قاتلي المأجور

2( لماذا لم يقتلها؟) تم تعديله

صرخة قوية انطلقت من فم ثريا تزامنت مع صوت إنطلاق الرُصاصه القوي من سلاح روني
فتحت عينيها ببطئ و وجدته أمامها يبتسم لها بخفه قائلًا :
"خلاص خلصت يلا نروح"

إقترب منه و إنحني إليها يحل وثاقها،  نظرت له بصدمة فارغة فكها، فضحك عاليًا وهو يضع يده على فمها :
" إققفلي البلاعه ال فتحاها دي هتدخلك حشرات "
أغلقت فمها و لم تذهب الصدمة عن عينيها، تحرك إلى السيارة و تبعته هي راكضة خلفه سائله بغباء :
"يعني أنا هفضل عايشه و لا أنا مت بس مش حاسه "

ضربها بخفه على مؤخرة رأسها :
" في حاجه إسمها مت بس مش حاسة، لا يا أختي عايشة و زي القردة "
صعد للسيارة فتبعته لداخلها ملقية الكثير من الأسئلة تجاهلها مجيبًا عن سؤالها الأخير حين سألته عن وجهته أجابها مختصرًا وهو يشغل محرك السيارة :
"البيت"

جذبت حزام الأمان لتعقده و هي لا تكف عن الحديث :
"أيوه بس إحنا هنروح هناك تاني إزاي إنت شكلك بجد ماتعرفهاش دي ممكن تعمل حاجات كتير، دي ممكن تقتلنا إحنا الإتنين من غير رحمة "

أجاب  بلامبلاه وهو يضع عينيه على الطريق بتركيز :
" إحنا مش هنروح عندها إحنا هنروح عندي البيت "

رمشت بعينيها مرات تحاول فهم ما قال :
"ـSorry  بس إنت قلت إيه "

نظر إليها ببرود وهو يكرر كلامته أمامها مجددًا :
" قلت هنروح عندي البيت"

إنكمشت بنفسها وضمت جسدها إليها وقالت بنبرة باكية :
" إنت عايز مني إيه طمعان فيا عشان كده ماقتلتنيش  "

نظر إليها مطولًا متفحصها من أعلاها لأسفلها :
" للأسف ماليش في العود الفرنساوي بحب الستات الملبن أكتر  "

أمسكت ملابسه تجذبه إليها :
" يبقي هتخطفني صح قول هتبيع اعضائي"

أزال يدها من عليه بغضب صارخًا  :
" أعضاء إيه يا بت إنتي عندك أعضاء أصلًا دي زمانها فاسده ده إنتي كلك عضم سيبيني يا بت هنعمل حادثة يخربيتك"

صاحت الأخرى عاليًا وهي تضرب زجاج السيارة بيديها :
"       Help me, people! He's kidnapping me, He's a dirty harasser.      "
(ساعدوني أيها الناس إنه يختطفني، إنه متحرش قذر )

سحبها بهدوء يعيدها إلى مكانها :
"  إتهدي بقي مين هيسمعك هنا في وسط الصحراء وبعدين أنا إتحرشت بيكي إمتي هو أنا لمستك و خطفتك منين أنا ما إنتي طالعه العربية بمزاجك كان ممكن أسيبك وسط الصحراء و الحيوانات تأكلك وأخلص منك بس أنا جوايا شوية طيبة"
ظفر بضيق ثم أردف :
" Calm down and understand me well "
( إهدئي و إفهميني جيدًا )
نظرت إليه بتعجب:
" ـwow إنت بتتكلم إنجليزي بجد، أنا عمري ما كنت أتخيل إن إنسان زيك يكون معاه لغة "
" إنسان " قالها ساخرًا وهو يطالعًا بسخرية ثم أردف وهو يدير رأسه للطريق مره أخرى : " طب خدي بالك عشان الإنسان معاه ٤ لغات " صدمها و هو ينطق كلمة (  إنسان ) بنبرة غليظة قوية.
شقت إبتسامة معجبة محياها :
" ـIt's a dream قاتل مأجور معاه ٤ لغات Amazing ليه ماشتغلتش شغلانه حلوه ال معاهم لغات عندهم فرص تحفة للشغل ليه قاتل يعني"