت قاعده بتلفت ومنبهره شديد من الشايفاهو قدامي بقيت بتلفت زي سواق التكسي 😅😴وماشه ماشه لحدي ما طفح بي الكيل (عارفه ما جايه بس عجبتني نسوي شنو بس ☺)
اها في واحد صفر لي قال لي اووو يا مزه قبلت ليهو مشيت عليهو 😀
قلت لي مزه وووووب علي احييي واحييي ( دا كلو وانا رافعه يدي فوق وبلف متخيلين بس يلا انا زوله فرفوشه 😂💔)
احييي انت يا مز ياود المزه صفرت لي انا احيييييي احييييي احييي يا ناس اخش وين انا اسمك منو يا مز يا كسار يا ود انت
الولد بعاين لي باستغراب كدا 😐😑😕
هيييي انت مالك اسمك منو ياخ ومديت ليهو يدي
عمر انا عمر وسلم علي 😐☺مديت لهو يدي احييي يدو زي قطعه المارشملو ياخ احلي يدو انعم من يدي هو ملاك وانا ابكر احييي دي يد ولا اسفنجه ملسا احييي يا قلبي 💔💔
طوالي اتكيت جنبو في الشجره المتكي فيها دي جات بت سمحه سماحه التقول شارده من الجنه ولا اللون التقول بتستحمى بي لبن نيدو احيييي بس ☺💔🙆
قلت ليهو كشف كشف للمزه ديك ووووب عاين ليها سمحه كيفن دي انتاج سوداني اسي
وهو بعاين لي كدا 😐😕
جات بت امزز منها لابسه داك يا الجينز وداك يا الشعر عوووووووومر لمن الولد اتخلع النبي شوف ديك عاين ليها سمحه كيف ووووب لاااا النبي اربط معاها انت مز وهي قاطعه حتكونو واااو النبي اربط معاها احييي دا زرعو ولا قام براو لا اله الا الله احييي يا قلبي 😮😻😹😹
هو اخيرا اتجاوب معاي قالي والله قاطعه بس دي بتكون هاي هاي والنوع دا قاطعتو قلت ليهو منتهى الياي بس ما تزعل يا صحبي بعزل ليك الاسمح منها والارقى منها زاتو عاين ليها عامله كيف اسي تلقى دا باروكه ولا شعرها ولا حاجه ☺😇 فجاه الولد يفقها ضحكه بي اعلى صوت 😂😂😂😂😂😂😂😂 سمع امه لا الله الا الله دي كلها الناس قالو جنهه وانا بعاين ليهو كدا 😯😯اجي دا مالو كمان قال لي سبحان الله انتو البنات عجيبات عدييل كدا اسي ما قلتي قاطعه مالك قلت ليهو انت مالك 😤
بعدين قال لي سمح يا بت يا ظريفه انتي اسمك منو قلت ليهو اسمي الجن الكلكي قال لي معقول ياخ الجن الكلكلي عديل كدا طيب يا الجن الكلكي انتي سنير صاح 😆
قلت ليهو بري بري بري يا داب اول يوم لي برلووومه وافتخر والولد الفضيحه دا تاني قعد يضحك الناس كلها تتفرج فينا قلت ليهو ااااا ود انت جنيت ولا شنو 😈😈
بعد الفصاحه دي كلها برلومه ووب علينا عاينت ليهو كدا اننن ظريف اها انا دايرك توريني القاعه بقى قال لي سمح ارح بوديك وصلني لحدي القاعه وقلت ليهو جيب رقمك قال لي بت بي خفتك دي عمري ما شفت قلت ليهو اقول ليك حاجه خلي الحي بلاقي الحي قال لي الله الله بتعرفي تقول كلام عديل يعني 😉😉
مالي ما بعرف اتكلم قال ليك ويلا اتفكفك من هنا
برضو ما عرفت اسمك 😉😇 قلت ليهو ما قلنا ليك الجن الكلكي يلا اتاخرج
بتبع ....................
