وشوفت نيللى القرد وهيا بتصرخ وبتتلوى على الارض , عضمها كان بيطلع صوت طقطقه كانه بيتكسر ووشها بدأ يرجع ليه ملامح البنى أدمين واحده واحده , جسمها فضل يكبر لحد مابقت فى جسم البنى أدم بس كانت متغطيه كلها بشعر القرد .
شويه وبدأ شعر القرد يقع وملامح نيللى تبان .
كانت عريانه و متكومه على الارض وبتترعش , أبوها جرى عليها وغطاها بالبطانيه وهو بيشكر شهاب وبيقوله :
أنا هكافئك مكافئه كبيره أوى !!
شهاب ضحك بصوت عالى وقاله :
لا ياباشا , زى ماقولتلك انا ليا شرطين !!!
Lina Basyouni
قاله :
أيه الشرطين ؟
شهاب قاله :
الشرط الاول أنك تاخد تارك !!؟
أبونيللى بصله بأستغراب وقاله :
مش فاهم !!؟
قاله :
تقتل معتز باشا !!
أبونيللى قال :
معتز باشا مين ؟!!
قاله شهاب :
الراجل اللى هددكم فى الميكرفون فى اليوم اللى هجمتوا فيه على الكهف وعلم عليكم وقتل أخوك , ولا مش هتاخد بتار أخوك؟ !!
أبونيللى قاله بغضب :
لا طبعا هاخد بتار أخويا , بس ده هقتله أزاى !! باين عليه واصل أوى , وانت عارف الناس اللى زى دى لما بتتقتل الدنيا بتتقلب على اللى قتله !!
وسكت شويه وقال :
وبعدين مش شايفها حاجه غريبه , أن يكون شرطك أنى أخد بتارى ؟!!
شهاب ضحك وقال :
زى ماقولتلك عدو عدوى صديقى .
ومعتز باشا عقبه كبيره جدا قدامى , وانت شوفته بنفسك بيحمى نور أزاى !!
على فكره انا كنت حاضر من قبل الحرب ماتبدأ.
الجن بتوعى رصدوا الجيش الخايب اللى كنتوا جايبينه وهو رايح على الكهف, وشوفت كل اللى حصل , وعرفت ان نور معاه جن قوى جدا بس هو ساحر ضعيف جدا , معملش حتى تعزيمة حمايه على الجن بتوعه فى الحرب.
أنا أقدر أسحق نور بس مشكلتى فى اللى قتل أخوك وبيحميه , معتز باشا .
أبو نيللى قاله :
طيب ماتعمل أنت أى سحر وتقتله !!
Lina Basyouni
شهاب رد وقال :
انا أقدر أقتله بالسحر بس لازم أقرب منه وألمسه ، ومعتز عارفنى كويس وعارف تاريخ عيلتى ومستحيل هيخلينى أقرب منه ولو شافنى قدامه هيسجنى من غير تهمه.
أنت تقرأ
ميراث نور " الجزء التانى"
Mistério / Suspenseيبدأ نور في تعلم السحر بمساعدة نصير للتغلب على اعداءه وحماية أسرته فهل سينجح فى ذلك!!
